Kirol Zehaztasun Ligako 3. jardunaldia

OLYMPUS DIGITAL CAMERA

Zapatu honetan, otsailak 22, Legazpiko Bikuña igerilekuan alebinen eta benjaminen txanda izango da. Gure taldeko gaztetxoek Kirol Zehaztasun Ligako hirugarren jardunaldia izango dute bertan.

Benjaminek, adinaren arabera, 50 metro bular edo 100 metro bular eta 6×25 tximeleta errelebo mistoak izango dituzte. Alebinek, berriz, 50 metro libreko, 100 metro libreko eta 200 metro bularrezko probak izango dituzte. Alebinek 4×50 bizkar errelebo proba ere izango dute, bai neskek eta bai mutilek. Jardunaldiari amaiera emateko, proba luzeak izango dituzte aukeran azken urteko alebinek, mutilek 1.500 metro libre eta neskek berriz, 800 metro libre.

Izarraitzeko gaztetxoek berriro lehiatzeko aukera izango dute astebukaeran. Izarraitz I.E.-ak ez ditu igerilariak lehiaketetan parte hartzera derrigortzen. Hala ere, igeriketaren mundua lehiaketa bidez ezagutzera animatu nahi ditugu.

Autobusa 14:30ean abiatuko da igerileku aurretik, 15:30ean izango dira beroketak eta 16:30ean hasiko da proba. Beti bezala, entrenatzaileak jakinaraziko die joan behar duten igerilariei.

Zorte on guztioi eta ondo pasau!

Post hau Txapelketak atalean publikatu zen. Gogokoetara gehitzeko lotura iraunkorra.