Larunbat arratsaldean, 15.30etatik aurrera Izarraitzeko 12 igerilari alebinek beraien ligako 3. jardunaldia izango dute Bergarako Agorrosin kiroldegian. Gure taldeko igerilari guztiek 200 bizkar eta 100 tximeleta igeri egingo dute. Ondo entrenatzen ari direnez, lan ona egingo dutelakoan gaude. Beraz, zorte on eta egurra!
Ari dira pixkanaka iristen kamiseta, praka motz, jertse eta txandalak Izarraitzeko bulegora. 2023 urtearekin batera, ekipazio berria estreinatzeko moduan izango dira Izarraitzeko igerilari eta entrenatzaileak.
Aurrerantzean, gainera, Domusa, Samic, Biele eta Glual enpresen laguntza izango dugu, datozen lau urtetarako babesletzarako akordioa sinatu baitugu elkarrekin. Oso eskertuta gaude enpresoi, igeriketaren eta herriaren alde eginiko ekarpenagatik, eta gure esker ona ahalik eta ondoen itzultzen saiatuko gara.
Ondorengo zerrendan ikus ditzakezue prezioak:
Kamiseta 27€
Praka motzak 25€
Gorroa 5€
Sudadera grisa 25€
Sudadera kremalleradun urdina 35€
Praka luze urdinak 25€
Motxila (Izarraitzeko logoa eta norberaren izenarekin) 55€
Igerilari guztientzat kamiseta, praka motzak eta gorroa beharrezkoak direnez, Izarraitzeko igerilari guztiei entregatuko zaien lote bat osatu dugu. Lote horretan erdi prezioan (kuota extra bat kobratuko zaio igerilari bakoitzari) jaso ahal izango dute igerilariek derrigorrezko materiala.
Gainontzeko materiala entrenatzaileen bidez, edo Izarraitzeko bulegoan bertan, harrera orduetan, erosi ahal izango duzue.
Espero zuen gustokoak izango direla eta inguruotan esan ohi dugun moduan…
Osasunekin urrau!!!
Abenduaren 15ean, 20:00etan, Sindikatu Zaharrean egingo da Izarraitz Igeri Elkartearen 2022 urteko batzar orokorra.
Gonbidatuta zaudete taldeko kide guztiok bertan parte hartzera.
Larunbatean Tolosan izan ginen taldeko 45 benjamin eta alebinekin XXII.Paco Sanchez sarian. Orokorrean gure igerilariak ondo ibili ziren beraien denborak hobetuz. Txapelketa luzea izan arren, gogoz aritu ziren eta horren emaitza izarraitzekoek jasotako 18 dominak.
Podiumera igotzeko aukera izan zutenak honako hauek izan ziren. Lehenengo postuan, Nora Etxeberria, Nora Aranaga, Julen Eizagirre, Joanes Larrañaga, Mara Garate, Eneko Bastida, Lur Elortza eta Malen Ezama, bigarren postuan, Urko Mintegi, Malen Ezama, Iker Mintegi, Guillermo de la Rosa, Martin Agirrezabalaga eta Janis Altuna, eta hirugarrengo postuan aldiz, Telmo Osoro, Jone Sasieta, Leire Egiguren eta Inge Cabue.
Gabonak datoz, eta nahiz eta entrenamenduak egon, deskantsatzeko aprobetzatu eta urtea indarrez hasi.
Isaac Pousada entrenatzailearen gidaritzapean, Castalia Castellon Nazioarteko Trofeoan izan dira Noa Garate, Maiana Uria, Ane Azkue, Nora Eizagirre,, Mirari Goenaga, Nahia Amenabar, Anne Sagarmendi eta Uxue Etxeberria, azken hau euskal selekzioak deituta.
Txapelketa garrantzitsua da Castellongoa, gutxieneko denborak behar dira bertan parte hartzeko eta igerilarilari bikainak elkartzen baitira. Gure igerilariek ez dute aukera alferrik galtzen utzi, beste behin, beraien onena emateko.
Egindako lanaren erakusgarri dira, denera lortutako 13 marka pertsonalak, Uxue eta Mirarik lortutako finaletarako sailkapenak eta azken honen 14 urtekoen klubeko bi errekor, 1500 libre eta 400 estiloetan, eta Espainiako txapelketarako gutxienekoa.
Zorionak denoi eta aupa Izarraitz!
Larunbat honetan, abenduak 3, Tolosako Usabal igerilekura joango gara XXII. Paco Sanchez sarian parte hartzera. Txapelketa arratsaldeko 15.30etan hasiko da. Tolosara Izarraitzeko benjamin eta alebin mailako 48 igerilari gerturatuko dira. Bakoitzak aukeratutako proban lehiatuko dira, benjaminek proba bakarra igeri egingo dute eta alebinek, berriz, bi aldiz egingo dute jauzi uretara. Honetaz aparte, taldea ordezkatuz 12×50 libre mixtoko erreleboarekin emango zaio bukaera sariari.
Zorte on! Egurre!
Egun luzea eta gogorra izan zen pasa den larunbatekoa gure igerilarientzat. Gogor entrenatzen ari dira, aurre-denboraldian oinarri sendoak jarri nahian, datozen zita garrantzitsuetarako.
Eibarren izan zuten neguko 3. jardunaldia, eta nork bere burua frogan jartzeko aukera. Ez zen alferrikako bidaia izan Izarraiztekoentzat, 18 marka pertsonalekin itzuli baitziren bertatik.
Eguneroko entrenamenduen fruituak ikusten hasiak dira beraz.
Zorionak denoi eta eutsi horri!
Aupa Izarraitz!
Pasa den igandean, azaroaren 27an, Fadurako instalakuntzetan eta Euskal Herriko Federazioaren lankidetzarekin Espainiako Federazioak antolatutako igeriketako teknifikazio klinika egin zen. Bartsz Kizierowski entrenatzaileak txapelketetako irteerei buruzko klinika eman zuen. Bertan Euskal Herriko alebin mailako hogeita hamar bat igerilari izan ziren, hauen artean Malen Ezama eta Mara Garate Izarraitz ordezkatzen.
Teknifikazio honen bitartez, inteera on baten garrantzia ezagutu zuten eta horretarako behar den posizio egokia uretan landu. Izarraitzeko neskek goiza azkar pasa zitzaiela eta irteeren gaia lantzea asko gustatu zitzaiela esan digute. Lagun berriak egiteko denbora ere izan zuten. Orain, hurrengo aukera bati itxaroten geratzen dira. Bitartean, lanean jarraitzeaz gain, taldekideei igandean ikasitakoa irakasteko prest agertu dira.
Larunbatean Azkoitian ospatu zuten San Andres sarian Izarraitzeko igerilariak oso gustora ibili ziren. Batzuentzako beraien lehenengo txapelketa zen hau eta gogotsu aritu ziren.
Egin beharreko probak 25metro eta 50metro libre izan ziren eta denok sari bat jasotzeak, domina alde batetik eta bukaeran goxokiak bestetik, izugarrizko ilusioa egin zien. Beste batzuk aldiz, bere adinean hiru azkarrenen artean egoteagatik, kopa bat ere jaso zuten.
Asteburu hontan daukagu hurrengoa, animo eta segi lanean!
Izarraitz Igeri Elkartea 