Joan den zapatuan, urriaren 28an, izan zuten Izarraitz elkarteko infantil, junior eta absolutu mailako igerilariek Neguko ligako lehen jardunaldia, Bergarako Agorrosin igerilekuan.
Honakoak izan ziren Bergaran lehiatu ziren Izarraitzeko igerilariak: Ander Etxabe (2000), Jone Goenaga (2001), Angela Ocio (2001), Ixak Gesalaga (2001), Iñaki Etxeberria (2001), Asier Ganzarain (2001), Maitane Goenaga (2002), Asier Zulaika (2002), Intza Odriozola (2004), Uxue Etxeberria (2004), June Zubizarreta (2004), Alazne Sudupe (2004), Maialen Aiertza (2004), Leiane Lopetegi (2004) eta Ilazki Odriozola (2004).
Irailean hasi zituzten entrenamenduak Izarraitzeko igerilariek, eta bakoitzaren sasoia nolakoa den jakiteko balio izan zuen zapatuko probak. Orokorrean, nabaritu zen ligako lehen proba zela eta denborak ez ziren esanguratsuak izan.
Alebinek estrenaldi ona Oñatin
Joan den zapatuan izan zuten Izarraitz elkarteko alebin igerilariek Alebinen Ligako lehenengo jardunaldia, Oñatiko Zubikoa igerilekuan.
Honakoak izan ziren Oñatin lehiatu ziren Izarraitzeko igerilariak: Iker Aizpuru (2004), June Berasategi (2005), Maier Lizarzaburu (2005), Nora Uria (2005), Judith Odriozola (2005), Mikel Etxeberria (2005), Elene Sudupe (2006) eta Amane Goenaga (2006).
Oñatiko jardunaldian, 400 metro libre eta 200 metro estiloetan lehiatzeko aukera izan zuten igerilariek.
Denboraldiko lehen jardunaldia izanik, urduritasuna nabari zen igerilarien artean. Dena den, uretara sartu orduko beraien maila erakutsi zuten, beste behin.
Entrenatzaileek, igerilarien gogoa eta jarrera ona azpimarratu zuten.
Segi horrela!
Bestalde, datorren zapatuan, azaroaren 4ean, Donostiko Paco Yoldi igerilekuan egingo den infantilen entrenamendu bateratuan parte hartzeko deitua izan da gure taldeko Uxue Etxeberria.
Aldiz, junior eta senior mailakoentzak entrenamendu bateratua, azaroaren 11n Donostiko Paco Yoldi igerilekuan egingo da. Hitzordu horretarako izan dira deituak gure taldeko Oihana Goenaga, Iñaki Etxeberria, Jone Goenaga, Maitane Goenaga eta Maialen Sudupe.
Zorionak eta segi lanean!
Izarraitz Igeri Elkarteko infantil, junior eta absolutu mailako igerilariek Neguko Liga probintzialeko lehen jardunaldia izango dute zapatuan. Lehiaketa, Bergarako Agorrosin igerilekuan izango da, goizeko 10:00etan hasita.
Aurtengo denboraldian (2017-2018), Izarraitz Igeri Elkarteak ekipazio berria estreinatuko du. Ekipazioa Izarraitz I.E. eta ”Euskadi Sport”ekin elkarlanean egin da.
Datorren zapatuan, irailaren 23an, goizeko 11:15etatik aurrera, Irungo FIKOBAn 16/17 denboraldiko Igeriketa Gala ospatuko da. Bertan, Ur-zeharkaldietako Gipuzkoako Ligako sariak, Waterpoloko Liga Eskolarreko sariak, Igeriketako Neguko eta Udaberriko Ligetako sariak eta igeriketako denboraldi amaierako sariak banatuko dira.
Izarraitz Igeri Elkartea 