Bi podium Txingudiko igerialdian

Astelehena, 2019 abuztua 19 atalean izarraitzie -k publikatua

Joan den igandean, Hondarribiko hondartzan Txingudiko Badiako XVI. Igerialdia jokatu zen. Izarraitzekoek lan ona egin zuten eta ondorioz, bi podium lortuta etxeratu ziren.

Iñaki Etxeberriak bigarren postua beterano 2 mailan.

Elene Sudupek hirugarren postua infantil mailan.

Aurrenik, 11:30etan, infantil mailako 40 igerilari irten ziren Hondarribiko hondartzatik, 700 metroko luzera zuen igerialdia egiteko. Gure taldetik, Elene Sudupek hartu zuen parte. Gaztetxoen igerialdian, Elene Sudupek hirugarren postua eskuratu zuen.

Ondoren, 12:00etan hasi zen helduen zeharkaldia Hondarribiko Butron Pasealekutik. Izarraitz Igeri Elkartetik lau igerilarik parte hartu zuten, Iñaki Etxeberriak, Cristina Alberdik, Jone Garatek eta Alazne Sudupek.

Irteeratik helmugara, 212 parte hartzaileak, 2.600 metrotako distantzia zuten egin beharreko lana eta, oso txukun aritu ziren gure taldeko igerilariak.

Hona hemen Izarraitzeko helduek lortutako postuak:

  • Iñaki Etxeberriak, 46. postua eta 2. beterano 2 mailan.
  • Alazne Sudupek, 52. postua eta 10. senior mailan.
  • Cristina Alberdik, 72. postua eta 13. senior mailan.
  • Jone Garatek, 84. postua eta 14. senior mailan.

Zorionak guztiei!

 

Igerialdiak, Itsas Zeharkaldiak atalean publikatua | Erantzunak desaktibatuta daude Bi podium Txingudiko igerialdian sarreran

Igandean, Txingudiko Badiako XVI. Igerialdia

Larunbata, 2019 abuztua 17 atalean izarraitzie -k publikatua

Igandean, abuztuaren 18an, Gipuzkoako Distantzia Luzeko XIX. Ligarekin jarraituko dute Izarraitz Igeri Elkarteko igerilariek, Txingudiko Badiako XVI. Igerialdian.

Infantil mailako igerilariekin eta goizeko 11:30etan ekingo diote probari, Hondarribiko hondartzako Tintinetik. 700 metroko luzera duen igerialdia izango dute. Izarraitzetik izena eman du; Elene Sudupe azkoitiarrak.

Ondoren,  12:00etan, hasiko da helduen proba Hondarribiko Butron Pasealekutik eta, 2.600 metro dituen zeharkaldia egin beharko dute hondartzaraino. Izarraitzetik honako igerilari hauek parte hartuko dute: Iñaki Etxeberriak, Rafa Zubeldiak, Jone Garatek, Cristina Alberdik eta Alazne Sudupek.

Zorte on, eta egurre!

Igerialdiak, Itsas Zeharkaldiak atalean publikatua | Erantzunak desaktibatuta daude Igandean, Txingudiko Badiako XVI. Igerialdia sarreran

Emaitza onak Paseo Berriko igerialdian

Ostirala, 2019 abuztua 16 atalean izarraitzie -k publikatua

Ostegunean, abuztuaren 15ean,  Izarraitz Igeri Elkarteko igerilari talde bat, 51. Paseo Berriko Igerialdian parte hartu zuten Donostian.

Aurrenik, 11:00etan, infantil mailako 60 igerilari irten ziren Nautikoko eskailera paretik, 650 metroko luzera zuen igerialdia egiteko. Gure taldetik, bi igerilarik hartu zuten parte. Biek igerialdi txukuna burutu zuten eta aipagarriena Elene Suduperen zazpigarren postua izan zen.

Bakoitzaren postuak honako hauek izan ziren; Elene Sudupek 7. postua eta Anne Sagarmendik 21. postua.

Helduek, Zurriolatik hasi eta Kontxaraino igeri egin ohi dute Donostiako Aste Nagusian Pasealeku Berriko igeriketa zeharkaldian. Atzo, itsasoa zakar zegoela eta, Fortuna Kirol Elkarteak ibilbidea aldatzea erabaki zuen. Azkenean, Kontxan hasi zuten proba eta lehenik portura joan ziren igerilariak, ondoren irlara, eta azkenik, Tenisaren pareraino igeri egin zuten, berriro Kontxako handartzara itzuli aurretik.

Guztira  500 parte hartzaile pasa izan ziren, hauetatik, Izarraitz Igeri Elkarteko igerilari taldetxo bat.

Hauek ere zeharkaldi ona egin zuten, nahiz eta gehiengoak, betiko ibilbidea gustokoagoa izan. Helduen artean, Iñaki Etxeberriak, (veterano2 mailan) lortu zuen podiumera igotzea.

Hona hemen gure helduen denborak eta postuak:

Zorionak guztiei!

 

Igerialdiak, Itsas Zeharkaldiak atalean publikatua | Erantzunak desaktibatuta daude Emaitza onak Paseo Berriko igerialdian sarreran

Maialen Sudupek egundoko Espainiako Txapelketa

Osteguna, 2019 abuztua 8 atalean izarraitzie -k publikatua

100 bizkar proban, Espainiako txapeldun junior mailan.

200 bizkar proban, Espainiako txapeldunorde junior mailan.

Pasa diren egunetan, abuztuaren 3tik abuztuaren 7ra, Maialen Sudupe igerilaria eta Isaac Pousada entrenatzailea, Terrassan (Katalunia) izan dira Espainiako junior eta absolutuen udako txapelketan parte hartzen. Azken asteetan hitzordu honetarako aritu da prestatzen, eta emaitzak ikusirik, asmatu egin duela ezin ukatu.

Maialenek, emaitza ezin hobeak lortu ditu eta hona hemen laburbilduta:

  • Bi domina, urrezkoa eta zilarrezkoa.
  • 5 final.
  • 5 marka pertsonal.
  • Klubeko 7 errekor berri.
  • EH-ko 2 errekor berri.

Probaz proba hauek izan dira lorpenak:

  • 50 bizkar: 30:06 denborarekin, 12. postua absolutu mailan, marka pertsonala, klubeko errekorrak (absolutuetan eta 17 urtekoetan) eta EH-ko errekorra 17 urtekoetan.
  • 100 bizkar: 1:04:57 denborarekin, 1. postua eta urrezko domina, marka pertsonala, klubeko errekorrak (absolutuetan eta 17 urtekoetan) eta EH-ko errekorra 17 urtekoetan.
  • 200 bizkar: 2:21:98 denborarekin, 2. postua eta zilarrezko domina eta marka pertsonala.
  • 100 tximeleta: 1:05:39 denborarekin, 7. postua , marka pertsonala eta klubeko errekorrak (absolutuetan eta 17 urtekoetan).
  • 200 estilo: 2:26:55 denborarekin, 7. postua, marka pertsonala eta klubeko errekor berria 17 urtekoetan.

Maialen Sudupe, Gipuzkoatik joan ziren igerilarien artean, esanguratsuenetako bat izan da. Pixkanaka-pixkanaka izugarrizko palmaresa lortzen ari da.

Dominak eta ohoreak igerilariak jaso baditu ere, Isaac Pousadarekin ezin dugu ahaztu, entrenamenduen plangintza eta eguneroko lana oso ondo burutu bai du. Zorionak Isaac Izarraitz Igeri Elkartetik, lan bikaina egin duzue. Orain, merezitako atsedenaldi luzea izango dute denboraldi berria hasi arte.

Zorionak eta gozatu oporretan!

Espainiako txapelketak atalean publikatua | Erantzunak desaktibatuta daude Maialen Sudupek egundoko Espainiako Txapelketa sarreran

Udako Espainiako Infantilen Txapelketarekin, Uxuek eta Maierrek bukatu dute denboraldia

Asteazkena, 2019 uztaila 31 atalean izarraitzie -k publikatua

Uztailaren 27an hasi eta uztailaren 30era bitartean, Udako Espainiako Infantilen Txapelketa jokatu da Bartzelonan, Bernat Picornell igerilekuan. Bertan, gure taldeko Uxue Etxeberria (2004) eta Maier Lizarzaburu (2005) izan dira lehian eta Isaac Pousada, entrenatzaile lanetan. Bikoteak, Bartzelonako  txapelketa zuten denboraldiko hitzordurik garrantzitsuena.

Emaitzak ikusirik, esan dezakegu aurreikusitako ia helburu guztiak bete dituztela gure igerilariak. Garbi dago, Espainiako txapelketetan izugarrizko maila egoten dela eta oso zaila dela aurreko postuetan ibiltzea, horrez gain, Espainiako infantilen txapelketara joan diren igerilarientzat, denboraldia luze joan da. Hala ere, Bartzelonako  txapelketara joatea, denboraldian zehar gogor eta gogoz lana egitearen saria izan dute gure taldeko gaztetxoak.

Guztira lau probetan parte hartu dute eta esperientzia eta ikasketa ona izan da beraien ibilbiderako.

Hona hemen emaitzak:

Uxue Etxeberriak;

  • 100 bular proban, 1:17:93 denborarekin 18. postua.
  • 200 bular proban, 2:43:96 denborarekin, finalerako txartela, marka pertsonala eta klubeko errekorra 15 urtekoetan eta absolutoa. Finalean aldiz, 2:46:90 denborarekin 10. postua.
  • 200 estilo proban, 2:33:25 denborarekin 27. postua

Maier Lizarzaburuk;

  • 200 bizkar proban, 2:34:76 denborraekin 25. postua.

Orain atsedena hartzeko garaia iritsi zaie, denboraldia luzea eta neketsua izan baidute.

Zorionak denboraldian zehar egin duzuen esfortzuagatik eta orain, txapelketa hau ahaztu eta merezitako oporrak disfrutatu!

Espainiako txapelketak atalean publikatua | Erantzunak desaktibatuta daude Udako Espainiako Infantilen Txapelketarekin, Uxuek eta Maierrek bukatu dute denboraldia sarreran

Izarraitzekoak gustura Getaria-Zarautz Itsas zeharkaldian

Astelehena, 2019 uztaila 22 atalean izarraitzie -k publikatua

Zapatuan eta igandean, Izarraitz Igeri Elkarteko ia 50 igerilarik parte hartu zuten 49. Getaria-Zarautz Itsas Zeharkaldian.

Aurtengoan, zapatu arratsaldean zeharkaldi luze batekin eman zioten hasera asteburuko igerialdiei. 5.200 metrotako proba egin zuten arratsaldeko seiretan hasita eta gure taldeko igerilariak ondo moldatu ziren. Emaitzarik esanguratsuenak honako hauek izan zire:

  • Haritz Elortzak 1:12:12 denborarekin 52. postua.
  • Asier Zulaikak 1:12:18 denborarekin 53. postua.
  • Rafa Zubeldiak 1:12:40 denborarekin 55. postua.
  • Josu Arzamendik 1:19:41 denborarekin 113. postua
  • Jone Goenagak 1:21:01 denborarekin 133. postua

Z-G-Z 2019 SAILKAPENAK

Igandean, aurrenik,  infantil mailako neska mutilak irten ziren Zarautzeko hondartzatik   800 metroko luzera zuen igerialdia egiteko. Gure taldeko  onena Elene Sudupe izan zen 4. postua lortuz.

INFANTILEN ZEHARKALDIA 2019 ZARAUTZ

Ondoren, 11:30etan hasi zen helduen zeharkaldia Getariako portuan. 3.100 igerilariak zortzi taldetan atera ziren, aurrez eginiko denboraren arabera. Izarraitzeko 35 bat igerilarik hartu zuten parte, eta ia guztiak oso gustura gelditu ziren lortutako denborekin, nahiz eta itsasoa nahiko nahastuta aurkitu zuten igeriketarako.

Izarraitzeko igerilarien artean, emaitza esanguratsuenak honako hauek izan ziren: gizonezkoetan Pablo Etxeberriak 7. postua eta 7. senior mailan eta emakumezkoetan, Leire Ceciagak 199. postua eta 4. master mailan.

Hona hemen Izarraitzeko eta Azpeitiko igerilarien postuak eta denborak:

IZARRAITZKOEN ETA AZPEITIARREN SAILKAPENAK GZ

G-Z 2019 SAILKAPENAK

Zorionak guztiei eta segi horrelaxe!

Itsas Zeharkaldiak atalean publikatua | Erantzunak desaktibatuta daude Izarraitzekoak gustura Getaria-Zarautz Itsas zeharkaldian sarreran

Iñaki Aramendirentzat, Izarraitz Igeri Elkarteko zozketaren saria

Larunbata, 2019 uztaila 20 atalean izarraitzie -k publikatua

Uztailaren 12ko entrenamenduen amaieran egindako zozketan zenbaki hau izan zen saritua; 13.475. Zenbaki sarituaren jabea ere agertu da: Iñaki Aramendi, taldeko premasterra.

Atzo, ostirala, jaso zuen saria Iñakik Halcon Bidaiak-en bulegoan; Kanariar Uharteetara bi lagunentzako astebeteko bidaia, eta Maite Lazkano Azpeitiko Halcon Bidaiakeko arduradunaren eskutik jaso zuen saria.

Zorionak Iñaki eta mila esker zozketan parte hartu duzuen guztioi

Albisteak, Oharrak atalean publikatua | Erantzunak desaktibatuta daude Iñaki Aramendirentzat, Izarraitz Igeri Elkarteko zozketaren saria sarreran

2019-2020 Denboraldiko behin betiko zerrendak

Larunbata, 2019 uztaila 20 atalean izarraitzie -k publikatua

Datorren denboraldirako (2019-2020) prebenjamin, benjamin, alebin eta igeriketa lantzeneko taldeak eta ordutegiak antolatu ditugu.

Hona hemen behin betiko zerrendak eta ordutegiak:

Oharrak atalean publikatua | Erantzunak desaktibatuta daude 2019-2020 Denboraldiko behin betiko zerrendak sarreran

Euskal Herriko Txapelketa bikaina, Gasteizen

Asteazkena, 2019 uztaila 17 atalean izarraitzie -k publikatua

Joan den asteburuan, uztailaren 12tik 14ra bitartean, Euskal Herriko juniorren, absolutuen eta igeriketa egokituko Udako Txapelketa jokatu zen Gasteizko Mendizorrotza igerilekuan. Txapelketan, Pablo Etxeberria (absolutua), Iñaki Etxeberria (juniorra), Jurdan Arakistain (igeriketa egokitua), Lander Uria (igeriketa egokitua), Asier Zulaika (juniorra), Maialen Sudupe (juniorra), Uxue Etxeberria (infantila), Iker Aizpuru (igeriketa egokitua) eta Maier Lizarzaburu (infantila) izan ziren Izarraitzeko ordezkariak.

Udako azken aurreko zita garrantzitsuena izan zen asteburukoa, eta txapelketa bikaina egitea lortu zuten Izarraitzekoek. Gure igerilarien artean gehien nabarmendu zena, Maialen Sudupe izan zen. Urte bete Estatu Batuetan pasatu ondoren, Maialen Sudupek Terrasan jokatuko den Espainiako txapelketarako bide onean doala erakutsi zuen.

Guztira, zazpi domina lortu zituen Maialen Sudupek:

  • 50 bizkar (urrezkoa junior mailan eta urrezkoa absolutu mailan).
  • 100 bizkar (urrezkoa junior mailan eta urrezkoa absolutu mailan).
  • 200 bizkar (urrezkoa junior mailan eta zilarrezkoa absolutu mailan).
  • 50 tximeleta (urrezkoa junior mailan)

Gainera, hamasei marka pertsonal eta eta klubeko bost errekor berri ezarri zituzten. Hain zuzen ere;

  • Maialen Sudupek 50 bizkarren 30:31 denborarekin(17 urtekoa eta absolutua).
  • Maialen Sudupek 50 tximeletan 29:84 denborarekin 17 urtekoa.
  • 4X50 librean Iker Aizpuruk, Iñaki Etxeberriak, Asier Zulaikak eta Pablo Etxeberriak.
  • 4X200 librean Asier Zulaikak, Iñaki Etxeberriak, Pablo Etxeberriak eta Iker Aizpuruk.

Bestalde, Jurdan Arakistainek, Lander Uriak eta Iker Aizpuruk Euskal Herriko Udako igeriketa egokituko txapelketan parte hartu zuen, eta beste behin, maila oso ona erakutsi zuten.

Hona hemen emaitza aipagarrienak:

  • Iker Aizpuruk urrezko domina 50 bizkar proban.
  • Iker Aizpuruk zilarrezko domina 100 librean.
  • Lander Uriak zilarrezko domina 50 bizkar proban.
  • Iker Aizpuruk brontzezko domina 200 librean.
  • Jurdan Arakistainek brontzezko domina 50 bizkar proban.

Hurrengo hitzordua Espainiako Txapelketan izango dute Izarraitzeko igerilariek, Uxue Etxeberriak eta Maier Lizarzaburuk Bartzelonan infantil mailan eta Maialen Sudupek Terrasan junior mailan, eta gero, merezitako oporrak hartuko dituzte.

Zorionak guztiei egindako lanagatik!

Euskal Herriko Txapelketak, Igeriketa egokitua atalean publikatua | Erantzunak desaktibatuta daude Euskal Herriko Txapelketa bikaina, Gasteizen sarreran

Mila esker Leire Ceciaga

Asteartea, 2019 uztaila 16 atalean izarraitzie -k publikatua

Leire Ceciaga entrenatzaileak gure artean ia urte bat egin ondoren, hilabete hau izango du azkenekoa. Urte honetan gure taldeko igerilari  masterrei erakutsi dizkie igeriketako teknikak, eta taldeak izan dituen lorpenak, neurri baten, Leiren lanari esker lortu dira.

Guzti horrengatik, mila esker Izarraitz Igeri Elkartea osatzen dugun guztion partetik, eta zorte ona iza dezazun opa dizugu hastera zoazen etapa berrian.

 

Albisteak atalean publikatua | Erantzunak desaktibatuta daude Mila esker Leire Ceciaga sarreran