Izarraitz Igeri Elkartea

Sabadellen jokatu diren Espainiako Txapelketetatik berri onak datozkigu.
Aratz Odriozolak 50 bizkar proban parte hartu du eta 29″12 marka pertsonala eginda, beste behin ere, klubeko errekor berria ezarri du.
Uxue Etxeberriak ere maila bikaina eman du 100 bular proban, 1’14″31 denbora eginda, lehendik ere bere eskuetan zegoen Izarraitzeko errekorra hobetu eta 13. postua eskuratu baitu.
Goizeko sailkapen probetan, 1’15″58 denborarekin, arratsaldeko B finalerako txartela lortu du. Arratsaldeko B finalean bikain lehiatu da eta bere marka pertsonala eta klubeko errekorra segundu erdiz hobetzeko gai izan da.
Zorionak Uxue eta Aratz!!
Aupa Izarraitz!!!

Malen Ezama eta Julen Eizagirre, Izarraitzeko alebin igerilariak Espainiako Txapelketetara!
Martxoaren 8tik 10era kategoria eskolarreko  selekzio autonomikoen arteko espainiako txapelketa ospatuko da Cadizen. Izarraitzeko Malen Ezama eta Julen Eizagirre Euskadi ordezkatzeko hautatuak izan dira.

Gaur arratsaldean txapelketa hori prestatzeko eta  taldekideak ezagutzeko entrenamendu bat izan dute Getxoko Fadura igerilekuan.

Gozatu esperientzia eta segi lanean!
Aupa zuek!
Aupa Izarraitz!

Pasa den asteburuan, otsailaren 3 eta 4ean, junior eta absolutu mailako Euskal Herriko Txapelketak burutu dira Iruñako Amaya igerilekuan.
Gure taldeko hamar igerilari izan ditugu lehian. Mirari Goenaga bi domina (200 tximeletan 🥈 eta 200 lau estiloetara 🥉) lortzeko gai izan da junior kategorian, eta laugarren postu batzuk ere izan ditugu, podiuma laztanduz.
Lanean jarraitu eta udako denboraldia buru-belarri prestatzen hasteko gogoz itzuli dira gure igerilariak.
Animo eta segi lanean!
Aupa Izarraitz!

Jurdan eta Lander gustura bueltatu dira Gasteizen egindako lanarekin. Arratsaldean Igeriketa egokituko Euskal Herriko txapelketan lehiatzen izan dira Mendizorrotzako igerilekuan. Jurdanek 100 libre eta 50 bizkar probetan egin du jauzi uretara. Landerrek, ordea, 50 tximeleta, 50 bizkar eta 50 libre probatan lehiatu da.

Denboraldi honetan estreinakoz aritu dira 50 metroko igerilekuan lehiatzen baina honek ez ditu gure mutilak kikildu. Beraien onena eman dute eta markaren bat hobetzea ere lortu dute.

Zorionak bikote!

Taldeko alebinak etxean izan ditugu, Alebin mailako Teknifikazio Sarian parte hartzen. Lehiaketa honetarako gure taldeko 16 igerilari zeuden sailkatuta. Guztiak goiz eta arratsaldez aritu dira lehian, jardunaldi bakoitzean proba bat burutuz.

Egun polita izan da Izarraitzeko igerilarientzat. Alebin mailako gipuzkoar igerilariak elkartuta lehian ikusi ditugu. Harmailak beteta izan dira eta txaloz zein animo oihuz bete zen igerilekua, taldekide zein familiarrei esker.

Txapelketa hau Saria baino gehiago Gipuzkoako igerilari alebinen arteko denbora-hartze jardunaldi bat izanik, aukera ona izan da bakoitzak bere maila ezagutzeko eta lehiakor direla erakusteko. Orokorrean gustura atera dira gureak egindakoarekin, askok beraien denborak hobetzea lortu dutelarik.

Zorionak denoi eta segi horrela!
Aupa Izarraitz!!!

Asteburu honetan infantil, junior eta absolutu mailako Gipuzkoako Txapelketa ospatu da Bergaran.
Izarraitzeko 14 igerilari izan dira bertan parte hartzen eta domina sorta etxeratu ahal izan dute. Bakarkako probak eta erreleboak kontuan hartuta, guztira, 52 domina (12 🥇 18 🥈 eta 22 🥉) irabazi dituzte gure igerilariek.
Egindako lan bikainari esker, taldekako sailkapen orokorrean eta nesketan, hirugarren postua eskuratu dute gureek.
Zorionak talde guztiari!
Aupa Izarraitz!

Larunbatean, benjaminen 2. jardunaldia ospatu zen Azkoitiako kiroldegian. Azken orduko baja batzuk izan bagenitun ere, Izarraitzeko 11 igerilarik parte hartu zuten zita honetan eta meritu aparta daukate San Sebastian egunean igeritan ere aritzeko indarrak izan baitzituzten.

Nabari da denboraldian aurrera goazela eta txapelketetarako esperientzia hartzen doazela. Urduritasun apur bat bazegoen ere, taldeko gazteenak fin aritu ziren arratsaldean zehar.

Hurrengo hitzordua, otsailean Azpeitian ospatuko den Benjaminen ligako 3. jardunaldia izango dute. Gogoz prestatuko dute etxeko hitzordua. Gora Izarraitz!

cof