Pasa den larunbatean Kontxako Badia igeriketa zeharkaldia izan genuen, eta Izarraitz igeri elkarteko kideak bertan izan genituen. Beste behin ere, agerian geratu zen gure nesken maila bikaina.

Infantil mailan Noa Garate, Maiana Uria, Nora Eizagirre, Ane Azkue eta Mirari Goenaga izan genituen lehian. Guztiek aurreko postuetan amaitzea lortu zuten, Mirari Goenagak podiuma zapaltzea lortu zuelarik bigarren postua eskuratuz.

Maila absolutuan berriz Nora Uria, Maier Lizarzaburu eta Uxue Etxeberria izan genituen Izarraitz ordezkatuz. Aipatzekoa, baita ere, Uxue Etxeberriaren lana, 5. postuan amaitzea lortu baitzuen maila bikaineko froga batean.

Zorionak guztioi eta segi egurrean!