Urriaren 5ean, Izarraitz Igeri Elkartearen eguna

Denboraldi zaharrari agur esan eta berria aldiz ilusioz eta indartsu hasteko, urriaren 5ean, zapatua, Izarraitz Igeri Elkartearen eguna ospatuko dugu. Egun horretarako ekintza hauek antolatu ditugu:

  • 15:30etan, igerilekuan, igeriketa jaialdia egingo dugu Izarraitz IE osatzen dugun guztien artean (igerilari, entrenatzaile, guraso, …).
  • 20:00etan poteoa Sanjuandegi auzoan.
  • 21:15etan afaria Ongi Etorri jatetxean. Izena emateko orria igerilekuko sarreran dagoen kortxoan egongo da urriaren 3 arratsaldeko 20:00arte.

Animatu zaitez eta parte hartu!

Posted on by

Asteazkenean, igerilari berrien gurasoentzat harrera bilera

Asteazkenean, irailaren 25ean eta 19:00etan hasita, igerilekuko pilates gelan, harrera-bilera bat ospatuko dugu 2011, 2012 eta 2013-ko eta beste adinetako igerilari berrien gurasoekin.

Zuen zain geratzen gara!

 

Posted on by

Rafa Zubeldia “El anillo” zeharkaldian

Rafa Zubeldia master taldekoa,  Gabriel y Galan urtegian  (Guijo de Granadilla, Caceres) izango da igandean, Ur irekietako Espainiako V. Kopako azken jardunaldian parte hartzen.

Rafa Zubeldiak, 5.000 metrotako proba egin beharko du eta hemendik zorterik onena opa nahi diogu.

Zorte on Rafa!

Espainiako txapelketak, Masterrak atalean publikatua

Zapatuan, VI. Flysch Beltza Itsas Zeharkaldi Bikoitza

Zapatuan, irailaren 21ean, VI. Flysch Beltza Itsas Zeharkaldi Bikoitza jokatuko da Saturraran, Mutriku eta Deba artean, Eibar Igerixan Kirol Klubak antolatuta.

Igerialdi luzeak 6.500 metro izango ditu eta 10:00etan emango zaio irteera Saturrarango hondartzatik. Igerialdi motzak berriz, 3.000 metrotako luzera izango du eta 11:00etan irtengo dira igerilariak Mutrikuko portutik. Bi proben helmuga Debako hondartzan izango da.

Izarraitz Igeri Elkarteko master taldetxo bat bertan izango da parte hartzen.

Animo eta zorte on!

Itsas Zeharkaldiak, Masterrak atalean publikatua

Igeriketarekin hasiko da aurtego ikasturteko Eskola Kirola

Zapatuan, irailaren 21ean, Ikasleen Igeri Topaketak izango dira, Urolako Eskola Kirola Kontseiluak benjaminentzat eta alebinentzat prestatutako egutegiari hasera emanez. Hain zuzen, LH3ko, LH4ko, LH5eko eta LH6ko ikasleen denboraldiko lehen topaketa izango da Azpeitiko Igerilekuan.

Honakoa da ordutegia:

– LH3ko ikasleak, 09:30etik 10:30era.

– LH4ko ikasleak, 10:30etik 11:30era.

– LH5 eta LH6ko ikasleak, 11:30etik 12:30era.

Ikasleek, txanda bakoitzeko ordua baino 15 minutu lehenago elkartuko dira beraien kirol koordinatzaileekin igerilekuan.

Animo eta ez ahaztu betaurrekoa eta uretako txanoa!

Eskola Kirola atalean publikatua

2018/2019 denboraldiko igeriketako gala

Datorren zapatuan, irailaren 21ean, goizeko 11:00etatik aurrera, Azkoitiko BAZTARTXO ANTZOKIAN 18/19 denboraldiko Gipuzkoako Igeriketa Federazioaren  Gala ospatuko da.

Lehenik,  Espainiako Selekzioarekin kadete mailako Europako Waterpolo Txapelketa lortu duen Urbat taldeko Miren Urizar jokalariari errekonozimendu bat egingo zaio.

Ondoren, Ur-zeharkaldietako Gipuzkoako Ligako sariak, Waterpoloko Liga Eskolarreko sariak, Igeriketa Artistikako Liga Eskolarreko, Igeriketako Neguko eta Udaberriko Ligetako sariak eta igeriketa artistikako eta igeriketako denboraldi amaierako sariak banatuko dira.

Izarraitz Igeri Elkartetik sarituak hauek dira:

Ainhoa Uranga (masterra), Iker Aizpuru, Elene Sudupe eta Izarraitz IEko junior senior mutilen taldea.

Elkarte guztietako sarituak, beren familiatakoak, taldeetako kideak, entrenatzaileak eta zuzendariak gala honetara gonbidatuta gaude.

Zorionak guztiei!

Posted on by

Hiru podium zapatuko itsas zeharkaldietan

Joan den zapatuan, bi itsas zeharkaldi  jokatu ziren, Donostian, Kontxako Badiako igerialdia eta Bermeon berriz, Salome Campos zeharkaldia. Izarraitzekoek lan ona egin zuten eta ondorioz, hiru podium lortuta etxeratu ziren.

Donostian, Rafa Zubeldiak 2. postua lortu zuen master 2 mailan eta Bermeon aldiz, Maialen Sudupek 1500 metrotako proban 2. postua eskuratu zuen  eta Leire Ceciagak 5000 metrotako proban, baita ere 2. postua absolutu eta master mailetan.

Zorionak parte hartu zenuten guztiei!

Itsas Zeharkaldiak atalean publikatua

Zapatuan, 76. Kontxa Badiako itsas igerialdia

Zapatuan, irailaren 9an, Gipuzkoako Distantzia Luzeko XIX. Ligako azkeneko itsas zeharkaldia izango da Donostian. Easo Igeri Elkarteak antolatuta, Donostiako Klub Nautikoko eskaileratan izango du irteera eta helmuga puntua Kontxako Badiako 76. Igerialdiak.

11:00etan infantilen kategoriakoei irteera emango zaio. Infantilen ibilbidea 0,4 itsas milakoa izango da (740 metro inguru). Helduen probak berriz, 11:45etan lehen taldearekin hasiera emango zaio (hiru taldetan banatuta egongo dira igerilariak, izen emateko garaian akreditatu duten denboraren arabera). Hauen ibilbidea 1,2 itsas miliakoa izango da (2.220 metro inguru).

Izarraitz Igeri Elkarteko ordezkaritza handia izango da zapatuko helduen proban, federatu eta popularren artean.

Zorte on guztiei!

Itsas Zeharkaldiak atalean publikatua

Zapatuan, VII. Salome Campos igerialdia Bermeon

Zapatuan , irailaren 7an, VII. Salome Campos Igerialdia jokatuko da Bermeon. Izarraitz Igeri Elkarteko master talde bat eta infantil mailako beste taldetxo txiki bat bertan izango dira parte hartzen.

Bermeora joan-etorria egiteko, iez bezala, Izarraitz Igeri Elkarteak autobusa antolatu du.

Izena eman duten igerilari eta lagunek, goizeko 8:30etarako Azpeitiko igerileku aurrean egon beharko dute.

Zorte on guztiei!

Itsas Zeharkaldiak atalean publikatua

Irailaren 16an hasiko du 2019-2020 denboraldia Izarraitz Igeri Elkarteak

Itsas zeharkaldien denboraldia bukatzear dagoen honetan, irailaren 16an, astelehenean, hasiko dira Izarraitz Igeri Elkarteko igerilariak 2019-2020 denboraldia prestatzeko lanetan, igerilekuan.

Izarraitz Igeri Elkartean izena eman ahal izateko, momentuz, master eta premaster ataletan daude hutsuneak. Master edo premaster mailetan izena eman nahi izanez gero,  emailez edo telefonoz jarri harremanetan, izarraitz.ie@hotmail.com edo deitu 607 49 85 00 (Isaac).

Gaztetxoen mailetan, txanda guztiak beteta daude eta itxarote-zerrenda bat dago. Zalantzaren bat izanez gero edo informazio gehiago nahi izanez gero, deitu 607 49 85 00 zenbakira.

Bestalde, denboraldia ilusioz eta indartsu hasteko, urriaren 5erako, zapatua, Izarraitz Igeri Elkartearen eguna antolatzen ari dira.

Data gerturatzen joan ahala egun horren inguruko xehetasun gehiago emango ditu Izarraitz Igeri Elkarteak.

Posted on by