Gaur 35 urte bete ditu Izarraitz Igeri Elkarteak

Ostirala, 2020 apirila 10 atalean izarraitzie -k publikatua

Gaurko egunez, orain dela 35 urte, guraso talde batek, Izarraitz Igeri Elkartea martxan jarri zuen.

Mila esker lehen urrats hura emateagatik!

Albisteak, Oharrak atalean publikatua | Erantzunak desaktibatuta daude Gaur 35 urte bete ditu Izarraitz Igeri Elkarteak sarreran

OHAR GARRANTZITSUA

Astelehena, 2020 martxoa 23 atalean izarraitzie -k publikatua

Oharrak atalean publikatua | Erantzunak desaktibatuta daude OHAR GARRANTZITSUA sarreran

Izarraitz Igeri Elkarteko entrenamendu guztiak bertan behera geldituko dira

Osteguna, 2020 martxoa 12 atalean izarraitzie -k publikatua

Albisteak, Oharrak atalean publikatua | Erantzunak desaktibatuta daude Izarraitz Igeri Elkarteko entrenamendu guztiak bertan behera geldituko dira sarreran

Lehen Hezkuntzako ikasleen igeriketa topaketak izango dira zapatuan

Osteguna, 2020 otsaila 27 atalean izarraitzie -k publikatua

Zapatuan, otsailaren 29an, Ikasleen Igeriketa Topaketak izango dira, Urolako Eskola Kirola Kontseiluak benjaminentzat eta kimuentzat prestatutako egutegiari jarraituta. Hain zuzen, LH3ko, LH4ko, LH5eko eta LH6ko ikasleen denboraldiko bigarren topaketa izango da Azpeitiko Igerilekuan.

Honako hau da ordutegia:

  • LH5 eta LH6ko ikasleak, 09:30etik 10:30era.
  • LH4ko ikasleak, 10:30etik 11:30era.
  • LH3ko ikasleak, 11:30etik 12:30era.

Gaztetxoen erakustaldia ikusi nahi izanez gero, azaldu zaitezte zapatuan igerilekuko harmailetara.

Animo eta zuen zain gelditzen gara!

 

Eskola Kirola atalean publikatua | Erantzunak desaktibatuta daude Lehen Hezkuntzako ikasleen igeriketa topaketak izango dira zapatuan sarreran

Infantilek EH-ko txapelketa bikaina Irunen

Asteazkena, 2020 otsaila 26 atalean izarraitzie -k publikatua

       

Maier Lizarzaburu                                                 Elene Sudupe

Joan den zapatuan eta igandean, otsailaren 22an eta 23an, igeriketako Euskal Herriko Neguko Txapelketa jokatu zuten infantil mailakoek. Euskal Herriko infantil onenak Irungo Azken Portu Kiroldegiko igerilekuan lehiatu ziren.

Izarraitz Igeri Elkartetik Maier Lizarzaburu, Nora Uria, Judith Odriozola eta Elene Sudupe aritu ziren .

Neguko denboraldiko azken zita garrantzitsuena zen joan den asteburukoa eta, nahiz eta azken asteetan azterketak eta lesio batzuengatik ez zeuden %100ean, txapelketa txukuna eta jarrera oso ona erakutsi zuten.

Gure taldekideen lorpen aipagarrienak honako hauek izan ziren:

  • 6 marka pertsonal.
  • 2 zilarrezko domina: Maier Lizarzaburuk 200 bizkar proban eta Elene Sudupek 50 librean.
  • Espainiako udako txapelketarako minima berri bat, Elene Sudupek 50 librean.

Maier Lizarzaburuk  negu parteko denboraldia bukatzeko, Oviedon izango da martxoaren 11tik martxoaren 15era Infantilen Neguko Espainiako Txapelketan.

Zorionak guztiei eta aupa Izarraitz!

 

Euskal Herriko Txapelketak atalean publikatua | Erantzunak desaktibatuta daude Infantilek EH-ko txapelketa bikaina Irunen sarreran

Infantilen Neguko Euskal Herriko Txapelketa, Irunen

Osteguna, 2020 otsaila 20 atalean izarraitzie -k publikatua

Zapatu eta igande honetan, Infantil Mailako Neguko Euskal Herriko Txapelketa izango da, Irungo Azken Portu kiroldegiko Igerilekuan. Goizeko jardunaldiak 10:00etan hasiko dira eta arratsaldekoak 17:00etan.

Lehiaketa hau, neguko azken txapelketa garrantzitsua dute, gero, denboraldiko bigarren zatirako prestaketak hasiko dituzte-eta.

Gure taldeko 4igerilari izango dira lehian eta proba hauetan parte hartuko dute:

  • Maier Lizarzaburuk: 200 bizkar, 200 estilo eta 100 bizkar.
  • Judith Odriozolak: 100 estilo, 100 libre eta 100 bular.
  • Nora Uriak: 100 estilo, 100 libre eta 200 libre.
  • Elene Sudupek: 200 estilo, 100 bizkar eta 50 libre.

Horiez gain, erreleboko probatan hartuko dute parte.

ZORTE ON !

Euskal Herriko Txapelketak atalean publikatua | Erantzunak desaktibatuta daude Infantilen Neguko Euskal Herriko Txapelketa, Irunen sarreran

Bartzelonatik gustura itzuli dira Sudupe ahizpak

Asteartea, 2020 otsaila 18 atalean izarraitzie -k publikatua

Maialen Sudupe eta Alazne Sudupe igerilariak Bartzelonan izan dira asteburuan, Gipuzkoako selekzioarekin, “ Alejandro López Sarian” parte hartzen. Gipuzkoako selekzioa ordezkatzen, junior eta absoluto mailako 19 igerilari izan ziren.

Bartzelonako txapelketan, goi mailako igerilariak eta goi mailako igeriketa ikusteko aukera izan dugu. Irailean, denboraldi haseran, gure igerilari gazte hauek, ez zuten sinistu ere egingo otsailean horrelako sari batean parte hartuko zutenik. Esperientzi ona, aberasgarria eta giro ederra izan dute selekzioarekin joan diren guztiak.

Igerileku luzean (50 m.) urteko lehen txapelketa izan arren, gure bikotea emaitza txukunak lortuta itzuli da etxera. Hona hemen lorpen esanguratsuenak:

  1.  4 marka personal
  2.  Klubeko errekor berri bat 16 urtekoetan, Alazne Sudupek 400 estiloetan.
  3.  4 final Maialen Sudupek:
    • 50 bizkar proban, A finalean 6. postua.
    • 50 tximeletan, B finalean 13. postua.
    • 100 bizkarren, A finalean 6. postua.
    • 200 estiloetan, A finalean 8. postua.

Zorionak eta segi lanean!

Espainiako txapelketak, Sariak atalean publikatua | Erantzunak desaktibatuta daude Bartzelonatik gustura itzuli dira Sudupe ahizpak sarreran

Maialen Sudupe eta Alazne Sudupe Gipuzkoako selekzioarekin

Osteguna, 2020 otsaila 13 atalean izarraitzie -k publikatua

Datorren astebukaeran, otsailaren 15ean eta 16ean, Maialen Sudupe eta Alazne Sudupe igeriketako Gipuzkoako Selekzioarekin  Bartzelonako “ Alejandro López Sarian”-an arituko dira lehian. Uxue Etxeberriak azken unean, ikasketagatik, Bartzelonara ez joatea erabaki du.

Zorte on bikote!

Sariak atalean publikatua | Erantzunak desaktibatuta daude Maialen Sudupe eta Alazne Sudupe Gipuzkoako selekzioarekin sarreran

Izarraitzekoek emaitza onak lortu dituzte Igeriketako Neguko Gipuzkoako Txapelketan

Asteazkena, 2020 otsaila 12 atalean izarraitzie -k publikatua

Joan den asteburuan, otsailaren 8an eta 9an, infantil, junior, absolutu eta igeriketa egokitu mailako Igeriketako Neguko Gipuzkoako Txapelketa jokatu zen Bergarako Agorrosin igerilekuan. Iñaki Etxeberriak, Maialen Sudupek, Intza Odriozolak, Uxue Etxeberriak, June Zubizarretak, Alazne Sudupek, Maier Lizarzaburuk, Nora Uriak, eta Elene Sudupek  hartu zuten parte. Judith Odriozola baja izan zen azken unean.

Izarraitzekoek txapelketa  ona egin zuten. Ia guztiek aurreikusitako helburuak bete zituzten Bergarako txapelketan.

Izarraitzekoen lorpen aipagarrienak honako hauek izan ziren:

  • 20 domina: 5 urrezkoak, 10 zilarrezkoak eta beste 5 brontzezkoak.
  • 20 marka pertsonal.
  • Maialen Sudupek klubeko errekor berria 400 estiloetan absolutu mailan.
  • Neska absolutuen sailkapen orokorrean Maialen Sudupek hirugarren postua.
  • Izarraitz nesken taldeak 4. postua taldeko sailkapenean.

Hurrengo txapelketak Irunen eta Iruñean izango dituzte gure igerilariek. Infantilek, Euskal Herriko Txapelketa Irungo Azken Portu igerilekuan jokatuko dute eta juniorrak eta absolutuen aldiz, Iruñeako Amaya igerilekuan lehiatuko dute EH-ko txapelketa.

Zorionak guztiei egindako esfortzuagatik!

                                                        Nora Uria Bergarako txapelketan

Gipuzkoako Txapelketak atalean publikatua | Erantzunak desaktibatuta daude Izarraitzekoek emaitza onak lortu dituzte Igeriketako Neguko Gipuzkoako Txapelketan sarreran

MASTERREN ERREKORRAK EGUNERATUTA

Asteartea, 2020 otsaila 11 atalean izarraitzie -k publikatua

Eguneratu ditugu klubeko masterren errekorrak. Ikus ditzakezue errekor berriak TALDEKO ERREKORRAK klikatuta.

Sin categoría atalean publikatua | Erantzunak desaktibatuta daude MASTERREN ERREKORRAK EGUNERATUTA sarreran