Izarraitz Igeri Elkartea

Joan berri den astean, Espainiako Absolutuen Udaberriko Open Txapelketa jokatu da Palma de Mallorcan. Gipuzkoako 16 igerilarik zituzten parte hartzeko beharrezkoak diren gutxiengoak eta horien artean, gure taldeko, Ainhoa Goenaga, Oihana Goenaga eta Jon Aizpuru zeuden.

Mallorcako txapelketan goi mailako igeriketa ikusteko aukera izan dugu, udako Europako Txapelketako gutxiengoak lortzeko asmoarekin lehiatu baitira Espainiako igerilari ospetsuenak.

Absolutuen txapelketa hauetan, garbi ikusten da, entrenamendu desberdinen eragina. Denbora onenak lortzen dituzten ia guztiak goi errendimenduko zentroetan edo bekaren baten bidez, Estatu Batuetan entrenatzen dute. Horregatik, gure igerilari gazte hauek, absolutuen txapelketetan meritu handiko lana egiten dute.

Izarraitzeko igerilariek helburu desberdinak zituzten; Ainhoa Goenagak negu-udaberri garaiko txapelketa zuen garrantzitsuena. Bere emaitzak ikusita, helburuak ondo beteta etorri da, hiru probatan lehiatu da eta, bitan, arratsaldeko finaletarako sailkatu zen. Horrez gain, marka pertsonalak lortu zituen.

Oihana eta Jonen helburu garrantzitsuena Pontevedran ospatu zen Infantil eta Juniorren Espainiako txapelketa izan zen. Entrenatzailea saiatu da sasoi ona luzatzen, baina oso zaila izaten da hori lortzea egun tarte handia dagoenean.

Oihana, bere denbora onenetik gertu ibili da eta Jon, berriz, karga handiko entrenamenduak egin arren, bere mailatik gertu ibili da. Jonek eta Oihanak ere, arratsaldeko finaletako txartelak lortu zituzten goizean jokatu ziren aurre-kanporaketetan.

Orain, Aste Santuko oporrak aprobetxatuz, udarako txapelketak prestatzen jarraituko dute gure igerilariak.

Zorionak eta segi lanean!

• Osteguneko finalak
• Ostiraleko finalak
• Zapatuko finalak
• Igandeko finalak

Gaur, idandea, Espainiako Open Txapelketako azken jardunaldia izan da Mallorcan. Gaurkoan, Jon Aizpuru genuen gure ordezkaria eta, 200 metro bular izan du lehiatu duen estiloa.

Goizeko aurre-kanporaketan, Jon-ek, arratsaldeko B finalerako txartela lortu du 2:32:57 denborarekin.                                                                                                                           Arratsaldeko B finalean berriz, goizeko denbora zerbait hobetu du, 2:31:98 eginez, hala ere, bere marka pertsonaletik (2:25:79) nahiko urruti ibili da. Sailkapen orokorrean, 20. postua lortu du.                                                                                                                                   Jon Aizpuruk, ez du prestatu txapelketa hau, bere helburuak ziren, esperientzia hartzea eta maila handiko txapelketaz gozatzea.

Gaurko Emaitzak:

• 200 Bular Jon Aizpuru. Emaitzak

Gaur, hirugarren jardunaldia jokatu da Espainiako Open Txapelketan. Ainhoak eta Oihanak, gaurkoan ere, bere maila ona erakutsi dute bertan.

Jardunaldi guztietan bezala, goizean ospatu dira aurre-kanporaketak eta, Ainhoak arratsaldeko B finalerako sailkatu da eta Oihana berriz, C finalerako.

Ainhoa Goenagak, 100 metro bizkar zuen gaur egin beharreko proba eta, 1:06:52 denbora lortu du goizeko jardunaldian (bere markarik onena). Arratsaldeko finalean berriz, Ainhoak, goizean lortu duen marka hobetu du, 1:05:96 eginez eta, berriro, bere marka pertsonala lortuz. Sailkapen orokorrean, 11. postua lortu du.

Oihana Goenagak, 100 metro libreko proba zuen eta, goizeko proban 59:68 denborarekin gelditu du kronoa. Arratsaldeko C finalean, 59:35 egin du, hala ere, bere denbora pertsonala (58:94) hobetzerik ezin izan du. Sailkapen orokorrean, 22. postua egin du.

Ainhoa eta Oihanaren emaitzak:

• 100 Bizkar Ainhoa Goenaga. Emaitzak
• 100 Libre Oihana Goenaga. Emaitzak

Ainhoak eta Oihanak, gaurko probak ospatu eta gero, bukatu dute txapelketa. Biharko jardunaldian, txapelketako azken egunekoa, Jon Aizpuruk lehiatuko du 200 metro bular proban. Ziur gaude, Jon-ek ere, duen guztia emango duela epaileak irteera ematen duenean.

Zorionak Ainhoa eta Oihana eta zorte on Jon !

Gaur ostirala, bigarren jardunaldian, Open txapelketan igeri egin duen azpeitiar bakarra Ainhoa Goenaga izan da. Goizeko aurre-kanporaketan, 50 metro bizkar proban lehiatu du eta, gaurkoan ez du lortu arratsaldeko finalean sartzea.  31:83 izan da egin duen denbora eta sailkapenean 27. postuan gelditu da.

Biharko jardunaldian, atzokoan  bezala, Ainhoak eta Oihanak lehiatuko dute. Ainhoak 100 metro bizkar eta Oihanak berriz, 100 metro librean.

Gaurko emaitzak:

• 50 Bizkar Ainhoa Goenaga. Emaitzak