Zapatuan igeriketako denboraldia hastera doa

Osteguna, 2018 urria 25 atalean izarraitzie -k publikatua

Izarraitz Igeri Elkarteko infantil, junior eta absolutu mailako igerilariek Neguko Liga probintzialeko lehen jardunaldia izango dute zapatuan. Lehiaketa, Oñatiko Zubikoa igerilekuan izango da, arratsaldeko 15:30etan hasita.

Hona hemen igerilariak eta probak:

Arratsaldez baita ere, Izarraitz Igeri Elkarteko alebin mailako igerilariek Alebin Ligako lehen jardunaldia izango dute. Txapelketa Eibarko Ipurua igerilekuan izango da, 16:00tan hasita. Eibarko proban hartuko dute parte 2006 eta 2007 urteetan jaiotako neskek; eta 2005 eta 2006 urteetan jaiotako mutilek.

Gure igerilariak irailean hasi zituzten entrenamenduak eta bakoitzaren sasoia nolakoa den jakiteko balio izango du astebukaerako lehiaketak.

Zorte on denei!

Alebinen liga, Helduen ligak atalean publikatua | Erantzunak desaktibatuta daude Zapatuan igeriketako denboraldia hastera doa sarreran

Herriari esker ona emanez

Asteartea, 2018 urria 23 atalean izarraitzie -k publikatua

Herritik jasotakoa itzultzeko nahairekin jo genuen Udalera. Laguntza asko eta modu desberdinetan jaso dugu elkartea sortu zenetik, eta herriari zerbait eskaini nahi izan diogu. 

Hala, Izarraitz Igeri Elkarteak eta Azpeitiko Udalak Kirol Orientazioa Zerbitzuaren baitan igeriketa saioak eskaintzea adostu dugu. Kirol Orientazio zerbitzuaren bidez, arrazoi desberdinengatik ohiko talde batean parte hartu ezin duten, eta Kirol Orientazio zerbitzuaren bidez, kirol horrek on egingo diola detektatutako pertsonentzat ikastaroak izango dira.

Urrian hasi dira ikastaroekin, eta hasteko, astean ordubetez, orduerdiko bi saio, eskaintzen ditugu. Ziortza Beistegi da ikastaroetako begiralea, baina erabiltzaileek behar desberdinak izan ditzaketenez, egokitutako kirol federazioko teknikarien aholkularitza izango du, bakoitzari egokitutako saioa eskaini asmoz.

Albisteak atalean publikatua | Erantzunak desaktibatuta daude Herriari esker ona emanez sarreran

Zapatuan, Izarraitz egunean, Omar Urbieta omendu genuen

Igandea, 2018 urria 7 atalean izarraitzie -k publikatua

                                                     Markel Alberdi eta Omar Urbieta

Zapatuan, urriaren 6an, elkarteko eguna ospatu genuen giro ederrean. Taldea handitzen doanez, partaidetza ona izan genuen prestatu genituen ekintzetan.

Aurrena, gure taldeko igerilariek, entrenatzaileek,  gurasoek eta Bardulia Taldean Omar Urbietaren taldekideak igeriketa jaialdia egin zuten. Probak giro ederrean eta lagun artean egin ziren. Proben ondoren, txikienak goxoki poltsa bana jaso zuten.

Gero, afaldu aurretik poteoan ibili ginen Sanjuandegiko tabernetan.

21:15ean, Ongi Etorri jatetxean elkartu ginen ia 100 lagun afaltzeko. Afalondoan momentu hunkigarriak bizi izan genituen. Lehenik, Ander Idoetari, Jurdan Arakistaini, Iker Aizpururi eta Lander Uriari Izarraitzeko txanoak eman genizkion, hemendik aurrera, Izarraitz Igeri Elkartea igeriketa inklusiboko taldea izango baita.

Ondoren, Omar Urbieta entrenatzaileari merezitako omenaldia egin genion. Aurten, entrenatzaile lanak uztea erabaki bai zuen. Hasteko,Omarren igeriketako ibilbidea ikusteko aukera izan genuen bideo batez. Gero, lore sorta bat jaso zuen Maitere Arotzena eta Nerea Illarramendiren eskuetatik eta bukatzeko, Pablo Etxeberriak eta Oihana Goenagak aurresku bat eskeini zioten.

Estitxu Elduaien, udal ordezkariari, gurekin izan zen eta gure esker ona adierazi eta horrela jarraitzeko Azpeitiko igeriketari laguntzen eskatu genion.

Mila esker guztiei!

   

Albisteak atalean publikatua | Erantzunak desaktibatuta daude Zapatuan, Izarraitz egunean, Omar Urbieta omendu genuen sarreran

Lehen Hezkuntzako ikasleek igeri topaketak egin dituzte

Larunbata, 2018 urria 6 atalean izarraitzie -k publikatua

Gaur, zapatua, Urolako Eskola Kirola Kontseiluak benjaminentzat eta alebinentzat prestatuta duen egutegiari jarraituz, LH 3, LH 4, LH 5 eta LH 6 ko ikasleek igeri-topaketa izan dute Azpeitiko igerilekuan. Izarraitzeko entrenatzaileek prestatu dituzten  ur jokoetan, Errezilgo eta Azpeitiko ikastetxeetako 260  ikaslek hartu dute parte ( LH 3ko 100, LH 4ko 80 eta LH 5 eta LH 6ko 80).

Igerilekuan ikusi ditugun aurpegi irrifartsuak, gustura eta asko gozatu dutela isladatzen zuten. Gaurkoan, haurrek ur jokoen bidez, igeriketa ezagutzeko aukera izan dute.

Hona hemen, goiz eder honen lekuko argazkiak:

Eskola Kirola atalean publikatua | Erantzunak desaktibatuta daude Lehen Hezkuntzako ikasleek igeri topaketak egin dituzte sarreran

Igeriketako BEHIN BEHINEKO egutegia

Asteazkena, 2018 urria 3 atalean izarraitzie -k publikatua

Oharrak atalean publikatua | Erantzunak desaktibatuta daude Igeriketako BEHIN BEHINEKO egutegia sarreran

Lehen Hezkuntzako ikasleen igeri topaketak izango dira zapatuan

Asteazkena, 2018 urria 3 atalean izarraitzie -k publikatua

Zapatuan, urriaren 6an, Ikasleen Igeri Topaketak izango dira, Urolako Eskola Kirola Kontseiluak benjaminentzat eta alebinentzat prestatutako egutegiari jarraituta. Hain zuzen, LH3ko, LH4ko, LH5eko eta LH6ko ikasleen denboraldiko lehen topaketa izango da Azpeitiko Igerilekuan.

Honakoa da ordutegia:

– LH5 eta LH6ko ikasleak, 09:30etik 10:30era.

– LH3ko ikasleak, 10:30etik 11:30era.

– LH4ko ikasleak, 11:30etik 12:30era.

Gaztetxoen erakustaldia ikusi nahi izanez gero, azaldu zaitezte zapatuan igerilekuko harmailetara.

Animo eta ez ahaztu betaurrekoa eta uretako txanoa!

Eskola Kirola, Oharrak atalean publikatua | Erantzunak desaktibatuta daude Lehen Hezkuntzako ikasleen igeri topaketak izango dira zapatuan sarreran

Urriaren 6an, Izarraitz Igeri Elkartearen eguna

Asteartea, 2018 Iraila 25 atalean izarraitzie -k publikatua

Denboraldi zaharrari agur esan eta berria aldiz ilusioz eta indartsu hasteko, urriaren 6an, zapatua, Izarraitz Igeri Elkartearen eguna ospatuko dugu. Egun horretarako ekintza hauek antolatu ditugu:

  • 16:30etan, igerilekuan, igeriketa jaialdia egingo dugu Izarraitz IE osatzen dugun guztien artean (igerilari, entrenatzaile, guraso, …).
  • 20:00etan poteoa Sanjuandegi auzoan.
  • 21:15etan afaria Ongi Etorri jatetxean. Izena emateko orria igerilekuko sarreran dagoen kortxoan egongo da urriaren 3rarte.

Animatu zaitez eta parte hartu!

Albisteak, Oharrak atalean publikatua | Erantzunak desaktibatuta daude Urriaren 6an, Izarraitz Igeri Elkartearen eguna sarreran

Zapatuan ospatu zen 2017/2018 denboraldiko igeriketako gala

Astelehena, 2018 Iraila 24 atalean izarraitzie -k publikatua

Zapatuan, irailak 22, Ordiziako Herri Antzokian 2017/2018 denboraldiko Igeriketa Gala ospatu zen. Bertan, Ur-zeharkaldietako Gipuzkoako Ligako sariak, Waterpoloko Liga Eskolarreko sariak, Igeriketa Artistikako Liga Eskolarreko, Igeriketako Neguko eta Udaberriko Ligetako sariak eta igeriketa artistikako eta igeriketako denboraldi amaierako sariak banatu ziren.

Izarraitz Igeri Elkarteko Rafa Zubeldia (masterra), Ainhoa Uranga (masterra), Alaitz Olazabal (masterra), Oihana Goenaga, Iñaki Etxeberria, Maitane Goenaga, Uxue Etxeberria, Alazne Sudupe eta Joanes Lizarzaburu sarituen artean izan ziren.

Zorionak !

Albisteak atalean publikatua | Erantzunak desaktibatuta daude Zapatuan ospatu zen 2017/2018 denboraldiko igeriketako gala sarreran

2017/2018 denboraldiko igeriketako gala

Asteazkena, 2018 Iraila 19 atalean izarraitzie -k publikatua

Datorren zapatuan, irailaren 22an, goizeko 11:15etatik aurrera, Ordiziako Herri Antzokian 17/18 denboraldiko  Gipuzkoako Igeriketa Federazioaren  Gala ospatuko dugu.

Lehenik,  Xabier Infante, Txema Zumarraga eta Javier de Aymerich entrenatzaileei, egindako lan ona errekonozituz, omenaldi xume bat egingo diegu.

Ondoren, Ur-zeharkaldietako Gipuzkoako Ligako sariak, Waterpoloko Liga Eskolarreko sariak, Igeriketa Artistikako Liga Eskolarreko, Igeriketako Neguko eta Udaberriko Ligetako sariak eta igeriketa artistikako eta igeriketako denboraldi amaierako sariak banatuko dira.

Izarraitz Igeri Elkartetik sarituak hauek dira:

Rafa Zubeldia (masterra), Ainhoa Uranga (masterra), Alaitz Olazabal (masterra), Oihana Goenaga, Iñaki Etxeberria, Maitane Goenaga, Uxue Etxeberria, Alazne Sudupe eta Joanes Lizarzaburu.

Elkarte guztietako sarituak, beren familiatakoak, taldeetako kideak, entrenatzaileak eta zuzendariak gala honetara gonbidatuta gaude.

Zorionak guztiei!

Albisteak, Oharrak atalean publikatua | Erantzunak desaktibatuta daude 2017/2018 denboraldiko igeriketako gala sarreran

Igandean, V. Flysch Beltza Itsas Zeharkaldi Bikoitza

Ostirala, 2018 Iraila 14 atalean izarraitzie -k publikatua

Igandean, irailaren 16an, V. Flysch Beltza Itsas Zeharkaldi Bikoitza jokatuko da Saturraran, Mutriku eta Deba artean, Eibar Igerixan Kirol Klubak antolatuta.

Igerialdi luzeak 6.500 metro izango ditu eta 9:30etan emango zaio irteera Saturrarango hondartzatik. Igerialdi motzak berriz, 3.000 metrotako luzera izango du eta 10:30etan irtengo dira igerilariak Mutrikuko portutik. Bi proben helmuga Debako hondartzan izango da.

Izarraitz Igeri Elkarteko hamar bat igerilari daude izena emanda. Horiez gain, badira zeharkaldian izena emanda dauden beste azpeitiar batzuk.

Animo eta zorte on!

Igerialdiak, Itsas Zeharkaldiak atalean publikatua | Erantzunak desaktibatuta daude Igandean, V. Flysch Beltza Itsas Zeharkaldi Bikoitza sarreran