Izarraitz Igeri Elkartea

ZORIONAK EKIPO!!! Asteburuan jokatu den Gipuzkoako Taldekako Kopan bigarren sailkatu dira Izarraitzeko neskak!
Irungo Azken Portu igerilekuan jokatu da txapelketa eta gure igerilariak maila oso onean aritu dira, beraien marka pertsonalak gaindituz edo horietara gerturatuz.
Aratz Odriozolak Espainiako Txapelketarako gutxienekoa eskuratu du, klubeko errekor berria ezarriz, 100m bizkar proban 59″98 denbora eginda.
Uxue Etxeberriak ere, 100m lau estiloetara proban, klubeko errekor berria ezarri du 1’05″78 denborarekin.
Zorionak eta eutsi horri!!!
Aupa Izarraitz!!!

Atzo, Marea Urdina-Izarraitz igeriketa txapelketa ospatu zen Azpeitiko igerilekuan.
Igeriketa egokituko Euskal Ligako lehen jardunaldia izateaz gaiz, federatu gabeko igerilariek ere parte hartu ahal izan zuten bertan.
Gure taldetik Jurdan Arakistain eta Lander Uria izan genituen eta maila onean aritu ziren lehiatu ziren probetan. Beraien marka onenak lortu ez zituzten arren, berdindu edota gertu ibili baitziren.
Aipatzekoa, baita ere, Marea Urdinaren izenean parte hartu zuten igerilarien lan bikaina.
Txapelketa amaieran igerilari guztiei ondo merezitako oroigarriak banatu zitzaizkien, eta igerileku atarian merienda eder batekin eman zitzaion amaiera jardunaldiari.
Zorionak guztioi eta segi gogor lanean!
Eredu zarete!
Aupa Marea Urdina eta Izarraitz!
Urdinak gara!

Azken urteetan ohikoa den moduan, aurten ere, Marea Urdina eta Izarraitz Igeri Elkarteak elkarlanean antolatuko dute igeriketa egokituko Euskal Ligako lehen jardunaldia Azpeitiko Udal igeilekuan.

Federatuek nahiz federatu gabeko igerikariek parte hartu ahal izango dute, eta apirilaren 10a arte dago zabalik izena emateko epea. Parte hartu nahi duten igerilariek 607 49 85 00 telefonora deituta eman dezakete izena.

Txapelketa arratsaldeko 4retan emango zaio hasiera. Aurretik beroketa egiteko tartea izango dute parte-hartzaileek, eta ondoren mokadutxo bat egongo da antolatzaile eta parte hartzaileentzat, Ukabi Group, txapelketaren babeslearen eskutik.

Animatu parte hartzera! Arratsalde ederra pasako dugu elkarrekin!

Tarrassan, Bartzelona, jokatu den Infaltilen Espainiako Txapelketatik gustora itzuli dira gureak.
Laia Elortza eta Aroa Azkune bertan izan dira Isaac Pousada entrenatzailearen gidaritzapean.
Laia 50 metro bular proban eta Aroa 200 metro lau estiloetara lehiatu dira, bikain lehiatu ere, eta biek lortu dute beraien markak hobetzea.
🏊🏻‍♀️Laia Elortza:
Goizean: 50 bular 35″64 💥
(B finalerako sailkapena eta 15 urtekoen klubeko errekorra)
B Finalean: 36″ 58 / Adineko 12. postua eta orokorrean 20.
🏊🏻‍♀️ Aroa Azkune:
Goizean: 200 lau estiloetara 2’38″19💥 / Adineko 17. postua eta orokorrean 40.

Zorionak hiruroi egindako lanagatik!
Aupa Izarraitz!

Alebinak Bergaran eta benjaminak Eibarren izan ditugu lehian beraien ligei jarraipena emanez.

Denboraldia aurrera doa eta guztiak ere proba gogorrak izan dituzte aurretik. Batzuk distantzia luzeetan (400 eta 800 libre) aritu direlako eta beste batzuk tximeleta estiloan lehiatu behar izan direlako.

Hala ere, beraien indar guztiekin egin dute igeri eta irribartsu bukatu dituzte jardunaldiak.

Aupz Izarraitz!

Malen Ezama eta Julen Eizagirre, Izarraitzeko igerilari alebinak, Cadizen izan dira Euskadiko Selekzioarekin, Autonomia Erkidegoen arteko Espainiako Txapelketan Euskadi ordezkatzeko hautatuak izan baitziren.

Esperientzia berri honetaz gozatu eta lagun berriak egiteaz gain, bikain lehiatzeko gai izan dira gureak. Igeri egin duten probetan marka pertsonalak egiteko gai izan dira biak ala biak, Julen Eizagirrek, gainera, udako Espainiako Txapelketan parte hartzeko eskatzen den gutxieneko denbora egin du 100 eta 200 libreetan.

🏊‍♀️Malen Ezama:
➡️50 bizkar 34″50
➡️200 bizkar 2’37″04

🏊Julen Eizagirre:
➡️100 libre 1’04″78 (udako Espainiako txapelketarako gutxienekoa)
➡️200 libre 2’20″18 (udako Espainiako txapelketarako gutxienekoa)
➡️50 libre 29″68
➡️4x200L eta 4x100L

Zorionak bioi eta eutsi horri!!!
Aupa Izarraitz!!!

Martxoaren 8tik 10era kategoria eskolarreko  selekzio autonomikoen arteko Espainiako txapelketa ospatuko da Cadizen. Izarraitzeko Malen Ezama eta Julen Eizagirre Euskadi ordezkatzen izango ditugu bertan.

Malen Ezamak 50 eta 200 bizkar probak igeri egingo ditu eta Julen Eizagirre, aldiz, 50, 100 eta 200 libre probatan arituko da.

Esperientziaz gozatu, asko ikasi, lagun berriak egin eta ondo pasa!

Zorionak eta animo!
Aupa Izarraitz!

Ondarru Igeri Taldeak urtero antolatzen duen Ondarru Sarian izan ditugu alebinak eta Jurdan.

XXXll. saria izan da aurtengoa eta Izarraitzeko 23 igerilariez gain, bizkaiko beste 6 talde ere aritu dira lehian.

Gure neska-mutilek beraiek aukeratutako 2 proba igeri egin dituzte eta errelebotan ere lehiatu dira.
Izarraitzekoak gustora aritu dira, nahiz eta igerilekua eta aurkariak estrenakoz ezagutu. Marka pertsonal asko ikusi ditugu, zenbait taldekide podiumera ere igo dira eta iñor ez da esku hutsik bueltatu Ondarrutik.
Bejondeizuela!
Aupa Izarraitz!

Ikaragarrizko kirol maila eman eta emaitza bikainak lortu dituzte gure igerilariek asteburu honetan, Tolosako Usabal Kiroldegian, jokatu den Infantilen Euskal Herriko Txapelketan.

Izarraitzeko infantil taldea 16 dominarekin itzuli da txapelketatik. Marka pertsonalez gain, Espainiako Txapelketetarako bi gutxieneko eta klubeko errekor berri bat pilatu dituzte gureek.

➡️Ana Agirrezabalaga: 100 libre🥉 / 50 tximeleta🥈

➡️Laia Elortza: 200 bular🥈 / 100 bular🥉 / 50 bular🥇 Espainiako Txapelketarako gutxienekoa + klubeko 15 urtekoen errekorra (34″86💥)

➡️Aroa Azkune: 400 lau estiloetara🥇 / 100 bular🥈 / 200 lau estiloetara 🥈 Espainiako Txapelketetarako gutxienekoa (2’33″87💥)

🏊‍♀️ 4×200 libre 🥉 / 4×100 libre 🥉

Aupa zuek!
Aupa Izarraitz!!!