Pasa den zapatuan eta igandean, otsailak 25 eta 26, Euskal Herriko Neguko Txapelketak jokatu dira infantil, junior eta absolutuen mailan. Infantilak Irungo Azken Portu Kiroldegiko igerilekuan lehiatu ziren, eta juniorrak eta absolutuek, aldiz, Iruñeko Amaya igerilekuan.
Junior eta absolutuen mailan aritu ziren Ainhoa Goenaga, Pablo Etxeberria, Oihana Goenaga, Jone Goenaga, Nerea Berasategi eta Angela Ocio, Iruñako Amayako igerilekuan. Infantil mailan, aldiz, Iñaki Etxeberriak, Joanes Astigarragak, Asier Ganzarainek, Maialen Sudupek eta Maitane Goenagak hartu zuten parte, Irungo Azken Portu igerilekuan.
Negu denboraldiko azken aurreko zita garrantzitsuena zen pasa den asteburukoa eta emaitza oso onak lortu zituzten Irunen nahiz Iruñean. Bakarkako probetan, 10 urrezko domina, zilarrezko 3 eta brontzezko beste 2 lortu zituzten.
Juniorrak eta absolutuek ondo aritu ziren eta lorpen aipagarrienak honako hauek izan ziren:
- Urrezko 3 domina, zilarrezko 2 eta brontzezko beste 1.
- 14 marka pertsonal.
- Klubeko 4 errekor berri 50 metroko igerilekuan;
– Emakumezkoen 4×50 libre. 1:53:33 (Jone Goenaga, Nerea Berasategi, Oihana Goenega eta Ainhoa Goenaga).
– Pablo Etxeberria, 50 bizkar 29:61 (Absolutua).
– Oihana Goenega, 100 tximeleta 1:06:79 (absolutua).
– Jone Goenega, 50 bular 38:54 (16 urte).
Infantilek, berriz, Gipuzkoako Txapelketan bezala, izugarrizko lorpenak eskuratu zituzten, hona hemen esanguratsuenak:
- Espainiako txapelketetan parte hartzeko 5 gutxiengo berri:
– Maitane Goenagak 100 libre absolutua, 100 bizkar absolutua eta 200 bizkar.
– Maialen Sudupek 100 libre eta 400 estilo.
- Urrezko 7 domina, zilarrezko 1 eta brontzezko 1 bakarkako probetan.
- 13 marka pertsonal.
- Klubeko 7 errekor berri.
– Iñaki Etxeberria, 100 libre 54:33 (16 urte).
– Asier Ganzarain, 100 tximeleta 1:05:22 (16 urte).
– Maitane Goenaga, 200 bizkar 2:19:30 (15 urte eta absolutua), 100 bizkar 1:04:50 (15 urte) eta 100 libre 57:98 (15 urte).
– Maialen Sudupe, 100 estilo 1:07:70 (15 urte) eta 400 estilo 5:10:79 (15 urte).
Hurrengo sariketa Espainiako Txapelketa izango dute. Oraindik aste batzuk dituzte prestaketekin jarraitzeko, eta asteburuko emaitzak ikusita, itxaropentsu egoteko arrazoiak dauzkagu.
Zorionak eta aupa Izarraitz!
Joan den asteburuan, otsailaren 18an eta 19an, infantil, junior eta absolutu mailako Igeriketako Neguko Gipuzkoako Txapelketa jokatu zen Azpeitiko igerilekuan eta Izarraitz Igeri Elkarteko ordezkariek, oso emaitza onak lortu zituzten.
Datorren asteburuan, otsailaren 18an eta 19an, Gipuzkoako Neguko Igeriketa Txapelketa jokatuko da Azpeitiko Udal Igerilekuan. Izarraitz Igeriketa Elkarteko taldeko infantilak, juniorrak eta absolutuak hartuko dute parte txapelketan. Neguko lehen lehiaketa garrantzitsua dute asteburukoa, eta helburu nagusia ez izan arren, lan ona egingo dutela ziur gaude.
Zapatu honetan, otsailak 18, Gipuzkoako Igeriketa Egokituko Txapelketa egingo da Tolosako Usabal kiroldegiko igerilekuan, 10:00etan hasita.
Iñaki Etxeberria, Maialen Sudupe eta Maitane Goenaga igerilariak Castellonen izan dira asteburuan, Euskadiko selekzioarekin, infantil eta junior mailako Autonomia Erkidegoen arteko Espainiako Txapelketan parte hartzen.
Taldeko txikienak eskolarteko 50 metroko proben txapelketaren finalean aritu ziren igandean, Legazpiko Bikuña igerilekuan. Azpeititik 19 igerilari joan ziren, eta igerilari bakoitzak 50 metroko tximeleta, bizkar, bular edo estilo libreko proba batean hartu zuen parte. Horietatik zortzi igerilari, gainera, 4×50 metro libre mistoko erreleboetan ere aritu ziren.
Igandean, otsailak 12, Eskolarren 50 metrotako proben sariko finalak jokatuko dira Legazpiko Bikuña igerilekuan. Bertan, gure taldeko 19 igerilarik hartuko dute parte. Aurreko zapatuan Azpeitian ospatutako kanporaketetan lortu zituzten finaletako txartelak.
Izarraitz Igeri Elkartea 