Izarraitz Igeri Elkartea

Euskadiko Igeriketa Federaziotik email hau jaso genuen apirilaren 1ean:

“Egun on, CSD txapelketarako behin-betiko selekzioa bidaltzen dizuegu”. 

Egun horretan jaso genuen zerrendan, Joanes Astigarraga zegoen aukeratuen artean.

Apirilaren 7an, bigarren email bat jaso genuen Euskadiko Igeriketa Federaziotik:

“Egun on, Espainiako elkargo autonomikoen arteko alebin Txapelketako selekzioa eguneratuta bidaltzen dizuet. Selekziotik lau igerilari irten dira eta hiru sartu. Bajaren bat egon ezean hau izango litzateke behin-betiko selekzioa”.

Bigarrengo zerrendan, albiste bat ona eta beste bat txarra. Ona, Iñaki Etxeberria aukeratua izan zela eta txarra, Joanes Astigarraga, selekziotik “irtendako” igerilarietako bat zela.

Iruditzen zaigu, Izarraitz Igeri Elkartea osatzen dugun guztioi, adin hauetako igerilariarekin ezin dela horrela ibili zerrendak egiteko garaian. Hau esan eta, Joanesi lanean gogor jarraitzeko animatzen dugu eta Iñaki Etxeberriari berriz, zoriondu, Euskal selekzioaren deiagatik.

Iñaki Etxeberriak, 100 metro libre eta 200 metro libre probetan hartuko du parte.

Zorte on Iñaki eta animo Joanes!

• Bigarren zerrenda CSD

Euskadiko Igeriketa Federazioak Joanes Astigarraga (2001) igerilaria aukeratu du, apirilaren 25 eta 26ean Caceresen jokatuko den Elkargo Autonomikoen arteko Espainiako CSD txapelketan parte hartzeko.

Txapelketan proba hauetan lehiatuko da:

• 100 metro bizkar eta 200 metro bizkar  banakako frogetan hartuko du parte.

Ziur gaude, ilusioz eta gogotsu ordezkatuko duela Euskadiko Selekzioa eta, aukeraketak, bultzada bat emango diola lanean gogor jarraitzeko.

Zorte on eta egurre Joanes!

• Aukeratuen zerrenda
• Txapelketako zirkularra

Zapatuan hasi eta asteartea bitartean, Izarraitz igeri elkarteko Oihana Goenaga igerilaria eta Omar Urbieta entrenatzailea Malagan izan dira, Espainiako Absolutuen Udaberriko Open Txapelketan. Azken hilabeteetan hitzordu horretarako aritu da prestatzen, eta emaitzak ikusirik, entrenatzailea eta igerilaria oso gustura gelditu dira. Oihanak 50 metro libre eta 100 metro libre probetan hartu du parte Malagako txapelketan. Emaitzarik aipagarriena, 100 metro libreko proban lortu du Oihanak. Proba horretan 58:33 denbora eginda, marka pertsonala eta Euskadiko 16 urtekoen errekor berria lortu ditu. Aurreko errekorra Ilune Gorbeak lortu zuen 2002. urtean, 59:13 denborarekin.

Zapatuan jokatu ziren 50 metro libreko probak, goizean aurrekanporaketako serieak eta arratsaldean finalak. Goizeko kanporaketetan 27:48 denborarekin, finalean parte hartzeko txartela lortu zuen. Arratsaldeko finalean, goizean bainan ehuneneko batzuk gehiago behar izan zituen luzera berdina egiteko (27:55), hala ere, bere denbora onenetik oso gertu ibili zen bi probetan.

Astelehenean izan ziren 100 metro libreko probak. Goizeko aurrekanporaketan 58:98 denbora eginez, Euskadiko 16 urtekoen errekorra hautsi zuen eta arratsaldeko finalean sartzeko balio izan zion. Gero, arratsaldeko finalean, goizean baino denbora hobeagoa egitea lortu zuen (58:33) eta horrekin, marka pertsonala eta berriro Euskadiko errekorra jaistea.

Malagan jokatu den txapelketan, goi mailako igeriketa ikusteko aukera izan dugu, Nazioarteko Txapelketetako gutxiengoak lortzeko asmoarekin lehiatu baitira Espainiako igerilari ospetsuenak.

Orain, Aste Santuko oporrak aprobetxatuz, atsedenaldia hartu du Oihanak eta gero, udarako txapelketak prestatzen hasiko da.

Zorionak eta segi lanean!

• Oihana Goenaga, 50 m. libre. MALAGA 2015
• Oihana Goenaga, 100 m. libre. MALAGA 2015