Gipuzkoan, neguko igeriketako denboraldia hastera doa

Izarraitz Igeri Elkarteko infantil, junior eta absolutu mailako igerilariek Neguko Liga probintzialeko lehen jardunaldia izango dute zapatuan. Lehiaketa, Azpeitiko Udal igerilekuan izango da, goizeko 10:00etan hasita.

Gure igerilariak irailean hasi zituzten entrenamenduak eta bakoitzaren sasoia nolakoa den jakiteko balio izango du astebukaerako lehiaketak.

Denboraldiko lehen jardunaldia Izarraitz Igeri Elkarteak antolatu du, eta gure esker ona adierazi nahi diogu Azpeitiko Udalari, beraien laguntzarik gabe ezinezkoa izango genuelako horrelako lehiaketak antolatzea. Bestalde, txapelketa dela eta, barkamena eskatu nahi diegu igerilekuaren erabiltzaileei, zapatu goizean sortuko dugun eragozpenagatik.

Zorte on denei!

Helduen ligak atalean publikatua | Erantzunak desaktibatuta daude Gipuzkoan, neguko igeriketako denboraldia hastera doa sarreran

Nagore Alberdi ur irekietan txapeldun!

Nagore Alberdik, Izarraitzeko igerilari azpeitiarrak, lehen postua lortu du igeriketa zeharkaldien ligan, nesken master kategorian.

Denboraldi amaieran Gipuzkoako Igeriketa Federazioak antolatzen duen Galan, urteko igerilaririk hoberenak saritzen dira, modalitate eta adin tarte bakoitzean. Nagore Alberdi, ur irekietan egindako lanagatik izan da saritua, denboraldi bikain bat borolbilduz.

Sari honek erakusten digu, beste behin, gure igerilari masterrek jartzen duten gogo eta grina. Nagoreren sariak, atzetik, talde oso baten indarra baitu.

Zorionak Nagoreri eta Izarraitzeko master guztiei!

Sin categoría atalean publikatua | Erantzunak desaktibatuta daude Nagore Alberdi ur irekietan txapeldun! sarreran

Nagore Alberdi, GIFeko urteko Galan saritua

Gipuzkoako Igeriketa Federazioak, irailaren 23an, ostirala, arratsaldeko 20:00etatik aurrera, 2021-22 denboraldiko igerilari onenak saritzeko ekitaldia burutuko du. Sariketa hau Donostiako Kirol Etxeko Atano III gelan egingo da.

Izarraitz Igeri Elkarteko Nagore Alberdi, master kategorian aritzen den igerilari azpeitiarra, sarituen artean dago, ur irekien sailean. GIFek ematen duen sari hau, denboraldi osoan zehar egindako lan paregabearen ordaina da.

Zorionak Nagore eta segi igeriketaz eta emaitzez disfrutatzen!

Sin categoría atalean publikatua | Erantzunak desaktibatuta daude Nagore Alberdi, GIFeko urteko Galan saritua sarreran

Flysch Beltza igeriketa zeharkaldia

Nagore Alberdik, master kategorian, lehen postua lortu du pasa den larunbatean burututako Flysch Beltza igeri zeharkaldian. Sailkapen orokorrean ere postu bikaina eskuratu du, 8. postuan helmugaratzea lortu baitu, zeharkaldi bikaina osatuz.

Rafa Zubeldiak ere sasoian jarraitzen duela erakutsi du, eta bikain aritu da, beste behin ere. Baina, Debako hondartzara lehen postuetan iristea lortu badu ere, deskalifikatua izan da txapelik gabe helmugaratzeagatik.

Denboraldi hondarrean gauden arren, indartsu jarraitzen dute Izarraitzeko igerilari beteranoek.

Aupa zuek!

Igerialdiak, Itsas Zeharkaldiak atalean publikatua | Erantzunak desaktibatuta daude Flysch Beltza igeriketa zeharkaldia sarreran

Kontxako Badia igeri zeharkaldia

Pasa den larunbatean Kontxako Badia igeriketa zeharkaldia izan genuen, eta Izarraitz igeri elkarteko kideak bertan izan genituen. Beste behin ere, agerian geratu zen gure nesken maila bikaina.

Infantil mailan Noa Garate, Maiana Uria, Nora Eizagirre, Ane Azkue eta Mirari Goenaga izan genituen lehian. Guztiek aurreko postuetan amaitzea lortu zuten, Mirari Goenagak podiuma zapaltzea lortu zuelarik bigarren postua eskuratuz.

Maila absolutuan berriz Nora Uria, Maier Lizarzaburu eta Uxue Etxeberria izan genituen Izarraitz ordezkatuz. Aipatzekoa, baita ere, Uxue Etxeberriaren lana, 5. postuan amaitzea lortu baitzuen maila bikaineko froga batean.

Zorionak guztioi eta segi egurrean!

Igerialdiak, Itsas Zeharkaldiak atalean publikatua | Erantzunak desaktibatuta daude Kontxako Badia igeri zeharkaldia sarreran

Lan polita Irlako Itsas Zeharkaldian

Igandean, abuztuaren 28an, Irlako XXIII. Igeriketa Zeharkaldia ospatu zen Donostiako badian. Izarraitz Igeri Elkarteko eta hainbat igerilari azpeitiarrek parte hartu zuten helduen zeharkaldian.

Aurrenik, 9:30tan, infantil mailako 20 igerilari irten ziren Donostiako hondartzatik, 600 metroko luzera zuen igerialdia egiteko. Guztiek igerialdi polita burutu zuten eta hona hemen sailkapen orokorra:

Ondoren, 10:00tan, hasi zen helduen zeharkaldia leku berdinetik. Ia 275 igerilari ordu horretarako prest zeuden Atletiko San Sebastianen egoitzaren ondoan. Helmuga, hondartzako toki berdinean zegoen eta guztira, 3.000 metro egin behar izan zuten igerilariak Santa Klarako irla zeharkatuz. Izarraitzeko igerilariak, bakoitzak bere neurrian, maila ona erakutsi zuen. Hona hemen sailkapenak:

Zorionak guztioi!

Igerialdiak, Itsas Zeharkaldiak atalean publikatua | Erantzunak desaktibatuta daude Lan polita Irlako Itsas Zeharkaldian sarreran

Datorren irailaren 12an, astelehenean, hasiko dira Izarraitz Igeri Elkarteko igerilariak 2022-2023 denboraldia-ikasturtea prestatzeko lanetan, igerilekuan.

Iraileko lehen egunetan, udaran jaso ditugun mezuak eta emailak erantzuten joango gara, eta behin betiko txandak eta ordutegiak prestatutakoan partekatuko ditugu. Ziortza Torrontegi izango da administrazioko lanen arduraduna eta irailean arreta serbitzu presentziala jarriko dugu zalantzak edo informazio emateko. Datozen egunetan xehetasunak jakinaraziko ditugu.

Bestalde, Iban Perez master ataleko entrenatzaileak ez du jarraituko gurekin.

Disfrutatu oporretako azken egunak eta laster igerilekuan ikusiko gara!

Aupa Izarraitz!

atalean izarraitzie -k publikatua | Erantzunak desaktibatuta daude Irailaren 12an hasiko du 2022-2023 denboraldia Izarraitz Igeri Elkarteak sarreran

IGANDEAN, IRLAKO XXIII. IGERIKETA ZEHARKALDIA

Igandean, abuztuaren 28an, Irlako XXIII. Igeriketa Zeharkaldia ospatuko da Donostian “Atlético San Sebastián” Elkarteak antolatuta. Izarraitz Igeri Elkarteko igerilariak bertan izango dira beste azpeitiar batzuekin batera.

Kontxako Atletiko San Sebastian Elkarteko egoitzaren paretik, goizeko 9:30etan irtengo dira infantilak. 600 metrotako igerialdia egin beharko dute infantil neska-mutilak. Gero, 10:00tan, eta toki beretik, irteera emango zaio helduen igerialdiari. Hauek, 3.000 metro egin beharko dute Santa Klarako irla inguratuz.

Zorte on guztiei!

 

Igerilariak, Itsas Zeharkaldiak atalean publikatua | Erantzunak desaktibatuta daude IGANDEAN, IRLAKO XXIII. IGERIKETA ZEHARKALDIA sarreran

ASTELEHENEAN, PASEO BERRIKO 52. IGERIALDIA

Astelehenean, abuztuak 15, Paseo Berriko 52. Igerialdia ospatuko da Donostian. Izarraitz Igeri Elkarteko hainbat igerilari daude izena emanda eta andramari egunean Donostiko itsas zeharkaldian izango dira.

Aurrenik eta Nautikotik, goizeko 11etan irtengo dira infantilak Kontxako hondartzaraino 650 metrotako igerialdia egiteko. Gero, 12etan, irteera emango zaio Zurriolako hondartzatik, lau txandatan eta aurreko urteetako denborak kontutan hartuta, helduen igerialdiari. Hauek, 2.959 metro egin beharko dute Kontxako hondartzaraino.

Zorte on guztiei!

Igerilariak, Itsas Zeharkaldiak atalean publikatua | Erantzunak desaktibatuta daude ASTELEHENEAN, PASEO BERRIKO 52. IGERIALDIA sarreran

Udako Espainiako Infantilen Txapelketarekin, Annek eta Mirarik bukatu dute denboraldia

Uztailaren 28an hasi eta uztailaren 31era bitartean, Udako Espainiako Infantilen Txapelketa jokatu da Logroñon, Las Norias igerilekuan. Bertan, gure taldeko Anne Sagarmendi (2007) eta Mirari Goenaga (2008) izan dira lehian eta Isaac Pousada, entrenatzaile lanetan. Bikoteak, Logroñoko txapelketa zuen denboraldiko hitzordurik garrantzitsuena.

Emaitzak ikusirik, esan dezakegu aurreikusitako ia helburu guztiak bete dituztela gure igerilariak. Garbi dago, Espainiako txapelketetan izugarrizko maila egoten dela eta oso zaila dela aurreko postuetan ibiltzea, horrez gain, Espainiako infantilen txapelketara joan diren igerilarientzat, denboraldia luze joan da. Hala ere, Logroñoko txapelketara joatea, denboraldian zehar gogor eta gogoz lana egitearen saria izan dute gure taldeko gaztetxoak.

Guztira lau probetan parte hartu dute eta esperientzia eta ikasketa ona izan da beraien ibilbiderako.

Hona hemen emaitzak:

Anne Sagarmendik;

  • 200 bizkar proban, 2:35:97 denborarekin 29. postua. Bere denbora onenetik gertu.

Mirari Goenagak;

  • 200 tximeleta proban, 2:35:71 denborarekin, finalerako txartela, marka pertsonala eta klubeko errekorra 14 urtekoetan. Finalean aldiz, 2:36:20 denborarekin 9. postua.
  • 400 libre proban, 4:50:16 denborarekin 32. postua, marka pertsonala eta klubeko errekorra 14 urtekoetan.
  • 200 estilo proban, 2:36:76 denborarekin 27. Postua eta marka pertsonala.

Orain atsedena hartzeko garaia iritsi zaie, denboraldia luzea eta neketsua izan baidute.

Zorionak denboraldian zehar egin duzuen esfortzuagatik eta orain, txapelketa hau ahaztu eta merezitako oporrak disfrutatu!

Espainiako txapelketak atalean publikatua | Erantzunak desaktibatuta daude Udako Espainiako Infantilen Txapelketarekin, Annek eta Mirarik bukatu dute denboraldia sarreran