Izarraitz Igeri Elkarteko 2013an jaiotako benjaminak Igerilari osoa deritzon eskolarteko Gipuzkoako Txapelketa izan dira Ordizian.

Igerilari bakoitza, bakarkako lau probatan lehiatu da. Goizean, 50 metro tximeleta eta 100 metro bizkar probak izan dituzte, eta arratsaldean, 100 metro bular eta 100 metro libre probak.

Azpeitiarrek emaitza oso onak lortu dituzte eta gure igerilariak bide onetik doazela konfirmatu da. Lur Elortza Arrieta azpitxapeldun izan da igerilari osoaren sailkapen orokorrean 50 tximeletan 3. eta 100 bizkar, 100 bular eta 100 libren 2. izan ondoren. Eneko Bastida Zabala podiumera igo da 3. postuan sailkapen orokorrean eta 100 bular azpitxapeldun izan da. Nesken 4×50 lau estiloetako erreleboetan azpitxapeldun izendatu dira.

Taldezkako sailkapenetan berriz, neskak 2. postua lortu dute, mutiletan 4. eta sailkapen bateratuan 2. postua.

Zorionak egiten ari zareten lanagatik eta segi horrela!

Aupa Izarraitz!