Larunbat honetan, azaroak 26, Azkoitiko Zubiaurre taldeak San Andres sarira gonbidatu gaituzte arratsalde on bat pasatzera. Saioa 16:00tan hasiko da, baina igerilekuko sarreran 14:45etan elkartuko gara.
Izarraitzetik 74 igerilari joango gara eta bertan 2014 eta 2013 urtean jaiotakoak 25metro libre egingo dute eta 2012 eta 2011 urtean jaiotakoak aldiz, 50metro libre proba burutuko dute.
Denak ondo pasatzeko asmoarekin goaz, beraz, disfrutatu eta aupa Izarraitz!
Azaroak 27an goizeko 10.30etatik aurrera Getxoko Fadura igerilekuan izango ditugu Malen Ezama eta Mara Garate alebinen teknifikaziorako deia jaso dutelako. Estatuko igeri federakuntzak antolatutako entrenamendu berezi baten parte izango dira. Euskal Herriko talde ezberdinetako berain adineko hainbat igerilarirekin batera entrenatuko dute. Pozarren hartu dute albistea eta gogo askorekin joango dira igandean, esperientzia berri honetan asko izango dutelako ikasteko.
Gozatu aukeraz eta asko ikasita itzuli!
Benjaminak gustora Bergaran
Ederki hasi ziren gure benjaminak Bergaran egindako lehenengo jardunaldian. Urduritasuna nabarmen zen arren, gogotsu ibili ziren eta ikasitako dena erakutsi ziguten. Pozik eta gustora atera ziren denak eta hurrengo txapelketa prestatzeko irrikitan egotea espero dugu.
Benjaminak Bergaran.
Alebinak indartsu Legazpin
Larunbat arratsalde honetan, Izarraitzeko alebinak Legazpin izan ziren. Hauek, benjaminak bezala, primeran aritu ziren. Logikoa den bezala, txikienak baino segurtasun eta ezagutza handiagoarekin. Denboraldi hasiera izan arren, 15 marka pertsonal lortu zituzten.
Jarraitu horrela!
Alebinak Legazpin.
Benjaminen 1. jardunaldia
Benjaminentzako aurtengo denboraldiko lehenengo jardunaldia izango da. 39 igerilari joango dira Bergaran ospatuko den txapelketa honetara. Txapelketa arratsaldeko 16:00tan hasiko da.
2022-2023 denboraldiari hasiera emango dion jardunaldi honetan beraien hobekuntzak erakusteko aukera izango dute, bakoitzak bere adinaren araberako probei aurre eginez. 2014.urtean jaiotako neska-mutilek 50metro libre egingo dute igeri, 2013koek aldiz, 100metro libre proba burutuko dute. Guztien artean 6×25 metro bizkarreko erreleboa osatuko dute. 2012.urtekoak ordea, 50 metro bizkar eta 200 edo 100metro libre proban parte hartuko dute. Kasu honetan neskek 4×50 metro bizkarreko erreleboetan arituko dira.
Alebinen 2. jardunaldia
Larunbat honetan, benjaminak Bergaran lehiatzen dabiltzan bitartean, alebinak Legazpiko Bikuña kiroldegian izango dira beraien ligako 2. jardunaldian parte hartzen. Bertan, Izarraitzeko 12 igerilarik parte hartuko dute, Hauek beste estilo eta distantzia batean trebatzeko aukera izango dute, zehazki, 200 metro estiloak eta 100 metro libre probei aurre egin beharko diete.
Zorte on guztioi! Aupa Izarraitz!
Izarraitz Igeri Elkarteko infantil, junior eta absolutu mailako igerilariek Neguko Liga probintzialeko lehen jardunaldia izango dute zapatuan. Lehiaketa, Azpeitiko Udal igerilekuan izango da, goizeko 10:00etan hasita.
Gure igerilariak irailean hasi zituzten entrenamenduak eta bakoitzaren sasoia nolakoa den jakiteko balio izango du astebukaerako lehiaketak.
Denboraldiko lehen jardunaldia Izarraitz Igeri Elkarteak antolatu du, eta gure esker ona adierazi nahi diogu Azpeitiko Udalari, beraien laguntzarik gabe ezinezkoa izango genuelako horrelako lehiaketak antolatzea. Bestalde, txapelketa dela eta, barkamena eskatu nahi diegu igerilekuaren erabiltzaileei, zapatu goizean sortuko dugun eragozpenagatik.
Zorte on denei!
Nagore Alberdik, Izarraitzeko igerilari azpeitiarrak, lehen postua lortu du igeriketa zeharkaldien ligan, nesken master kategorian.
Denboraldi amaieran Gipuzkoako Igeriketa Federazioak antolatzen duen Galan, urteko igerilaririk hoberenak saritzen dira, modalitate eta adin tarte bakoitzean. Nagore Alberdi, ur irekietan egindako lanagatik izan da saritua, denboraldi bikain bat borolbilduz.
Sari honek erakusten digu, beste behin, gure igerilari masterrek jartzen duten gogo eta grina. Nagoreren sariak, atzetik, talde oso baten indarra baitu.
Zorionak Nagoreri eta Izarraitzeko master guztiei!
Gipuzkoako Igeriketa Federazioak, irailaren 23an, ostirala, arratsaldeko 20:00etatik aurrera, 2021-22 denboraldiko igerilari onenak saritzeko ekitaldia burutuko du. Sariketa hau Donostiako Kirol Etxeko Atano III gelan egingo da.
Izarraitz Igeri Elkarteko Nagore Alberdi, master kategorian aritzen den igerilari azpeitiarra, sarituen artean dago, ur irekien sailean. GIFek ematen duen sari hau, denboraldi osoan zehar egindako lan paregabearen ordaina da.
Zorionak Nagore eta segi igeriketaz eta emaitzez disfrutatzen!
Nagore Alberdik, master kategorian, lehen postua lortu du pasa den larunbatean burututako Flysch Beltza igeri zeharkaldian. Sailkapen orokorrean ere postu bikaina eskuratu du, 8. postuan helmugaratzea lortu baitu, zeharkaldi bikaina osatuz.
Rafa Zubeldiak ere sasoian jarraitzen duela erakutsi du, eta bikain aritu da, beste behin ere. Baina, Debako hondartzara lehen postuetan iristea lortu badu ere, deskalifikatua izan da txapelik gabe helmugaratzeagatik.
Denboraldi hondarrean gauden arren, indartsu jarraitzen dute Izarraitzeko igerilari beteranoek.
Aupa zuek!
Izarraitz Igeri Elkartea 