Paco Sánchez Sarian Izarraitz txapeldun!

Larunbatean Paco Sánchez sarian egon ginen eta txapelketa luzea izan arren ederki pasa genuen. Emaitza politak lortu zituzten igerilari gehienak nahiz eta bero handia egiten zuen.

Izarraitz taldeko hainbat igerilarik podiumera igotzea lortu zuten, beren lepoko domina irabaziz. Eta errelebo lanetan; Joanes, Aroa, Iker, Maiana, Mikel Etx., Siara, Mikel Eza., Mirari, Aratz, Elene, Jakes eta Anne aritu ziren Izarraitz taldeari lehenengo sailkapena emanez.

Zorionak guztioi neska-mutilak egindako lanagaitik!

EGUBERRI ON GUZTIOI ETA DISFRUTATU!

IMG_0983.JPG

Advertisements
Benjamin eta alebin maila atalean publikatua

EGUBERRI ETA 2019 URTE BERRI ON!

Posted on by

Gabonetako entrenamenduen ordutegia

Posted on by

Neguko ligako laugarren jardunaldia Azpeitian

Izarraitz Igeri Elkarteko infantil, junior eta absolutu mailako igerilariek Neguko Ligako laugarren jardunaldia izan zuten zapatuan, Azpeitiko igerilekuan.

Entrenamendu gogorrak egiten ari dira denboraldi sasoi honetan eta, hori dena nabaritu egiten da lehiaketetan. Azkeneko jardunaldian, ez zuten lortu dendora esanguratsurik. Halere, 16 marka pertsonal lortu zituzten gure igerilariek.

Datorren aste bukaeran, Donostian jokatuko den Nazioarteko Gabonetako Sariarekin hasiko dira neguko zita garrantzitsuenak, eta lehiaketa horietan ikusiko ditugu hilabeteetako entrenamenduen emaitzak.

Segi gogor prestatzen!

Helduen ligak atalean publikatua

Larunbatean Tolosara goaz!

IMG_0982

Benjamin eta Alebinak larunbat hontan Tolosara hurbilduko dira Paco Sánchez saria lehiatzera.

Txapelketa goiz hasten da, 15:30etan, eta horregatik 13:20etan geratu gara pistina aurrean elkarrekin autobusean joateko.

Benjaminek 50 metrotako probak burutuko dituzte, estiloa beraiek aukeratu dutelarik. Alebinek berriz, 100 metrotako probak eta 200 metro estilos egin beharko dute.

Zorte on danoi!

Sariak atalean publikatua

Neguko Liga Probintzialeko laugarren jardunaldia Azpeitian

Gure zonaldeko infantil, junior eta absolutu mailako igerilariek Neguko Liga Probintzialeko laugarren jardunaldia izango dute zapatu honetan, Azpeitiko Udal igerilekuan. Jardunaldia goizeko 10:00etan hasiko da.

Izarraitzeko igerilari batzuk bertan izango dira eta zorterik onena opa nahi diogu.

Helduen jardunaldia Izarraitz Igeri Elkarteak antolatu du, eta gure esker ona adierazi nahi diogu Azpeitiko Udalari, beraien laguntzarik gabe ezinezkoa izango genuelako horrelako lehiaketak antolatzea. Bestalde, txapelketa dela eta, barkamena eskatu nahi diegu igerilekuaren erabiltzaileei, zapatu goizean sortuko dugun eragozpenagatik.

Aupa Izarraitz!

Helduen ligak atalean publikatua

Emaitza onak alebinen 3.jardunaldian

IMG_0981.JPG

Alebin ligako 3. jardunaldia gure etxean ospatu zen, Azpeitian, abenduaren 1ean.

Izarraitzeko hamaika igerilari lehiatu ziren bertan: Mikel Etxeberria, Julen Artetxe, Elene Sudupe, Elena Ruiz de Argandoña, Iraia Lopetegi, Maialen Aranguren, Sara Garate, Maddi Manterola, Nora Zubizarreta, Anne Sagarmendi eta Nahia Esteban.

Urduritasuna nabarmendu zen, 200 metro librean baina batez ere 100 metro tximeleta proba burutu behar izan zituztelako. Hala ere, lan ona egin  zuten ia denek,  gehienak beren aurreko denborak jeitsi baitzituzten.

Zorionak guztiei eta segi gogor entrenatzen!

 

Alebinen liga atalean publikatua

Giro ezin hobea izan genuen San Andres sarian

Azaroaren 24an, San Andres saria ospatu zen Azkoitiko udal igerilekuan. Azkoitiko eta Azpeitiko igerilari gazteak hartu zuten parte 25metroko eta 50metroko probetan.

Lehiaketa aurretik, ur-jolasak disfrutatzeko aukera izan zuten gure gaztetxoek. Proba ondoren, guztiek jaso zituzten lepoko dominak eta horretaz aparte, proba bakoitzean aurreneko hiru sailkatuei kopa bana eman zieten. Gure igerilari guztiek lan bikaina burutu zuten eta Izarraitzeko 14 neska-mutilek lortu zuten kopa altxatzea.

Aurten ere, marea urdinarekin bat egin zuen zubiaurre igeri elkarteak eta, igerilekura aldageletatik sartu beharrean, armailetako atetik sartu baitginen elkartasun modura.

Izarraitz igeri elkartetik zorionak Zubiaurre igeri elkateari egindako lanagatik eta San Andres saria gurekin partekatzeagatik.

IMG_0980

 

Benjamin eta alebin maila, Sariak, Sin categoría atalean publikatua

Neguko ligako hirugarren jardunaldia Bergaran

Izarraitz Igeri Elkarteko infantil, junior, absolutu  eta igeriketa egokituko igerilariek Bergarako Agorrosin Udal Kiroldegiko igerilekuan Neguko ligako hirugarren jardunaldia izan zuten joan den zapatuan.

Bergarako jardunaldian Ander Idoeta, Pablo Etxeberria, Oihana Goenaga, Jone Goenaga, Iñaki Etxeberria, Ixak Gesalaga,  Jurdan Arakistain,  Lander Uria, Asier Zulaika, Uxue Etxeberria, Intza Odriozola, Maialen Aiertza, June Zubizarreta, Iker Aizpuru, Alazne Sudupe, June Berasategi, Judith Odriozola, Nerea Urbieta, Nora Uria, Maier Lizarzaburu eta Alaitz Mendizabal lehiatu ziren. Ander Etxabe, baja izan zen azken momentuan.

Entrenatzaileak ligako jardunaldi hauek test bezala hartzen ditu eta, orokorrean, denbora onak egiten ari dira. Laster, abenduan, txapelketa garrantzitsuak iritsiko dira eta, bide honetatik segiz gero, emaitza onak lortuko dituzte Izarraizko igerilariek.

Zorionak eta segi bide horretatik!

Helduen ligak atalean publikatua

Iker Aizpuru Bartzelonako kontzentraziora deitu du Espainiako Paralinpiarren komiteak

Espainiako Paralinpiarren komiteak deituta, Iker Aizpuru gure taldeko igerilaria Bartzelonan izango da datozen egunetan “AXA Taldearen Etorkizuneko Paralinpiarren Kontzentrazioan” parte hartzen.

Etorkizuneko Paralinpiarren AXA Taldea, Espainiako Paralinpiarren komiteak bultzatuta dago, Kirol Egokituen Espainiako Federazioaren laguntzarekin eta AXA aseguruen babesarekin.

Entrenamendu jardunaldiak abenduaren 6tik 9ra bitartean izango dira Bartzelonako San Cugat-eko errendimendu altuko zentroan.

Zorionak eta disfrutatu!

Albisteak, Igeriketa egokitua atalean publikatua