Izarraitz Igeri Elkartea

ARGAZKIAK

EMAITZAK

Zapatuan, ekainaren 1ean, Izarraitz Igeri Elkarteko infantil, junior eta absolutu mailako igerilariek Manolo Garcia Saria izango dute, Donostiako Paco Yoldi Udal Igerilekuan, 10:00etan hasita.

Aurreko sariketek bezala, 50 metroko luzera duen igerilekuan izango da txapelketa. Azpeititik, bederatzi igerilari joango dira Donostiara, eta bertan ikusiko dugu bakoitzaren sasoi puntua. Udako txapelketak ari dira gerturatzen, izan ere, horiek dira igerilarien helburu nagusia.

Zorte on denei!

ZERRENDAK

Pasa den zapatuan, Durangoko Landako Igerilekuan, Euskadiko Eskolarteko Kirol Jokoen igeriketako txapelketa jokatu zen. Gure taldeko bi igerilari, Nerea Berasategi eta Jone Goenaga, bertan izan ziren Gipuzkoako selekzioa ordezkatuz.

Honako emaitzak lortu zituzten:

• Jone Goenagak, 200 metro estiloan (3.) eta 100 metro estiloan (8.).
• Nerea Berasategik, 100 metro tximeleta (3.) eta 100 metro bizkarrean (5.).

Zorionak !!

• Joko Eskolarrak autobusak

Pasa den igandean, Legazpiko Igerilekuan lortutako emaitzei esker, Nerea Berasategi eta Jone Goenaga, Gipuzkoako selekzioarekin Durangora joango dira Euskadiko Eskolarteko Igeriketa Txapelketara. Larunbatean ospatuko da Durangoko txapelketa, eta bertan izango dira Euskadiko eskolarteko igerilari hoberenak.

Nereak, 100 metro tximeleta eta 100 metro bizkar probetan parte hartuko du, eta Jonek berriz, 100 eta 200 metro estiloetan.

Zorte on eta eurre !

SERIEAK HEMEN

Pasa den asteburuan, Izarraitz Igeri Elkarteko alebinak eta eskolartekoak Gipuzkoako Txapelketan izan ziren, Legazpiko Udal igerilekuan.

Zapatuan, Iñaki Etxeberria, Joanes Astigarraga, Jakes Del Pozo, Paula Urrestilla, Ane Sudupe, Laia Arregi, Maitane Goenaga eta Maialen Badiola, Alebinen Gipuzkoako Eskolarteko Txapelketa-Igerilari Osoa lehiaketan parte hartu zuten. Bertan, 2001 eta 2002. urteetan jaiotako mutilak eta 2002. urtean jaiotako neskak aritu ziren.

Igerilari bakoitzak, lau probatan lehiatu zen. Goizean, 50 metro tximeleta eta 100 metro bizkar probak izan zituzten, eta arratsaldean, 100 metro bular eta 100 metro libre probak.
Sailkapen orokorra egiterakoan, proba bakoitzaren emaitzak kontutan hartzen dira, horregatik txapelketari Igerilari Osoa Txapelketa deitzen zaio.

Orokorrean, gure taldeko igerilariak oso txukun aritu ziren txapelketan. Aurrez zituzten denborak hobetzea lortu zuten proba gehienetan.

Emaitzei dagokionez, Paula Urrestilla eta Maitane Goenaga aurreko postuetan izan ziren lau probetan, eta horren harira, Paula Urrestillak brontzezko domina lortu zuen sailkapen orokorrean. Maitanek, berriz, laugarren postua lortu zuen azkenean. Mutilek ez zuten lortu podiumera igotzea, baina hala ere, txapelketa bikaina burutu zuten. Joanes Astigarraga eta Iñaki Etxeberria podiumetik gertu ibili ziren, eta horrek, motibazio berezi bat eman behar die aurrera jarraitzeko.

Paula Urrestilla podiumean.

Igandean, berriz, Gipuzkoako Eskolarteko Txapelketa jokatu zen, eta bertan izan ziren 2000. urtean jaiotako mutilak eta 2001. urteko neskak.

Azpeitiko hiru igerilarik hartu zuten parte: Ane Odriozolak, Nerea Berasategik eta Jone Goenagak. Hauek ere bikain aritu ziren txapelketa guztian. Jone Goenaga eta Nerea Berasategik, brontzezko domina bana lortu zuten Legazpiko txapelketan.

Honako emaitzak lortu zituzten gure taldeko Eskolarrek:

• Ane Odriozolak, 100 metro bularrean (20.) eta 100 metro librean (18.).
• Jone Goenagak, 200 metro estiloan (3.) eta 100 metro estiloan (5.).
• Nerea Berasategik, 100 metro tximeleta (3.) eta 100 metro bizkarrean (5.).

Zorionak eta segi gogor prestatzen !

Nerea Berasategi podiumean.

Jone Goenaga podiumean.

Zintzilikatuta daude asteburuan ataratako argazki batzuk eta igandeko emaitzak (Gipuzkoako Eskolarteko Txapelketa).

Zapatuko emaitzak ateratzen dituenean Gipuzkoako Igeriketa Federazioak , bi txapelketen laburpen bat egingo dugu.

• ZAPATUKO SERIEAK
• IGANDEKO SERIEAK

Asteburu honetan, maiatzaren 18 eta 19an, taldeko alebinek eta eskolarrek Gipuzkoako txapelketak izango dituzte jokoan, Legazpiko Bikuña igerilekuan.

Maiatzaren 18an, zapatua, Alebinen Gipuzkoako Eskolarteko Txapelketa-Igerilari Osoa izango da. Bertan lehiatuko dira 2001 eta 2002. urteetan jaiotako mutilak eta 2002. urtean jaiotako neskak. Goizeko jardunaldia 10:30etan hasiko da eta arratsaldekoa, berriz, 16:30ean.

Frogak:

Goizean 50 metro tximeleta eta 100 metro bizkar probak izango dira. Arratsaldean, aldiz, 100 metro bular eta 100 metro libre probak.

Maiatzaren 19an, igandea, Gipuzkoako Eskolarteko Txapelketa izango da, eta bertan izango dira 2000. urtean jaiotako mutilak eta 2001. urteko neskak. Goizeko jardunaldia 10:00etan hasiko da eta arratsaldekoa, 16:30ean.

Igerilari bakoitzak jardunaldiko banakako proba batean eta erreleboen proban hartu dezake parte. Gainera, txapelketa horrek, Euskadiko Eskolarteko Txapelketarako sailkatzeko balioko du. Euskadiko Eskolarteko Txapelketa, maiatzaren 25ean izango da, Durangon.

Xehetasunen, ordutegi aldaketen, irteera orduaren eta bazkariaren berri astean zehar emango die entrenatzaileek txapelketetan parte hartuko duten igerilariei.

Zorte on denei eta eurre!

ZAPATUKO ZIRKULARRA

IGANDEKO ZIRKULARRA