Aste bukaera honetan, Izarraitz Igeri Elkarteko kideek bi txapelketatan hartuko dute parte, Gazteizen eta Getxon.

Hasteko, zapatuan eta igandean, junior, absolutu eta igeriketa egokituko igerilariek, Udako Euskal Herriko Txapelketa izango dute. Txapelketa Gasteizen (Mendizorrotzako igerilekuan) izango da, 10:00etan hasita. Arratsaldeko jardunaldiak, berriz, 17:00etan hasiko dira. Azpeititik sei igerilari joango dira Gasteizera eta honako hauek dira: Ainhoa Goenaga, Oihana Goenaga, Eva Astigarraga, Aiora Beristain Ander Idoeta eta Iker Aizpuru.

Zapatu goizean, berriz, igeriketa egokituko Mapfre kirol topaketak izango dira, 10:00etan hasita Getxoko Fadurako kiroldegian.  Proba honetarako izena eman duten taldekideak honako hauek dira: Ander Idoeta, Iker Aizpuru eta Lander Uria.

Zorte on guztioi!