Izarraitz Igeri Elkartea

Astelehenean Nazioarteko Eguberri Txapelketaren 32. edizioa jokatu zen Donostiko Paco Yoldi igerilekuan, eta bertan izan ziren Izarraitzeko hamabost igerilari. Jon Aizpuru eta Paula Urrestilla baja izan ziren azken momentuan. Maila handiko txapelketa ikusteko aukera izan genuen, eta Martin Melconian uruguaitarrak gizonezkoetan eta Merche Peris balentziarrak emakumezkoetan izan ziren garaileak. Omar Urbietak entrenatzen dituen igerilariek aukera paregabea izan zuten, gailurrean dauden igerilari handiekin lehiatzeko

Goizean aurre-kanporaketako serieak jokatu ziren eta Maider Etxezabal, Naiara Perez, Pablo Etxeberria, Maialen Aizpuru, Aiora Beristain, Jone Goenaga, Iñaki Exeberria, Joanes Astigarraga, Maialen Sudupe, Maitane Goenaga eta Lander Uria arratsaldeko finaletik kanpo gelditu ziren. Ainhoa Goenagak, Oihana Goenagak, Eva Astigarragak eta Iker Aizpuruk berriz, txartelak lortu zituzten arratsaldeko finaletan ospe handiko igerilariekin batera lehiatzeko.

Ainhoa Goenagak 100 metro bizkarreko finala jokatu zuen (8. postua), Oihana Goenagak, berriz, bi finaletan hartu zuen parte, 50 metro libre (7. postua) eta 100 metro librean (5. postua), Eva Astigarragak 100 metro bularreko finalean (5. postua) eta Iker Aizpuruk, igeriketa egokitutako 50 metro libreko finalean (4. postua).

Festa garai hauek ez dira aproposenak lehiatzeko, ia denok eguneroko errutinatik kanpo ibiltzen gara. Entrenamendu gutxiago, gehiago jaten da, deskantsu gutxiago eta hori dena txapelketetan nabaritu egiten da. Omar Urbieta entrenatzaileak kalitatezko entrenamendu gisa hartu zuen Donostiko txapelketa, lehiaketako erritmoa lantzeko, 50 metrotako igerilekuan ohitzeko, eta abar.

Zorionak eta segi gogor prestatzen!!

• BEHIN-BEHINEKO EMAITZAK NAZIOARTEKO XXXII. EGUBERRI TXAPELKETA
• ARGAZKIAK

Datorren astelehenean, abenduak 29, Nazioarteko XXXII. Eguberri Txapelketa-Foru Aldundia Sari Nagusia jokatuko da Donostian. Azpeititik hamazazpi igerilari joango dira parte hartzera eta proba hauetan lehiatuko dute:

• Maider Etxezabal (1990): 100 bizkar eta 100 libre.
• Naiara Perez (1992): 100 bular eta 200 estilo.
• Pablo Etxeberria (1997): 100 tximeleta eta 200 estilo.
• Ainhoa Goenaga (1997): 50 bizkar eta 100 bizkar. (EH selekzioa)
• Jon Aizpuru (1998): 50 libre eta 50 bular.
• Oihana Goenaga (1999): 50 libre eta 100 libre.  (EH selekzioa)
• Maialen Aizpuru (2000): 100 bular eta 50 tximeleta.
• Eva Astigarraga (2000): 100 bular eta 50 bular.
• Aiora Beristain (2000): 50 libre eta 50 tximeleta.
• Jone Goenaga (2001): 50 libre eta 100 libre.
• Iñaki Etxeberria (2001): 50 libre eta 100 libre.
• Joanes Astigarraga (2001): 50 libre eta 100 bizkar.
• Paula Urrestilla (2002): 50 bizkar eta 50 libre.
• Maialen Sudupe (2002): 50 bizkar eta 100 bizkar.
• Maitane Goenaga (2002): 50 bular eta 100 libre.
• Iker Aizpuru (2004): 50 libre. (Konporta Taldea)
• Lander Uria (2006): 50 libre. (Konporta Taldea)

Hauetako bi gainera, Ainhoa Goenaga eta Oihana Goenaga, Euskal Selekzioaren deia jaso dute eta, Donostiko txapelketan, Euskal Herria ordezkatuko dute. Horrek erakusten digu, egunero, isilean, sakrifizio eta entrenamenduak egin ezkero, emaitzak eta horrelako dei pozgarriak iristen direla. Iker Aizpuru eta Lander Uria Izarraitzeko alebinak berriz, Konporta taldea ordezkatuko dute igeriketa egokitutako proban.

Goizean aurre-kanporaketako serieak jokatuko dira, 10:00etan hasita eta 18:00etan izango dira finalak. Txapelketa Donostiko Paco Yoldi igerilekuan jokatuko da eta bertara hurbilduko dira estatuko eta nazioarteko igerilari ospetsuenetariko batzuk.

Zorte on denoi !!

• ZERRENDAK
• SERIEAK

       Joan den asteburuan Zarauzko Aritzbatalde igerilekuan, egutegian gorriz margotuta genuen Gipuzkoako taldeen arteko kopa ospatu zen. Izarraitz Igeri Elkartetik 17 igerilarik (12 neska eta 5 mutilek) parte hartu zuten. Elkartean, aurtengo Gipuzkoako taldeen arteko kopari ilusioz eta itxaropentsu begiratzen genion. Gero igerilekuan, bai uretan, bai uretatik kanpo, taldeak ez digu hutsik egin. Talde modura lan egin dute, uretan gogor eta bikain eta begira zeuden taldekiedeek igerileku ertzetik gogoz animatzen. Horrela, lau jardunaldi ostean, Izarraitzeko neskek lehen postua lortu zuten, Tolosaldea eta Buruntzaldea taldeen aurretik.

Lehen jardunalditik lehen postuan mantentzea lortu zuten gure neskek. Maider Etxezabal, Naiara Perez, Ainhoa Goenaga, Oihana Goenaga, Maialen Aizpuru, Eva Astigarraga, Aiora Beristain, Jone Goenaga, Nerea Berasategi, Paula Urrestilla, Maialen Sudupe eta Maitane Goenaga izan dira taldea osatu duten igerilariak.

Mutilen taldeari dagokionez, berriz, helburuak bestelakoak ziren. Taldeko sailkapenean ez zuten aukerarik aurreko postuetan egiteko, igerilari kopuru txikia dutelako. Parte hartu zuten bost mutilen jarrera aipagarria da eta, entrenatzailea, gustura etorri zen ikusitakoarekin. Jon Irigoien, Pablo Etxeberria, Jon Aizpuru, Iñaki Etxeberria eta Joanes Astigarraga aritu ziren Izarraitz Igeri Elkartearen izenean.

Gure taldekideak lortutako emaitzarik esanguratsuenak:

• 4 x 200 libre neskak, 1. postua.
• 4 x 50 estilo neskak, 1. postua.
• 4 x 50 libre neskak, 1. postua.
• 4 x 100 libre neskak, 1. postua.
• 4 x 100 estilo neskak, 3. postua.
• 34 marka pertsonal.
• Paula Urrestillak, 2 Espainiako Infantilen Txapelketarako minimak, (Neguko Txapelketarako 100 metro librean eta Udako Txapelketarako 400 metro librean).

Helduen taldeko entrenatzaile den Omar Urbietaren lana ezinbestekoa izan da emaitza hauek gauzatzeko.

Zorionak guztiei eta segi lanean!

• BEHIN-BEHINEKO EMAITZAK

Astebukaera honetan, Zarauzko Aritzbatalde igerilekuan Gipuzkoako Taldeen Kopa jokatuko da. Bertan, gure taldeko infantil, junior eta absolutuek hartuko dute parte. Zarauzko txapelketara ia talde osoa joango da, Pablo Etxeberriak eta Jon Aizpuruk denboraldia bertan hasiko baidute. Hauek lehiaketako erritmoa urruti izango dute baina, pixkanaka pixkanaka joango dira hartzen, denboraldia luzea da.

Zapatuan eta igandean izango dira probak, goiz eta arratsaldeko jardunaldietan. Goizeko jardunaldiak 10:00etan hasiko dira eta arratsaldekoak, berriz, 17:00etan.

Zorte on Izarraitz!

• SERIEAK