Izarraitz Igeri Elkartea

TXANTXIKU SARIA

ARGAZKIAK

Taldeko infantil eta juniorrek, zapatuan, bi lehiaketetan parte hartuko dute. Goizean, 9:30etan, Tolosako Usabal Igerilekuan San Juan Saria jokatuko dute, eta arratsaldez, 16:00etan, San Marcial Saria, Irungo Azken Portu Igerilekuan.

Datorren asteburuan, Gipuzkoako Txapelketarekin, udako txapelketa garrantzitsuak hasiko dituzte, eta sari hauek, igerilari bakoitzaren sasoia ikusi eta Espainiako Txapelketarako gutxiengoak lortzeko balio izaten dute.

ZORTE ON TA EURRE !

SERIEAK:

• SAN JUAN SARIA TOLOSA
• XXI SAN MARCIAL SARIA IRUN

Zapatuan, ekainak 22, Txantxiku Saria jokatuko da Oiñatiko Zubikoa Udal Igerilekuan. Bertan, gure taldeko alebinek (2001, 2002) eta benjaminek (2003, 2004) hartuko dute parte. Entrenatzaileak egunotan ari dira jakinarazten bertara joan behar duten igerilariei. Txantxiku Saria, denboraldiko azken lehiaketa izaten dute alebinek eta benjaminek.

Autobusa 13:30etan abiatuko da igerileku aurretik. Beraz, ordurako azaltzea eskatzen dugu. Beroketak 14:30etan hasiko dira, eta txapelketa, 15:30etan.

Zorte on denei !

SERIEAK:   XXVII TXANTXIKU SARIA OÑATI

Pasa den ostiral eta zapatuan taldeko infantil eta junior mailako igerilariek Eibarko San Juan Sarian eta Ordiziako Udaberri Gazte Sarian hartu zuten parte.

Ostiralen ez ohiko ordutegian izan zen Eibarko San Juan Saria: 20:15ean, hain zuzen. Ainitze Odriozola, Ainhoa Goenaga, Pablo Etxeberria, Jon Aizpuru eta Oihana Goenaga izan ziren azpeitiar partaideak.

Bakoitzak lau probatan hartu zuen parte: 50 metro bularrez, 50 metro tximeletan, 50 metro bizkarrez eta 50 metro libre estiloetan. Gero, lau proben denboraren batuketa egin eta sei onenek finala jokatu zuten 200 metro estiloan.

Infantil mutiletan Jon Aizpuru eta Pablo Etxeberriak lortu zituzten finalerako txartelak. Infantil nesketan, berriz, Oihana Goenagak jokatu zuen finala. Mutiletan Jon Aizpuruk saio ikusgarria egin arren deskalifikatua izan zen, eta Pablok bigarren postua lortu zuen sailkapen orokorrean.
Oihanak, beste behin, aurreneko postua eta sari handiena eskuratu zuen infantil nesketako proban.

EMAITZAK: IGERIKETAKO SAN JUAN SARIA EIBAR

Zapatuan, goizean entrenamendua izan arren, arratsaldean, Ordiziako Majori Igerilekura joan ziren gure taldeko infantil mailako igerilariak. Bertan izan ziren, Pablo Etxeberria, Jon Aizpuru, Oihana Goenaga, Maialen Aizpuru, Eva Astigarraga eta Aiora Beristain.

Bakoitzak, bakarkako bi probatan hartu zuen parte, eta bukaeran, erreleboetako proban ere bai.
Aurten eta zorionez beste behin, aurreko postuetan sailkatu eta denbora onak lortu zituzten igerilari guztiek. Kontuan hartzekoa da, lehen esan bezala, lehiaketak eta entrenamenduak izan zituztela asteburu bertan.

EMAITZAK: UDABERRI GAZTE SARIA ORDIZIA

Datorren astean, beste bi txapelketatan hartuko dute parte, eta hemendik bi astera hasiko dira Udako Txapelketa garrantzitsuak.

Taldeko infantil eta juniorrek, gaur, San Juan Saria jokatuko dute Eibarko Ipurua Igerilekuan. Arratsaldeko 20:15etan hasiko da lehiaketa.

Bihar berriz, zapatua, taldeko infantilak, Ordiziako igerilekuan dute hitzordua arratsaldeko 16:00etan.

Hemen serieak:

• EIBARKO SAN JUAN SARIA 2013
• ORDIZIAKO UDABERRI GAZTE SARIA 2013

Zorte on eta eurre !!

ARGAZKIAK

ESKOLARTEKO 2013 EMAITZAK

Pasa den zapatuan taldeko infantil eta junior mailako igerilariak Donostiako Paco Yoldi Igerilekuan izan ziren, Manolo Garcia Sariketan. Ainitze Odriozola eta Ainhoa Goenaga junior mailan lehiatu ziren; eta Pablo Etxeberria, Jon Aizpuru, Oihana Goenaga, Maialen Aizpuru, Eva Astigarraga eta Aiora Beristain infantil mailan. Imanol Odriozola infantila, izena emanda zegoen baina, gaixo zegoelako baja izan zen azken unean.

Bertaratutako igerilari bakoitzak bi probatan hartu zuen parte, eta maila ona erakutsi zuten, beste behin ere. Denbora onak eta postu onak lortu zituzten, eta udako txapelketen aurrean, itxaropentsu egoteko motiboak ditugu. Laster, udako oporrak hartuko dituzte, denbora gehiago izango dute, eta ziur, entrenatzaileek azken txanpara begira, prestaketa berezia eginaraziko diela. Orain arte bezala, lanean jarraitzen badute, emaitzak iritsiko dira. Animo eta segi gogor!

Zapatuan, ekainaren 8an, Azpeitiko eta Azkoitiko ikastetxeetako LH 1, LH 2, LH 3, LH 4, LH 5 eta LH 6 mailetako gaztetxoek Eskolarteko Txapelketa izango dute, Azpeitiko igerilekuan, 16:00etan hasita. Izarraitz Igeri Elkarteak antolatu du ekimena.

LH 1 eta LH 2 mailako ikasleak ez dira bereiztuko parte hartzerakoan, nahiz eta igeri elkarteetan ibili. Aldiz, LH 3, LH 4, LH 5 eta LH 6ko ikasleak bereizi egingo dira. Batetik, igeri elkarteetan dabiltzan igerilariak, eta bestetik, elkarteetan ez dabiltzanak arituko dira.

LH 1, 2, 3 eta 4koek 25 metro libre eta LH 5 eta LH 6koek 50 metro estilo librean egin beharko dituzte. Proba bukatutakoan, parte-hartzaile bakoitzak domina eskuratuko du, eta proba eta maila bakoitzeko lehenengo hiru neskek eta mutilek, trofeoak jasoko dituzte.

Parte-hartzeko, ikastetxeetako kirol arduradunei eman behar zaie izena. Txapelketa honen bidez igeriketaren mundua ezagutzeko aukera ederra izango dute gaztetxoek.

Animatu eta izena eman zure Ikastola edo Ikastetxean !

INFORMAZIO GEHIAGO