Pasa den larunbat arratsaldean, abenduak 10ean, V. Gipuzkoako Master Txapelketa ospatu zen Eibarren. Jai egunen artean ospatu zen txapelketa eta horrek parte hartze baxua izatea eragin zuen. Gure kasuan, Izarraitz ordezkatzen,  Ander Beobide eta Jon Larrañaga izan genituen. Ander 200 libre eta 50 bizkar frogetan lehiatu zen; Jon, aldiz, 100 estiloak eta 50 bular frogetan. Parte hartze txikia izan zenez, bakoitzak bere 2 probak jarraian igeri egin behar izan zituen. Hala ere, gustora geratu ziren egindako lanarekin.

Hurrengo txapelketa baterako prest daude. Parte hartze zabalago bat espero dute, taldeko eta txapelketako giroa hobea izan dadin. Bitartean, segi gogotsu entrenatzen!