Izarraitz Igeri Elkartea

Hitzorduz betetako asteburua

Osteguna, 2024 otsaila 1 atalean izarraitzie -k publikatua

Otsailaren 3 eta 4a txapelketaz josita dator Izarraitzekoentzat.

Alde batetik, junior eta absolutu mailako igerilariak Iruñako Amaya igerilekuan izango ditugu asteburu osoan zehar Euskal Herriko txapelketa lehiatzen. Goizeko jardunaldiak 10etan hasiko dira eta arratsaldekoak 17etan.

Bestetik, igandean egun osoz, alebinak izango ditugu etxean Teknifikazio Sarian lehiatzen. Goizeko jardunaldia 10.30etan hasiko da eta arratsaldekoa, aldiz, 16.30etan. Igerilari bakoitzak bi froga igeri egingo ditu, bana jardunaldi bakoitzeko.

Hau gutxi ez eta otsailaren 4an, kasu honetan, 16etatik aurrera Gasteizko Mendizorrotza igerilekuan Jurdan eta Landerrrek ordezkatuko gaituzte Igeriketa Egokituko Euskal Herriko txapelketan.

Zorte on guztioi! Aupa Izarraitz!

Sin categoría atalean publikatua | Erantzunak desaktibatuta daude

Izarraitz Gipuzkoako podiumean taldeka

Astelehena, 2024 urtarrila 29 atalean izarraitzie -k publikatua

Asteburu honetan infantil, junior eta absolutu mailako Gipuzkoako Txapelketa ospatu da Bergaran.
Izarraitzeko 14 igerilari izan dira bertan parte hartzen eta domina sorta etxeratu ahal izan dute. Bakarkako probak eta erreleboak kontuan hartuta, guztira, 52 domina (12 🥇 18 🥈 eta 22 🥉) irabazi dituzte gure igerilariek.
Egindako lan bikainari esker, taldekako sailkapen orokorrean eta nesketan, hirugarren postua eskuratu dute gureek.
Zorionak talde guztiari!
Aupa Izarraitz!

Sin categoría atalean publikatua | Erantzunak desaktibatuta daude

Benjaminak ondo Azkoitin

Asteartea, 2024 urtarrila 23 atalean izarraitzie -k publikatua

Larunbatean, benjaminen 2. jardunaldia ospatu zen Azkoitiako kiroldegian. Azken orduko baja batzuk izan bagenitun ere, Izarraitzeko 11 igerilarik parte hartu zuten zita honetan eta meritu aparta daukate San Sebastian egunean igeritan ere aritzeko indarrak izan baitzituzten.

Nabari da denboraldian aurrera goazela eta txapelketetarako esperientzia hartzen doazela. Urduritasun apur bat bazegoen ere, taldeko gazteenak fin aritu ziren arratsaldean zehar.

Hurrengo hitzordua, otsailean Azpeitian ospatuko den Benjaminen ligako 3. jardunaldia izango dute. Gogoz prestatuko dute etxeko hitzordua. Gora Izarraitz!

cof

Sin categoría atalean publikatua | Erantzunak desaktibatuta daude

Benjaminen ligako 2. Jardunaldia Azkoitian

Asteazkena, 2024 urtarrila 17 atalean izarraitzie -k publikatua

Gure taldeko igerlariek hitzordu berri bat izango dute larunbat honetan. Benjamin mailakoek beraien ligako 2. jardunaldia izango dute Azkoitian eta jardunaldi hau arratsaldeko 16etatik aurrera ospatuko da.

San Sebastian eguna denez, izarraitzeko 11 igerilari soilik izango ditugu bertan, gutxi izan arren maila ona emateko prest daude.

Bizkar estiloa izango da jardunaldi honetako protagonista. 2015. urtean jaiotakoek 50m egingo dituzte estilo horretan, 2014. urtean jaiotakoek 100m eta 2013. urtean jaiotakoek, ordea, 200m bizkarrez gain 50m bular frogan ere arituko dira. Horrez gain, 2013 eta 2014. urtean jaiotakoek 6x25m estilo libreko erreleboan ere parte hartuko dute.

Gora San Sebastianak eta aupa Izarraitz!

KZL jardunaldiak atalean publikatua | Erantzunak desaktibatuta daude

Aratz Odriozola Gipuzkoako Selekzioarekin

Igandea, 2024 urtarrila 14 atalean izarraitzie -k publikatua

Gure taldeko Aratz Odriozola, junior igerilaria, Bartzelonan izan da Gipuzkoako Selekzioarekin 45è Trofeu Alejandro López sarian parte hartzen.
Gaur goizean 50 metro bizkar proba egin du eta 29″34 denborarekin marka pertsonala, 15 urtekoen klubeko errekor berria eta arratsaldeko B finalerako txartela eskuratu ditu.
Arratsaldeko B finalean, 29″29 denbora eginda, goizean eginiko klubeko errekorra hobetzeko gai izan da.
Txapelketa eta esperientzia bikaina izan da Izarraitzeko igerilariarentzat.
Zorionak eta eutsi horri!
Aupa Izarraitz!

Sin categoría atalean publikatua | Erantzunak desaktibatuta daude

Hernani Sarian maila onean Izarraitzekoak

Igandea, 2024 urtarrila 14 atalean izarraitzie -k publikatua

Atzo Heranani Saria jokatu zen eta Izarraitzeko igerilariak bertan izan genituen.
100 metroko proba, bakoitzak aukeratutako estiloan, eta 200 m lau estiloetara egin behar izan zituzten.
100 metroko proba guztiak kontuan hartuta, Fina puntuen arabera, June Larrañagak 3. postua 🥉 lortu zuen orokorrean, 100 m libreetan egindako marka bikainari esker.
Izarraitzeko gainontzeko igerilariek ere txapelketa bikaina burutu zuten eta, denera, 7 marka pertsonal eginda etxeratu ziren gureak.
Zorionak guztioi eta segi horrela!
Aupa Izarraitz!

Sin categoría atalean publikatua | Erantzunak desaktibatuta daude

Ordiziako XLI. Gabonetako Nazioarteko Txapelketa

Larunbata, 2023 abendua 30 atalean izarraitzie -k publikatua

Gaur, abenduak 29, jokatu da Ordiziako Majori kiroldegian XLI. Gabonetako Nazioarteko Txapelketa.

Bertan parte hartzeko txartela lortu duten Izarraitzeko igerilariak gogotsu aritu dira goizeko sailkapen jardunaldian eta maila bikaina eman dute parte hartu duten frogetan.

Arratsaldeko finaletarako Uxue Etxeberria 100 bular proban (Euskal Selekzioarekin aritu da), Laia Elortza 50 bular proban eta Jurdan Arakistain 50 libreetan sailkatu dira.

Uxue Etxeberria podiumaren borrokan aritu da eta 4. postua eskuratu du azkenean, gainera, 1’13″31 denborarekin Neguko Espainiako Txapelketetan parte hartzeko gutxienekoa lortu du. Jurdan Arakistainek ere lan bikaina egin du eta 50 bular estiloko finalean, Laia Elortzak, 36″15 denborarekin 14 urtekoen klubeko errekor berria ezarri du.

Zorionak denoi!!!

Aupa Izarraitz!!!

Sin categoría atalean publikatua | Erantzunak desaktibatuta daude

Alebin eta benjaminak Paco Sanchez Sarira

Asteazkena, 2023 abendua 20 atalean izarraitzie -k publikatua

Larunbat honetan, abenduak 23, Tolosako Usabal igerilekura joango gara XXIII. Paco Sanchez sarian parte hartzera. Txapelketa arratsaldeko 15.30etan hasiko da. Tolosara Izarraitzeko benjamin eta alebin mailako 68 igerilari gerturatuko dira. Bakoitzak aukeratutako proban lehiatuko dira, benjaminek proba bakarra igeri egingo dute eta alebinek, berriz, bi aldiz egingo dute jauzi uretara. Honetaz aparte, taldea ordezkatuz 12×50 libre mixtoko erreleboarekin emango zaio bukaera sariari.

Zorte on! Egurre!

Sariak atalean publikatua | Erantzunak desaktibatuta daude

Alebinek hobetzen jarraitzen dute

Astelehena, 2023 abendua 18 atalean izarraitzie -k publikatua

Larunbat honetan, alebinak Azkoitian izan ziren beraien ligako 3. jardunaldian parte hartzen. Bertan, bajen ondorioz, Izarraitzeko 23 igerilarik parte hartu zuten. 200 metro bizkar probarekin hasi zuten jardunaldia eta ondoren 100 metro tximeleta edo 50 metro bular igeri egin zituzten. Oso lehiakor agertu ziren arratsaldean zehar eta guztiak beraien marka pertsonal berriak lortuta bueltatu ziren Azpeitiara.

Aupa zuek! Jarraitu horrela!