Izarraitzeko igerilari gaztetxoek bi hitzordu dituzte asteburuan

Astelehena, 2017 urtarrila 9 atalean izarraitzie -k publikatua

Astebukaera honetan, Izarraitz Igeri Elkarteko kideek bi lehiaketetan hartuko dute parte: Azpeitin eta Eibarren izango dira jardunaldiak.

Datorren zapatuan, urtarrilak 14, Izarraitz Igeri Elkarteko benjaminek Azpeitiko Udal Igerilekuan izango dute hitzordua. Benjaminek, denboraldiko 2. jardunaldia izango dute eta ohiko urduritasunari aurre egin beharko diete honako probak burutuz:

  • 2008. urtean jaiotakoak, 50 metro libre.
  • 2007. urtean jaiotakoak, 100 metro libre.
  • 2006. urtean jaiotako mutilek, 100 metro libre eta 50 metro bizkar.
  • 2006. urtena jaiotako neskak, 200 metro libre eta 50 metro bizkar.
  • 2005. urtean jaiotako mutilak, 200 metro libre eta 50 metro bizkar.

Horiez gain erreleboak ere lehiatuko dituzte gure igerilariek. 2007. eta 2008. urteetan jaiotakoak 6 x 50 metro bizkar mistoa eta 2005. eta 2006. urteetan jaiotakoak berriz, 4 x 50 tximeleta.

Bestalde eta zapatuan baita ere, Eibarko Ipurua Kiroldegiko igerilekuan, alebinek Ligako laugarren jardunaldia izango dute. Alebinek honako probak egingo dituzte:

  • 200 metro bular.
  • 100 metro tximeleta.
  • 4 x 100 metro bizkar (erreleboetan).

Entrenatzaileak ari dira bi jardunaldietan parte hartu behar duten igerilariei jakinarazten.

Alebinen jardunaldia arratsaldeko 16:00tan hasiko denez, Eibarrera kotxez joan ahal izateko, Igerileku aurrean 14:15ean gelditzea erabaki da.

Benjaminen kasuan, probak arratsaldeko 16:00tan hasiko dira eta 15:00tarako igerilekura agertzea nahikoa izango da.

Benjaminen jardunaldia Izarraitz Igeri Elkarteak antolatu du, eta gure esker ona adierazi nahi diogu Azpeitiko Udalari. Bestalde, txapelketa dela eta, barkamena eskatu nahi diegu igerilekuaren erabiltzaileei, zapatu arratsaldean sortuko dugun eragozpenagatik.

Zorte on eta disfrutatu!

Alebinen liga, Benjamin eta alebin maila, KZL jardunaldiak atalean publikatua | Erantzunak desaktibatuta daude Izarraitzeko igerilari gaztetxoek bi hitzordu dituzte asteburuan sarreran

TALDEKO ERREKORRAK EGUNERATUTA

Asteartea, 2017 urtarrila 3 atalean izarraitzie -k publikatua

Eguneratu ditugu klubeko errekorrak.
Ikus ditzakezue errekor berriak TALDEKO ERREKORRAK klikatuta.

Errekorrak, Oharrak atalean publikatua | Erantzunak desaktibatuta daude TALDEKO ERREKORRAK EGUNERATUTA sarreran

Izarraitzekoak ondo, Nazioarteko Eguberri Txapelketan

Larunbata, 2016 abendua 31 atalean izarraitzie -k publikatua

img_7500Ostegunean Nazioarteko Eguberri Txapelketaren 34. edizioa jokatu zen Donostiko Paco Yoldi igerilekuan, eta bertan izan ziren Izarraitzeko hamabi igerilari. Ander Idoeta baja izan zen azken momentuan. Maila handiko txapelketa ikusteko aukera izan genuen; Kevin Cordes iparamerikarra nagusitu zen gizonezkoetan eta Mercedes Peris valentziarra emakumezkoetan. Omar Urbietak entrenatzen dituen igerilariek aukera paregabea izan zuten gailurrean dauden igerilari handiekin lehiatzeko.

Goizean aurre-kanporaketako serieak jokatu ziren eta Pablo Etxeberria, Eva Astigarraga, Jone Goenaga, Angela Ocio, Iñaki Etxeberria, Joanes Astigarraga, Iker Aizpuru eta Lander Uria arratsaldeko finaletik kanpo gelditu ziren. Ainhoa Goenagak, Oihana Goenagak, Maialen Sudupek eta Maitane Goenagak, berriz, txartelak lortu zituzten arratsaldeko finaletan ospe handiko igerilariekin batera lehiatzeko.

Ainhoa Goenagak bi finaletan hartu zuen parte, 50 metro bizkarrekoan (5. postua) eta 100 metro bizkarrekoan (6. postua). Oihana Goenagak,  200 metro estiloko finalean (2. postua, Esther Hueterekin denbora berdina) hartu zuen parte. Maialen Sudupek beste bi finaletan hartu zuen parte, 100 metro bizkarrekoan (8. postua) eta 200 metro estiloan (7. postua). Maitane Goenagak ere bi finaletan hartu zuen parte, 50 metro librean (7. postua) eta 100 metro librean (4. postua).

Jai garai hauek ez dira aproposenak lehiatzeko, ia denok eguneroko errutinatik kanpo ibiltzen gara eta, hala ere, Omar Urbieta entrenatzailea gustura etorri zen taldekideek orokorrean lortu zituzten emaitzekin.

Zorionak eta segi gogor prestatzen!

Sariak atalean publikatua | Erantzunak desaktibatuta daude Izarraitzekoak ondo, Nazioarteko Eguberri Txapelketan sarreran

Goizeko kanporaketetako bideo batzuk

Osteguna, 2016 abendua 29 atalean izarraitzie -k publikatua

Donostiko Paco Yoldin ospatu den Nazioarteko XXXIV. Gabonetako Sariko kanporaketetako bideo batzuk:

Sariak atalean publikatua | Erantzunak desaktibatuta daude Goizeko kanporaketetako bideo batzuk sarreran

IZARRAITZEKO IGERILARIAK ZAZPI FINALETAN

Osteguna, 2016 abendua 29 atalean izarraitzie -k publikatua

finalaDonostiko Paco Yoldi igerilekuan jokatzen ari den XXXIV. Nazioarteko Eguberri Sarian, gure igerilariak, zazpi finaletan parte hartzeko txartelak lortu dituzte goizeko kanporaketetan.

Hona hemen igerilariak eta probak:

  • AINHOA GOENAGAK, 50 metro bizkar eta 100 metro bizkar.
  • OIHANA GOENAGAK, 200 metro estilo.
  • MAIALEN SUDUPEK, 100 metro bizkar eta 200 metro estilo.
  • MAITANE GOENAGAK, 50 metro libre eta 100 metro libre.

Finalak, arratsaldeko 18:00etan hasiko dira eta, zuzenean ikusteko aukera izango dugu ETBren eskutik.

Zorte on eta egurre!

 

Sariak atalean publikatua | Erantzunak desaktibatuta daude IZARRAITZEKO IGERILARIAK ZAZPI FINALETAN sarreran

Izarraitzeko hamahiru igerilari izango dira Nazioarteko XXXIV. Eguberri Txapelketan

Astelehena, 2016 abendua 26 atalean izarraitzie -k publikatua

15590515_929821387119693_8541621398567642146_n

Datorren ostegunean, abenduak 29, Nazioarteko XXXIV. Eguberri Txapelketa Foru Aldundia Eusko Jaurlaritza Sari Nagusia jokatuko da Donostian. Izarraitz Igeri Elkartetik hamahiru igerilari joango dira parte hartzera eta proba hauetan lehiatuko dira:

– Ander Idoeta (1996): 50 libre. (Konporta taldea).
– Ainhoa Goenaga (1997): 50 bizkar eta 100 bizkar.
– Pablo Etxeberria (1997): 50 bizkar eta 100 bizkar.
– Oihana Goenaga (1999): 200 estilo. (EH selekzioa)
– Eva Astigarraga (2000): 50 bular eta 100 bular.
– Jone Goenaga (2001): 50 libre eta 100 libre.
– Angela Ocio (2001): 50 bizkar.
– Iñaki Etxeberria (2001): 50 libre.
– Joanes Astigarraga (2001): 50 bizkar eta 100 bizkar.
– Maialen Sudupe (2002): 200 estilo eta 100 bizkar.
– Maitane Goenaga (2002): 50 libre eta 100 libre. (EH selekzioa)
– Iker Aizpuru (2004): 50 libre. (Konporta Taldea)
– Lander Uria (2006): 50 libre. (Konporta Taldea)

Horietako bi gainera, Oihana Goenagak eta Maitane Goenagak, Euskal Selekzioaren deia jaso dute eta, Donostiko txapelketan, Euskal Herria ordezkatuko dute. Horrek erakusten digu, egunero, isilean, sakrifizio eta entrenamenduak egin ezkero, emaitzak eta horrelako dei pozgarriak iristen direla. Ander Idoeta, Iker Aizpuru eta Lander Uria Izarraitzeko igerilariek, berriz, Konporta taldea ordezkatuko dute igeriketa egokitutako proban.

Goizean aurre-kanporaketako serieak jokatuko dituzte, 10:00etan hasita, eta 18:00etan izango dira finalak. Txapelketa Donostiko Paco Yoldi igerilekuan (50 metro) jokatuko da eta bertara hurbilduko dira estatuko igerilari ospetsuenetariko batzuk.

Zorte on!

Igeriketa egokitua, Sariak, Txapelketak atalean publikatua | Erantzunak desaktibatuta daude Izarraitzeko hamahiru igerilari izango dira Nazioarteko XXXIV. Eguberri Txapelketan sarreran

JAI ZORIONTSUAK OPA DIZKIZUEGU!

Asteazkena, 2016 abendua 21 atalean izarraitzie -k publikatua

Oharrak atalean publikatua | Erantzunak desaktibatuta daude JAI ZORIONTSUAK OPA DIZKIZUEGU! sarreran

Gabonetako ordutegia

Asteazkena, 2016 abendua 21 atalean entrenatzaileak -k publikatua

Datorren Abenduak 26-tik Urtarrilak 5-arteko ordutegia honakoa izango da.

ordutegia-gabonak-2016-2017

Sin categoría atalean publikatua | Erantzunak desaktibatuta daude Gabonetako ordutegia sarreran

Emaitza onak Paco Sanchez sarian

Asteartea, 2016 abendua 20 atalean entrenatzaileak -k publikatua

Pasa den larunbatean Tolosan izan genituen gure taldeko Benjamin eta Alebinak. Bertan igerilariek aukeratu zituzten probatan igeri egin ahal izan zuten.

15578750_1267918653305240_6058241717088878147_nBanakako probez gain 12x50m libreetako errelebo mixto baten ere parte hartu ahal izan zuten. Txapelketa honetan, gure eskualdean parte hartzen ez duten beste igerilariekin lehiatu ahal izan ziren, hala nola Tolosaldea, Fortuna eta Zarautz-ko igerilarien aurka.

Domina ugari ekarri zituzten etxera gure igerilariek eta beraien maila erakutsi ahal izan zuten. Hurrengo txapelketa Urtarrilaren 14-an izango dute Azpeitian Benjaminek, Alebinek aldiz, Eibar-era joan beharko dute. Bitartean gabonetan entrenamenduek jarraituko dute eta datozen orduetan gabonetako ordutegia ikusgai izango da gure webgunean.

ZORIONAK ETA SEGI HORRELA!!!!

Sin categoría atalean publikatua | Erantzunak desaktibatuta daude Emaitza onak Paco Sanchez sarian sarreran

Izarraitzkoak gustura, Sabadellen egindako txapelketarekin

Astelehena, 2016 abendua 19 atalean izarraitzie -k publikatua

15622420_695693197259268_55199797413317500_nAinhoa Goenaga, Oihana Goenaga, Jone Goenaga, Maialen Sudupe eta Maitane Goenaga gustura itzuli dira Sabadell-tik. Espainiako igerilari onenak izan dira asteburuan Katalunian, Espainiako Absolutuen Neguko Txapelketan. 570 igerilari zeuden inskribatuta eta horien artean ziren Izarraitz igeri elkarteko bost igerilariak. Izarraitzkoek azaldu dute euren maila.

Denboraldi hasiera izateko, denbora onak lortu dituzte eta horrek lanean gogor jarraitzeko indarrak eman dizkie.

Hona hemen bakoitzaren lanak:

  • Oihana Goenagak; 100 metro estiloetan, 1:06:04 denborarekin, marka pertsonala eta klubeko absolutuen eta 17 urtekoen errekor berriak lortu zituen. 200 metro librean, 2:06:41 denbora. 400 metro librean baja izan zen eta 100 metro librean, 57:81 denborarekin, marka pertsonala eta klubeko absolutuen eta 17 urtekoen errekor berriak lortu zituen..
  • Ainhoa Goenagak; 200 metro bizkar proban 2:20:75 denbora lortu zuen, marka pertsonaletik gertu eta 100 metro bizkarren, 1:04:88 denborarekin bere marka pertsonaletik oso gertu.
  • Maitane Goenagak; 50 metro librean 27:61 denborarekin marka pertsonala egin zuen. 100 metro librean, 59:19 denboran ikutu zuen panela baina deskalifikatu egin zuten irteeran mugitzeagatik eta 100 metro bizkar proban, 1:05:42 denborarekin marka pertsonala eta klubeko 14 urtekoen errekor berria ezarri zuen.
  • Maialen Sudupek; 100 metro bizkarren, 1:06:09 denbora lortu zuen. Bere marka pertsonaletik oso gertu.
  • 4 x 200 metro librean, (Maialen Sudupe, Oihana Goenaga, Jone Goenaga eta Maitane Goenaga) 8:35:16 denborarekin klubeko errekor berria ezarri zuten. Proba honetan, Maialen Sudupek lehen postan, marka pertsonala eta udako Espainiarako gutxiengoa lortu zuen.

Orain, berriro, eguneroko entrenamenduak egitea tokatzen zaie hurrengo lehiaketak prestatzeko.

Zorionak eta segi prestatzen!

Espainiako txapelketak atalean publikatua | Erantzunak desaktibatuta daude Izarraitzkoak gustura, Sabadellen egindako txapelketarekin sarreran