Izarraitz Igeri Elkartea

Atzo, abuztuak 31, Irlako XVII. Igeriketa Zeharkaldia ospatu zen Donostiako badian. Absolutuetan, Izarraitz Igeri Elkarteko bost igerilarik parte hartu zuten, Rafa Zubeldiak, Asier Oiartzabalek (Disdira), Leire Ceciagak, Garikoitz Uzkudunek (Aiztitxo) eta Pablo Etxeberriak.

Aurrenik, 10:00etan, infantil mailako igerilariek irten ziren Donostiako hondartzatik, 800 metroko luzera zuen igerialdia egiteko. Eneritz Aramendi azpeitiarrak parte hartu zuen lehiaketan. Eneritz, 37. postuan iritsi zen helmugara eta, 15. postua lortu zuen nesken sailkapenean. Baita ere, Maialen Sudupe Azkoitiarrak (datorren denboraldian Izarraitzeko taldean izango dugu), oso igerialdi ona egin eta, 3. postua lortu zuen infantil nesken sailkapenean.

Ondoren, 11:00etan, hasi zen helduen zeharkaldia leku berdinetik. Ia 500 igerilari ordu horretarako prest zeuden Atletiko San Sebastianen egoitzaren ondoan. Helmuga, hondartzako toki berdinean zegoen eta guztira, 3.000 metro egin behar izan zuten igerilariak Santa Klarako irla zeharkatuz. Lehen aipatu bezala, Izarraitzetik bost igerilarik hartu zuten parte. Bakoitzak bere neurrian, maila ona erakutsi zuen. Aipagarriena, Pablo Etxeberria gaztearena izan zen beste behin ere. Oraindik 16 urte besterik ez eta hor dabil igerialdi guztietan mutur muturrean. Atzokoan, laugarren postuan sartu zen helmugara, bigarren postua lortuz senior mailan.

Izarraitzekoak honako postuak lortu zituzten:

• Pablo Etxeberria: 4. eta 2. senior mailan.
• Rafa Zubeldia: 32. eta 8. master mailan.
• Leire Ceciaga: 51. eta 4. master mailan.
• Asier Oiartzabal (Disdira): 68. eta 19. master mailan.
• Garikoitz Uzkudun (Aiztitxo): 123. eta 40 senior mailan.

Horiez gain beste bi azpeitiar izan ziren igerialdian:

• Jon Odriozola: 50. postua eta 26. senior mailan.
• Andoni Lazkano: 331. postua eta 127. master mailan.

SAILKAPENAK

ARGAZKIAK

BIDEOA

Bestalde, datorren zapatuan eta Bermeoko portuan, II. Salome Campos Igerialdian izango dira Izarraitz Igeri Elkarteko hiru igerilari; Rafa Zubeldia, Leire Ceciaga eta Pablo Etxeberria.

Hemendik animo eta zorterik onena opa nahi diegu guztiei.

Igandean, abuztuak 31, Irlako XVII. Igeriketa Zeharkaldia ospatuko da Donostian “Atlético San Sebastián” Elkarteak antolatuta. Izarraitz Igeri Elkarteko bost igerilari daude izena emanda, Rafa Zubeldia, Asier Oiartzabal (Disdira), Leire Ceciaga, Garikoitz Uzkudun (Aiztitxo) eta Pablo Etxeberria.

La Kontxako Atletiko Elkarteko egoitzaren paretik, goizeko 10etan irtengo dira infantil mutilak, froga hau bukatu ostean, infantil neskeei irteera emango zaio. 800 metrotako igerialdia egin beharko dute infantil neska-mutilak. Gero, 11etan, eta toki beretik, irteera emango zaio helduen igerialdiari. Hauek, 3.000 metro egin beharko dute Santa Klarako irla zeharkatuz.

Zorte on guztioi !!

• Irlako XVII. Igeriketa Zeharkaldia

Pasa den igandean, Izarraitz Igeri Elkarteko hiru igerilarik “Ascenso al rio Pas” proban parte hartu zuten, Leire Ceciagak, Pablo Etxeberriak eta Uxue Etxeberriak. Baita ere, datorren dendoraldian gurekin izango diren Maialen Sudupe eta Alazne Sudupe Oruña de Pielagosen izan ziren Pas ibaiaren igoeran.

Leirek eta Pablok, 5000 metrotako igoeran parte hartu zuten eta ez ziren oso gustura aritu. Lehen aldia zuten ibai baten igoera eta ibilbidea ez ezagutzeak, zailtasun bat gehiago gehitu zitzaien Azpeitiarrei. Hala ere, emaitza onak lortu zuten biek, Leire Ceciagak lehen postua bereganatu zuen Master mailan eta Pablok berriz, sailkapen orokorrean 5. postuan iritsi zen helmugara. Uxue Etxeberriak promesa mailan (600 metrotako igerialdia 2003-2004-2005. urtean jaiotakoak), 2. postua lortu zuen eta sariarekin etorri zen Azpeitira Leire bezala.
Proba nagusian, Julen Zabalo bizkaitarra izan zen irabazlea.
Zorionak guztiei !!

• Ascenso a nado al rio Pas
• Argazkiak

Zurriolan hasi eta Kontxaraino igeri egin ohi dute Donostiako Aste Nagusian Pasealeku Berriko igeriketa zeharkaldian. Atzokoan ordea, itsasoa zakar zegoela eta, ekitaldia hasi baino ordu erdi lehenago ibilbidea aldatzea erabaki zuten Fortuna elkarteko antolatzaileek. Azkenean, Kontxan hasi zuten proba eta lehenik portura joan ziren igerilariak, ondoren irlara, eta azkenik, Tenisaren pareraino igeri egin zuten, berriro Kontxako handartzara itzuli aurretik.

Izarraitz Igeri Elkartetik hiru igerilarik parte hartu zuten, Pablo Etxeberriak, Rafa Zubeldiak eta Leire Ceciagak eta emaitza onak lortuta etorri ziren Azpeitira.

Guztira 461 parte hartzaile izan ziren. Sailkapen orokorrean, AEBetako Bejamin Kanute izan zen onena, 34 minutu eta 23 segundu behar izan zituen ia 3.000 metroko ibilbidea egiteko, bigarren postuan talde bereko Hunter Lussi 34 minutu eta 31 segundu denborarekin eta hirugarren postuan, gure taldeko Pablo Etxeberria irabazlearengandik 14 segundutara.

Rafa Zubeldia 42. postuan hondartzaratu zen eta 9. master mailan. Leire Ceciaga berriz, 59. postuan iritsi zen helmugara eta 4. master mailan.

Zorionak eta segi horrelaxe !

• Sailkapenak
• Argazkiak

Ostiralean, abuztuak 15, Paseo Berriko 46. Igerialdia ospatuko da Donostian. Izarraitz Igeri Elkarteko hiru igerilari daude izena emanda, Pablo Etxeberria, Leire Ceciaga eta Rafa Zubeldia.

Donostiko portutik, goizeko 11etan, irtengo dira infantilak  Kontxako hondartzaraino, 650 metrotako igerialdia egiteko. Gero, 12etan, irteera emango zaio, Zurriolako hondartzatik, helduen igerialdiari. Hauek, 2.959 metro egin beharko dute Kontxako hondartzaraino.

Zorte on guztioi !!

• 2014. Paseo Berriko arautegia
• AZKEN ORDUKO INFORMAZIOA – INFORMACIÓN DE ÚLTIMA HORA

Gaur, zapatua, Hondarribiko hondartzan Txingudiko Badiako XI. Igerialdia jokatu da.

Aurrenik, 16:00etan, infantil mailako 46 igerilari irten dira Hondarribiko hondartzatik, 700 metroko luzera zuen igerialdia egiteko. Gaur eta maila honetan, ez du lehiatu gure taldekiderik.

Ondoren, 16:30etan hasi da helduen zeharkaldia Hondarribiko Butron Pasealekutik. Izarraitz Igeri Elkartetik hiru igerilarik parte hartu dute, Rafa Zubeldiak, Leire Ceciagak eta Pablo Etxeberriak.

Irteera puntotik helmugara 2.600 metrotako distantzia zuten egin beharreko lana 328 parte hartzaileak eta, oso txukun aritu dira gure taldeko igerilariak. Izarraitzeko lehena Pablo Etxeberria izan da 6. postuan eta bostgarrena senior mailan, Rafa Zubeldiak, 36. postuan eta zortzigarrena master mailan eta Leire Ceciagak berriz, 71. postuan iritsi da hondartzara eta hirugarrena master mailan podiumeko postua lortuz.

• Emaitzak Kirolprobak.com
• Argazkiak

Datorren ostiralean, Andra Mari egunean, Paseo Berriko zeharkaldia izangu dute Donostian eta zorte onena opa nahi diegu gure igerilariei.

Datorren zapatuan, abuztuak 9, Gipuzkoako Distantzia Luzeko XIV. Ligarekin jarraituko dute Izarraitz Igeri Elkarteko igerilariek, Txingudiko Badiako XI. Igerialdian.

Infantil mailako igerilariekin eta arratsaldeko 16:00tan ekingo diote probari, Hondarribiko hondartzako Tintinetik. 700 metroko luzera duen igerialdia izango dute.

Ondoren,  16:30etan, hasiko da helduen proba Hondarribiko Butron Pasealekutik eta, 2.600 metro dituen zeharkaldia egin beharko dute hondartzaraino. Izarraitzeko hiru igerilarik parte hartuko dute: Rafa Zubeldia, Leire Ceciaga eta Pablo Etxeberria.  Horiez gain, federatu gabeko Azpeitiko kirolari batzuk ere parte hartuko dute.

Zorte on, eta egurre!