Irailaren 16an hasiko du 2019-2020 denboraldia Izarraitz Igeri Elkarteak

Itsas zeharkaldien denboraldia bukatzear dagoen honetan, irailaren 16an, astelehenean, hasiko dira Izarraitz Igeri Elkarteko igerilariak 2019-2020 denboraldia prestatzeko lanetan, igerilekuan.

Izarraitz Igeri Elkartean izena eman ahal izateko, momentuz, master eta premaster ataletan daude hutsuneak. Master edo premaster mailetan izena eman nahi izanez gero,  emailez edo telefonoz jarri harremanetan, izarraitz.ie@hotmail.com edo deitu 607 49 85 00 (Isaac).

Gaztetxoen mailetan, txanda guztiak beteta daude eta itxarote-zerrenda bat dago. Zalantzaren bat izanez gero edo informazio gehiago nahi izanez gero, deitu 607 49 85 00 zenbakira.

Bestalde, denboraldia ilusioz eta indartsu hasteko, urriaren 5erako, zapatua, Izarraitz Igeri Elkartearen eguna antolatzen ari dira.

Data gerturatzen joan ahala egun horren inguruko xehetasun gehiago emango ditu Izarraitz Igeri Elkarteak.

Advertisements
Posted on by

Atzo egin zen masterren eta premasterren denboraldi berriaren auzkezpen bilera

Atzo, asteazkena, gure taldeko master eta premasterrek denboraldi berriaren aurkezpen bilera izan zuten, Iban Perez entrenatzailearekin.

Uretan lan saioak hamar egun barru hasiko dira. Urte polita izango dela- esan zuen entrenatzaileak.

Master edo premaster taldean sartu nahi baduzu, oraindik garaiz zabiltz!

Anima zaitez!

 

Posted on by

IGANDEAN, IRLAKO XXII. IGERIKETA ZEHARKALDIA

Igandean, abuztuaren 25ean, Irlako XXII. Igeriketa Zeharkaldia ospatuko da Donostian “Atlético San Sebastián” Elkarteak antolatuta. Izarraitz Igeri Elkarteko igerilariak bertan izango dira beste azpeitiar batzuekin batera.

Kontxako Atletiko San Sebastian  Elkarteko egoitzaren paretik, goizeko 10:30etan irtengo dira infantilak. 600 metrotako igerialdia egin beharko dute infantil neska-mutilak. Gero, 11:00tan, eta toki beretik, irteera emango zaio helduen igerialdiari. Hauek, 3.000 metro egin beharko dute Santa Klarako irla inguratuz.

Zorte on guztiei !

Igerialdiak, Itsas Zeharkaldiak atalean publikatua

Bi podium Txingudiko igerialdian

Joan den igandean, Hondarribiko hondartzan Txingudiko Badiako XVI. Igerialdia jokatu zen. Izarraitzekoek lan ona egin zuten eta ondorioz, bi podium lortuta etxeratu ziren.

Iñaki Etxeberriak bigarren postua beterano 2 mailan.

Elene Sudupek hirugarren postua infantil mailan.

Aurrenik, 11:30etan, infantil mailako 40 igerilari irten ziren Hondarribiko hondartzatik, 700 metroko luzera zuen igerialdia egiteko. Gure taldetik, Elene Sudupek hartu zuen parte. Gaztetxoen igerialdian, Elene Sudupek hirugarren postua eskuratu zuen.

Ondoren, 12:00etan hasi zen helduen zeharkaldia Hondarribiko Butron Pasealekutik. Izarraitz Igeri Elkartetik lau igerilarik parte hartu zuten, Iñaki Etxeberriak, Cristina Alberdik, Jone Garatek eta Alazne Sudupek.

Irteeratik helmugara, 212 parte hartzaileak, 2.600 metrotako distantzia zuten egin beharreko lana eta, oso txukun aritu ziren gure taldeko igerilariak.

Hona hemen Izarraitzeko helduek lortutako postuak:

  • Iñaki Etxeberriak, 46. postua eta 2. beterano 2 mailan.
  • Alazne Sudupek, 52. postua eta 10. senior mailan.
  • Cristina Alberdik, 72. postua eta 13. senior mailan.
  • Jone Garatek, 84. postua eta 14. senior mailan.

Zorionak guztiei!

 

Igerialdiak, Itsas Zeharkaldiak atalean publikatua

Igandean, Txingudiko Badiako XVI. Igerialdia

Igandean, abuztuaren 18an, Gipuzkoako Distantzia Luzeko XIX. Ligarekin jarraituko dute Izarraitz Igeri Elkarteko igerilariek, Txingudiko Badiako XVI. Igerialdian.

Infantil mailako igerilariekin eta goizeko 11:30etan ekingo diote probari, Hondarribiko hondartzako Tintinetik. 700 metroko luzera duen igerialdia izango dute. Izarraitzetik izena eman du; Elene Sudupe azkoitiarrak.

Ondoren,  12:00etan, hasiko da helduen proba Hondarribiko Butron Pasealekutik eta, 2.600 metro dituen zeharkaldia egin beharko dute hondartzaraino. Izarraitzetik honako igerilari hauek parte hartuko dute: Iñaki Etxeberriak, Rafa Zubeldiak, Jone Garatek, Cristina Alberdik eta Alazne Sudupek.

Zorte on, eta egurre!

Igerialdiak, Itsas Zeharkaldiak atalean publikatua

Emaitza onak Paseo Berriko igerialdian

Ostegunean, abuztuaren 15ean,  Izarraitz Igeri Elkarteko igerilari talde bat, 51. Paseo Berriko Igerialdian parte hartu zuten Donostian.

Aurrenik, 11:00etan, infantil mailako 60 igerilari irten ziren Nautikoko eskailera paretik, 650 metroko luzera zuen igerialdia egiteko. Gure taldetik, bi igerilarik hartu zuten parte. Biek igerialdi txukuna burutu zuten eta aipagarriena Elene Suduperen zazpigarren postua izan zen.

Bakoitzaren postuak honako hauek izan ziren; Elene Sudupek 7. postua eta Anne Sagarmendik 21. postua.

Helduek, Zurriolatik hasi eta Kontxaraino igeri egin ohi dute Donostiako Aste Nagusian Pasealeku Berriko igeriketa zeharkaldian. Atzo, itsasoa zakar zegoela eta, Fortuna Kirol Elkarteak ibilbidea aldatzea erabaki zuen. Azkenean, Kontxan hasi zuten proba eta lehenik portura joan ziren igerilariak, ondoren irlara, eta azkenik, Tenisaren pareraino igeri egin zuten, berriro Kontxako handartzara itzuli aurretik.

Guztira  500 parte hartzaile pasa izan ziren, hauetatik, Izarraitz Igeri Elkarteko igerilari taldetxo bat.

Hauek ere zeharkaldi ona egin zuten, nahiz eta gehiengoak, betiko ibilbidea gustokoagoa izan. Helduen artean, Iñaki Etxeberriak, (veterano2 mailan) lortu zuen podiumera igotzea.

Hona hemen gure helduen denborak eta postuak:

Zorionak guztiei!

 

Igerialdiak, Itsas Zeharkaldiak atalean publikatua

Maialen Sudupek egundoko Espainiako Txapelketa

100 bizkar proban, Espainiako txapeldun junior mailan.

200 bizkar proban, Espainiako txapeldunorde junior mailan.

Pasa diren egunetan, abuztuaren 3tik abuztuaren 7ra, Maialen Sudupe igerilaria eta Isaac Pousada entrenatzailea, Terrassan (Katalunia) izan dira Espainiako junior eta absolutuen udako txapelketan parte hartzen. Azken asteetan hitzordu honetarako aritu da prestatzen, eta emaitzak ikusirik, asmatu egin duela ezin ukatu.

Maialenek, emaitza ezin hobeak lortu ditu eta hona hemen laburbilduta:

  • Bi domina, urrezkoa eta zilarrezkoa.
  • 5 final.
  • 5 marka pertsonal.
  • Klubeko 7 errekor berri.
  • EH-ko 2 errekor berri.

Probaz proba hauek izan dira lorpenak:

  • 50 bizkar: 30:06 denborarekin, 12. postua absolutu mailan, marka pertsonala, klubeko errekorrak (absolutuetan eta 17 urtekoetan) eta EH-ko errekorra 17 urtekoetan.
  • 100 bizkar: 1:04:57 denborarekin, 1. postua eta urrezko domina, marka pertsonala, klubeko errekorrak (absolutuetan eta 17 urtekoetan) eta EH-ko errekorra 17 urtekoetan.
  • 200 bizkar: 2:21:98 denborarekin, 2. postua eta zilarrezko domina eta marka pertsonala.
  • 100 tximeleta: 1:05:39 denborarekin, 7. postua , marka pertsonala eta klubeko errekorrak (absolutuetan eta 17 urtekoetan).
  • 200 estilo: 2:26:55 denborarekin, 7. postua, marka pertsonala eta klubeko errekor berria 17 urtekoetan.

Maialen Sudupe, Gipuzkoatik joan ziren igerilarien artean, esanguratsuenetako bat izan da. Pixkanaka-pixkanaka izugarrizko palmaresa lortzen ari da.

Dominak eta ohoreak igerilariak jaso baditu ere, Isaac Pousadarekin ezin dugu ahaztu, entrenamenduen plangintza eta eguneroko lana oso ondo burutu bai du. Zorionak Isaac Izarraitz Igeri Elkartetik, lan bikaina egin duzue. Orain, merezitako atsedenaldi luzea izango dute denboraldi berria hasi arte.

Zorionak eta gozatu oporretan!

Espainiako txapelketak atalean publikatua

Udako Espainiako Infantilen Txapelketarekin, Uxuek eta Maierrek bukatu dute denboraldia

Uztailaren 27an hasi eta uztailaren 30era bitartean, Udako Espainiako Infantilen Txapelketa jokatu da Bartzelonan, Bernat Picornell igerilekuan. Bertan, gure taldeko Uxue Etxeberria (2004) eta Maier Lizarzaburu (2005) izan dira lehian eta Isaac Pousada, entrenatzaile lanetan. Bikoteak, Bartzelonako  txapelketa zuten denboraldiko hitzordurik garrantzitsuena.

Emaitzak ikusirik, esan dezakegu aurreikusitako ia helburu guztiak bete dituztela gure igerilariak. Garbi dago, Espainiako txapelketetan izugarrizko maila egoten dela eta oso zaila dela aurreko postuetan ibiltzea, horrez gain, Espainiako infantilen txapelketara joan diren igerilarientzat, denboraldia luze joan da. Hala ere, Bartzelonako  txapelketara joatea, denboraldian zehar gogor eta gogoz lana egitearen saria izan dute gure taldeko gaztetxoak.

Guztira lau probetan parte hartu dute eta esperientzia eta ikasketa ona izan da beraien ibilbiderako.

Hona hemen emaitzak:

Uxue Etxeberriak;

  • 100 bular proban, 1:17:93 denborarekin 18. postua.
  • 200 bular proban, 2:43:96 denborarekin, finalerako txartela, marka pertsonala eta klubeko errekorra 15 urtekoetan eta absolutoa. Finalean aldiz, 2:46:90 denborarekin 10. postua.
  • 200 estilo proban, 2:33:25 denborarekin 27. postua

Maier Lizarzaburuk;

  • 200 bizkar proban, 2:34:76 denborraekin 25. postua.

Orain atsedena hartzeko garaia iritsi zaie, denboraldia luzea eta neketsua izan baidute.

Zorionak denboraldian zehar egin duzuen esfortzuagatik eta orain, txapelketa hau ahaztu eta merezitako oporrak disfrutatu!

Espainiako txapelketak atalean publikatua

Izarraitzekoak gustura Getaria-Zarautz Itsas zeharkaldian

Zapatuan eta igandean, Izarraitz Igeri Elkarteko ia 50 igerilarik parte hartu zuten 49. Getaria-Zarautz Itsas Zeharkaldian.

Aurtengoan, zapatu arratsaldean zeharkaldi luze batekin eman zioten hasera asteburuko igerialdiei. 5.200 metrotako proba egin zuten arratsaldeko seiretan hasita eta gure taldeko igerilariak ondo moldatu ziren. Emaitzarik esanguratsuenak honako hauek izan zire:

  • Haritz Elortzak 1:12:12 denborarekin 52. postua.
  • Asier Zulaikak 1:12:18 denborarekin 53. postua.
  • Rafa Zubeldiak 1:12:40 denborarekin 55. postua.
  • Josu Arzamendik 1:19:41 denborarekin 113. postua
  • Jone Goenagak 1:21:01 denborarekin 133. postua

Z-G-Z 2019 SAILKAPENAK

Igandean, aurrenik,  infantil mailako neska mutilak irten ziren Zarautzeko hondartzatik   800 metroko luzera zuen igerialdia egiteko. Gure taldeko  onena Elene Sudupe izan zen 4. postua lortuz.

INFANTILEN ZEHARKALDIA 2019 ZARAUTZ

Ondoren, 11:30etan hasi zen helduen zeharkaldia Getariako portuan. 3.100 igerilariak zortzi taldetan atera ziren, aurrez eginiko denboraren arabera. Izarraitzeko 35 bat igerilarik hartu zuten parte, eta ia guztiak oso gustura gelditu ziren lortutako denborekin, nahiz eta itsasoa nahiko nahastuta aurkitu zuten igeriketarako.

Izarraitzeko igerilarien artean, emaitza esanguratsuenak honako hauek izan ziren: gizonezkoetan Pablo Etxeberriak 7. postua eta 7. senior mailan eta emakumezkoetan, Leire Ceciagak 199. postua eta 4. master mailan.

Hona hemen Izarraitzeko eta Azpeitiko igerilarien postuak eta denborak:

IZARRAITZKOEN ETA AZPEITIARREN SAILKAPENAK GZ

G-Z 2019 SAILKAPENAK

Zorionak guztiei eta segi horrelaxe!

Itsas Zeharkaldiak atalean publikatua

Iñaki Aramendirentzat, Izarraitz Igeri Elkarteko zozketaren saria

Uztailaren 12ko entrenamenduen amaieran egindako zozketan zenbaki hau izan zen saritua; 13.475. Zenbaki sarituaren jabea ere agertu da: Iñaki Aramendi, taldeko premasterra.

Atzo, ostirala, jaso zuen saria Iñakik Halcon Bidaiak-en bulegoan; Kanariar Uharteetara bi lagunentzako astebeteko bidaia, eta Maite Lazkano Azpeitiko Halcon Bidaiakeko arduradunaren eskutik jaso zuen saria.

Zorionak Iñaki eta mila esker zozketan parte hartu duzuen guztioi

Posted on by