Izarraitz Igeri Elkartea

Alebin mailako igeriketako 2. teknifikazio jardunaldia

Asteartea, 2016 apirila 19 atalean izarraitzie -k publikatua

Apirilaren 23an, zapatua, Gipuzkoako Igeriketa Federazioak Alebin mailako igeriketako 2. teknifikazio saioa antolatu du.

Hona hemen deialdia eta jarduerak:

Teknifikazio jardunaldiak atalean publikatua | Erantzunak desaktibatuta daude

Benjaminak eta Alebinak oso ondo pasa den Larunbatean

Astelehena, 2016 apirila 11 atalean entrenatzaileak -k publikatua

Larunbat arratsaldean Bergarako Agorrosin igerilekura gerturatu ziren gure taldeko 30 igerilari.

Larunbatekoa saio luzea izan zen, baina aldi berean gure igerilarien trebetasunak ikusteko aukera aparta izan zen. Nahiz eta urduritasuna nagusitu azken ordurarte, gure igerilariak estilo guztiak sartzen diren probetan nabarmendu egiten dira eta bide onetik doazela erakusten dute behin eta berriz.

Denboraldiko proba gehienak burutu dituzte, baina oraindik ere hitzordu garrantzitsuak gelditzen zaizkie gureei, hau da, ligako jardunaldiaz gaian, txapelketa ezberdinak. Ziur asko duten dena aterako dutela gure igerilariek gelditzen zaizkien hitzorduetan.

ZORIONAK ETA SEGI HORRELA!!!!!

Emaitzak:

BENJAMIN ETA KZL 4. JARDUNALDIKO BEHIN BEHINEKO EMAITZAK. BERGARA

ALEBINEN LIGAKO 6. JARDUNALDIKO BEHIN BEHINEKO EMAITZAK. BERGARA

Benjamin eta alebin maila atalean publikatua | Erantzunak desaktibatuta daude

KZL-ko 4. jardunaldia eta Alebinen ligako 6. jardunaldia

Asteazkena, 2016 apirila 6 atalean entrenatzaileak -k publikatua

Larunbat honetan, arratsaldeko 15:30-tan Bergarako Agorrosin igerilekuan egingo dute igeri gure taldeko txikiek.

Denboraldia amaitzen ari zaie gure igerilariei, eta aste honetan ligako azken aurreko jardunaldia izango dute, ligako jardunaldiez gain beste txapelketa batzuk ere izango dute. Urtero bezala, denboraldiko azkeneko probak “zailenak” izaten dira burutu behar izaten dituzten estilo eta metroen aldetik. Dena den, ondo prestatua doazela badakite.

Honako probak burutuko dituzte benjaminek:

2007. urtean jaiotakoak 25m tximeleta
2006. urtean jaiotakoak 50m tximeleta
2007 eta 2006. urtean jaiotakoak 6x25m bular erreleboetan
2005. urtean jaiotako neskak eta mutilek eta 2004. urtean jaiotako mutilak 100m estiloak eta 200m edo 400m libre. Erreleboetan berriz 4×50 estiloak.

Alebinak berriz:

2004. urtean jaiotako neskak 800m libre eta 200m estiloak.

Bergararako desplazamendua kontutan hartuz, Izarraitz Igeri Elkarteak autobusa ipiniko du bertara joateko. Autobusa 13:45-an izango da igerileku aurrean.

Benjamin eta alebin maila, KZL jardunaldiak atalean publikatua | Erantzunak desaktibatuta daude

Alebinen ligako 6. jardunaldia eta Test, KZL-ko 4. jardunaldia Bergaran

Asteartea, 2016 apirila 5 atalean izarraitzie -k publikatua

Zapatu honetan, apirilak 9, arratsaldeko 15:30etan hasita, benjaminek eta alebinek ligako jardunaldien jarraipena izango dute Bergarako Agorrosin igerilekuan.

Hona hemen zerrendak:

Alebinen liga, KZL jardunaldiak atalean publikatua | Erantzunak desaktibatuta daude

Taldeko txikiak oso ondo pasa den larunbatean

Astelehena, 2016 martxoa 21 atalean entrenatzaileak -k publikatua

Pasa den larunbatean, gure taldeko txikienak ikusteko aukera izan genuen Azpeitian. Larunbateko jardunaldiak era guztietako probak eskaintzen zituen eta honela gaur egun arte lortu dituzten abileziak ikusi ahal izan genituen.

Emaitza oso onak lortu arren orokorrean, nabarmena da denboraldiaren erdi aldera iritsi garela eta aldi berean igerilariek asko hobetu dutela.

Burutu behar izan zituzten proben artean, errespetu handia eman ohi duten bezalako probak zeuden, hala nola: 200 metro bular, 400 metro estiloak eta 100 metro tximeleta besteak beste.

Urduritasuna nabarmena izaten da honelako probak burutu aurretik. Dena den, edozein distantzia eta edozein estiloetan lehiatzeko arazorik ez dutela argi erakutsi zuten gure igerilariek beste behin.

SEGI HORRELA!!!!

Benjamin eta alebin maila, Txapelketak atalean publikatua | Erantzunak desaktibatuta daude

Ainhoa Goenaga bikain Sabadellen

Astelehena, 2016 martxoa 21 atalean izarraitzie -k publikatua

Zapatuan hasi eta igandea bitartean, Izarraitz Igeri Elkarteko Ainhoa Goenaga igerilaria eta Omar Urbieta entrenatzailea Sabadellen (Katalunia) izan dira, Espainiako Absolutuen Udaberriko Open Txapelketan. Azken hilabeteetan hitzordu horretarako aritu da prestatzen Goenaga eta, emaitzak ikusirik, entrenatzailea eta igerilaria gustura gelditu dira. Ainhoak 50 metro bizkar eta 200 metro bizkar probetan hartu du parte Sabadelleko txapelketan.

Zapatuan jokatu ziren 200 metro bizkarreko probak, goizean aurrekanporaketako serieak eta arratsaldean finalak. Goizeko kanporaketetan, 2:23:06 denborarekin, C finalean parte hartzeko txartela lortu zuen. Arratsaldeko finalean, goizean baino ehuneneko batzuk gutxiago behar izan zituen luzera berdina egiteko (2:22:87), eta bere denbora onenetik oso gertu ibili zen.

Igandean izan ziren 50 metro bizkarreko probak. Goizeko aurrekanporaketan, 31:90 denborarekin, aurreko egunean bezala, arratsaldeko C finalean sartzea lortu zuen. Finalean, goizean baino denbora hobea egitea lortu zuen (30:98) eta, horrekin, bere marka onenetik oso gertu gelditzea.

Sabadellen jokatzen ari den txapelketan, goi mailako igeriketa ikusteko aukera dugu, Rio de Janeiron egingo diren Joko Olinpikoetarako eta nazioarteko txapelketetarako gutxiengoak lortzeko asmoarekin lehiatzen ari baitira Espainiako igerilari ospetsuenak.

Orain, Aste Santuko oporrak aprobetxatuz, atsedenaldia hartuko du Ainhoak eta, gero, udarako txapelketak prestatzen hasiko da.

Zorionak eta segi lanean!

Espainiako txapelketak atalean publikatua | Erantzunak desaktibatuta daude

Ainhoa Goenaga Espainiako Open Txapelketara

Osteguna, 2016 martxoa 17 atalean izarraitzie -k publikatua

Zapatuan hasi eta asteartea bitartean, Espainiako Absolutuen Udaberriko Open Txapelketa jokatuko da Sabadell-en. Bertan izango da Ainhoa Goenaga, Izarraitz Igeri Elkartea ordezkatuz.

Nazioarteko 479 igerilarik hartuko dute parte, eta Goenagak aukera izango du ospe handiko igerilariekin lehiatzeko. 50 metro bizkar eta 200 metro bizkar probetan hartuko du parte.

Zorte on eta egurre!

Espainiako txapelketak atalean publikatua | Erantzunak desaktibatuta daude

ASTE SANTUKO ORDUTEGIA

Asteazkena, 2016 martxoa 16 atalean izarraitzie -k publikatua

ORDUTEGIA

Oharrak atalean publikatua | Erantzunak desaktibatuta daude

KZL-ko 3. jardunaldia eta alebinen ligako 5. jardunaldia‏

Asteartea, 2016 martxoa 15 atalean entrenatzaileak -k publikatua

Larunbat honetan Azpeitiko igerilekuan egingo dute igeri gure taldeko txikienek. Arratsalde polita izango delakoan eta gure igerilariak ikusteko aukera aproposa izango denez aldi berean, zuen animo eta txaloekin harmailetan izango zaretela espero dugu.

Honako probak burutuko dituzte gure taldeko igerilariek:

2007. urtean jaiotakoak 50 metro bular.
2006. urtean jaiotakoak 100 metro bular.
Erreleboetan berriz, 2007. urtean jaiotakoak eta 2006. urtean jaiotakoak 6×25 metro tximeleta mixtoa
2005. urtean jaiotakoak eta 2004. urteko mutilak 50 metro libre eta 200 metro bular. Erreleboetan berriz 4×50 metro bizkar.

Gure alebinen kasuan (2004. urteko neskak) honako probak izango dituzte.

400 metro estiloak.
100 metro libre.
Erreleboetan 4×100 metro tximeleta.

SERIEAK:

Alebinen liga, Benjamin eta alebin maila, KZL jardunaldiak atalean publikatua | Erantzunak desaktibatuta daude

Lehen Hezkuntzako ikasleek igeriketa topaketa izan zuten zapatuan

Astelehena, 2016 martxoa 14 atalean izarraitzie -k publikatua

Joan den zapatuan, Eskola Kirol Aniztasun egitasmoaren baitan, LH 3ko, LH 4ko, LH 5eko eta LH 6ko ikasleek 2015-2016 ikasturteko lehen igeri-topaketa izan zuten Azpeitiko igerilekuan. Izarraitzeko entrenatzaileek prestatu zituzten ur jokoetan ikastetxeetako 216 haurrek hartu zuten parte.

Aurreko urteko topaketan egindakoari jarraituz, kirol munduan denetik frogatzen ari diren haur horiei aukera desberdin eta dibertigarri bat eman zitzaien zapatuan Azpeitiko igerilekuan. Lagun artean eta irri artean ederki gozatu zuten gaztetxoek.

Hona hemen, argazki bilduma: