Izarraitz Igeri Elkartea

Argazkian ezkerretik eskuinera, Nerea, Maialen, Aiora, Eva, Iker eta Jone.

Asteburuan, Azpeitiko udal igerilekuan Neguko Gipuzkoako Txapelketa jokatu zen. Ainhoa Goenaga, Jon Aizpuru, Oihana Goenaga, Maialen Aizpuru, Eva Astigarraga, Aiora Beristain, Jone Goenaga eta Nerea Berasategi izan ziren gure ordezkariak eta oso emaitza onak lortu zituzten.

Ainhoa Goenagak eta Oihana Goenagak juniorretik absolutuen bitartekoen mailan lehiatu zuten eta beste seiak, berriz, infantil mailan aritu ziren.

Infantil mailan banatu zituzten dominak. Helduen sailkapena, berriz, Fina sistema erabiliz egin zuten.

Bakarkako probetan, zortzi urrezko (Jon Aizpuruk 4, Aiora Beristainek 3 eta Eva Astigarragak 1) , bi zilarrezko (Eva Astigarragak) eta brontzezko domina bat (Aiorak) lortu zuten gure infantilek, eta horrez gain, Aiora Beristainek, Pontevedran ospatuko den Neguko Infantil eta Juniorren Espainiako Txapelketara joateko txartela lortu zuen, 100 metro libre eta 200 metro libre frogetan.

Gainera, eta erreleboetako probetan, 4×200 metro librean zilarra lortu zuten Maialen, Eva, Aiora eta Jone Goenagak. Baita zilarra ere, 4×100 metro estiloetan, Maialen, Eva, Jone eta Nereak.

Ainhoa, Oihana eta Jon Aizpuru, Neguko Espainiako Txapelketa ari dira prestatzen eta, nahiz eta Gipuzkoako Txapelketa ez izan helburua, oso maila ona erakutsi dute. Espainiako Txapelketarako Aiora Beristain gehitu zaie eta orain, Pontevedran egingo den lehiaketarako prestatzen jarraitu beharko du hirukotearekin.

Maialen Aizpuru, Eva Astigarraga, Aiora Beristain, Jone Goenaga eta Nerea Berasategirentzat, denboraldiko lehen lehiaketa garrantzitsua izan zen Azpeitikoa eta, garbi ikusi genuen, helburuak ondo bete dituztela.

Azpeitian eginiko txapelketak 46 proba izan zituen, horietatik 10 errelebokoak. Gipuzkoako infantil mailatik absolutuen bitarteko 218 igerilarik parte hartu zuten eta txapelketaren antolaketa ondo atera zela esan beharren gaude.

Bestalde, gure esker ona adierazi nahi diegu erakunde eta kolaboratzaile hauei: Azpeitiko Udala, Eroski, Marques de Teran ardoak, Errotaundi okindegia, Azkune frutak, Erlo Telebista, Uztarria, Kili Kolor kopistegia, Ongi Etorri jatetxea, Osinazpi jatetxea, Baigera II, Izaro kafetegia eta Kantoi taberna.

• Lehen jardunaldia
• Bigarren jardunaldia
• Hirugarren jardunaldia
• Laugarren jardunaldia

Astean zehar, argazki gehiago zintzilikatuko ditugu.

Bestalde, ERLO TELEBISTAk asteazken alderako, bideo bat editatuko du eta bere webgunean edo telebistan ikusi ahal izango dugu.

Zapatu eta igande honetan, Infantil, Junior eta Absolutuen Gipuzkoako Neguko Txapelketa izango da, Azpeitian. Goizeko jardunaldiak 10:00etan hasiko dira eta arratsaldekoak 17:00etan.

Lehiaketa hau, neguko lehen txapelketa garrantzitsua dute, eta, gure igerilarien helburu nagusia ez izan arren, lan ona egingo dutela ziur gaude.

Gure taldeko 8 igerilari (mutil 1 eta 7 neska) izango dira lehian eta proba hauetan parte hartuko dute:

• Ainhoa Goenaga:  50 m. libre, 50 m. bular, 100 bizkar eta 200 m. bizkar.
• Jon Aizpuru: 100 m. bular, 100 m. estilo, 100 m. libre eta 100 m. bizkar.
• Oihana Goenaga: 200 m. estilo, 100 m. libre, 50 m. libre eta 100 m. bizkar.
• Maialen Aizpuru: 100 m. libre, 100 m. bular, 100 m. bizkar eta 200 m. bizkar.
• Eva Astigarraga: 200 m. bular, 100 m. bular, 100 m. estilo eta 200 m. libre.
• Aiora Beristain:  200 m. libre, 100 m. libre, 50 m. libre eta 200 m. estilo.
• Jone Goenaga: 50 m. libre, 100 m. libre, 200 m. libre eta 100 m. estilo.
• Nerea Berasategi: 100 m. tximeleta, 100 m. bizkar, 200 m. bizkar eta 200 m. estilo.

Horiez gain, erreleboko probatan hartuko dute parte.

ZORTE ON !!!

Txapelketa Izarraitz Igeri Elkarteak antolatu du, eta gure esker ona adierazi nahi diogu Azpeitiko Udalari, beraien laguntzarik gabe ezinezkoa izango genuelako holako lehiaketak antolatzea. Bestalde, txapelketa dela-eta, barkamena eskatu nahi diegu igerilekuaren erabiltzaileei, aste bukaera honetan sortuko dugun eragozpenagatik.

Zerrendak hemen

Jon Aizpuru, Oihana Goenaga eta Aiora Beristain igerilariak Madrilen izan dira asteburuan, Euskadiko selekzioarekin, infantil eta junior mailako Autonomia Erkidegoen arteko Espainiako Txapelketan parte hartzen.

Euskadiko selekzioa ordezkatzen Gipuzkoa, Bizkaia eta Arabako infantil eta junior mailako 38 igerilari izan ziren. Euskadik infantiletan seigarren postua lortu zuen eta bosgarren postua juniorretan. Herrialde Katalanak, Madril eta Andaluziako selekzioak izan ziren podiumera igo zirenak.

Azpeitiko igerilariek, bakarkako probetan, honako postuak lortu zituzten:

– Jon Aizpuruk 100 metro bularrez, 4. postua; 200 metro bularrez, 9. postua; 200 metro librean, 12. postua eta 100 metro tximeletan, 20. postua.

– Oihana Goenagak 50 metro librean 3. postua; 100 metro librean 8. postua; 200 metro librean 4. postua eta 200 metro tximeletan 9. postua. Oihanak 4×100 metro libre proban egin zuen denborarekin, (59:42) 100 metro libreko 15 urtekoen Euskadiko marka berria lortu zuen.

– Aiora Beristain, 50 metro librean 9. postua; 100 metro librean 10. postua eta 200 metro librean 9. postua.

Horiez gain, erreleboetan ere parte hartu zuten, 4×200 libre, 4×100 libre eta 4×100 estilo probetan.

Txapelketa honi esker, otsailaren 27tik martxoaren 2ra, Pontevedran izango den infantil eta juniorren Neguko Espainiako txapelketan izango dituzten arerioak ikusi ahal izan dituzte. Oraindik lau aste dituzte sasoia hobetzeko, eta ziur gaude, saiatuko direla helburu hori lortzen.

Pontevedrako txapelketa aurretik, Gipuzkoa eta Euskal Herriko txapelketak izango dituzte.
Gipuzkoako Neguko Txapelketa etxean izango dute, datorren asteburuan Azpeitiko udal igerilekuan, hain zuzen ere.
Zorionak!

Autonomia Erkidegoen arteko Espainiako Txapelketa jarraitzeko, argazkia klikatu:

• ALEBIN MAILAKO GIPUZKOAKO TXAPELKETA 2014
• GIPUZKOAKO ESKOLARTEKO TXAPELKETA 2014
• NEGUKO GIPUZKOAKO TXAPELKETA 2014

Izarraitz Igeri Elkarteko infantil eta junior mailako igerilariek Oiartzungo Elorsoro kiroldegian ligako laugarren jardunaldia izan zuten zapatuan.

Oiartzungo jardunaldian Jon Aizpuru, Oihana Goenaga, Maialen Aizpuru, Aiora Beristain, Eva Astigarraga, Jone Goenaga eta Nerea Berasategi lehiatu ziren.

Zapatu goizean entrenamendua izan zuten eta arratsaldeko jardunaldian, ez zuten igeri egin entrenatzaileak nahi zuen denboretan. Entrenamendu asko eta gogorrak egiten ari dira denboraldi sasoi honetan eta, freskotasun falta nabari zitzaien igerilariei. Aipagarriena, Jone Goenagak lortu zituen denborak, hiru probatan bere marka pertsonalak hobetu baitzituen.

Datorren aste bukaeran hasiko dira neguko zita garrantzitsuenak, eta lehiaketa horietan ikusiko ditugu hilabeteetako entrenamenduen emaitzak.