Izarraitz Igeri Elkartea

Joan den zapatuan, Hondarribiko hondartzan Txingudiko Badiako XIII. Igerialdia jokatu zen. Izarraitzekoek lan ona egin zuten eta ondorioz, hiru podium lortuta etxeratu ziren.

Maialen Sudupek bigarren postua infantil mailan.

Leire Ceciagak hirugarren postua master mailan.

Iñaki Etxeberriak hirugarren postua master 2 mailan.

Aurrenik, 18:00etan, infantil mailako 42 igerilari irten ziren Hondarribiko hondartzatik, 700 metroko luzera zuen igerialdia egiteko. Gure taldetik, bost igerilarik hartu zuten parte. Gaztetxoen igerialdian, Maialen Sudupe Azkoitiarrak bigarren postua eskuratu zuen.

Hona hemen igerilari bakoitzak lortutako postuak:

•  Maialen Sudupek (2002) 2. postua 9:28 denborarekin.
•  Uxue Etxeberriak (2004) 10.postua 11:01 denborarekin.
•  Ilazki Odriozolak (2004) 20. postua 12:13 denborarekin.
•  Maialen Aiertzak (2004) 21. postua 12:21 denborarekin.
•  Alazne Sudupek (2004) 22. postua 13:11 denborarekin.

Ondoren, 19:00etan hasi zen helduen zeharkaldia Hondarribiko Butron Pasealekutik. Izarraitz Igeri Elkartetik bederatzi igerilarik parte hartu zuten, Rafa Zubeldiak, Iñaki Etxeberriak, Leire Ceciagak, Julen Esteban, Iker Paredes, Nagore Alberdi, Koldo Larrañagak, Xabier Aranburuk eta Edu Sudupek.

Irteeratik helmugara, 330 parte hartzaileak, 2.600 metrotako distantzia zuten egin beharreko lana eta, oso txukun aritu ziren gure taldeko igerilariak.

Hona hemen Izarraitzeko helduek lortutako postuak:

• Rafa Zubeldiak, 16. postua eta laugarrena master mailan.
• Iñaki Etxeberriak, 43. postua eta hirugarrena master 2 mailan.
• Leire Ceciagak, 44. postua eta hirugarrena master mailan.
• Julen Estebanek, 84. postua eta 25. master mailan.
• Iker Paredesek, 132. postua eta 43. master mailan.
• Nagore Alberdik, 167. postua eta 14. master mailan.
• Koldo Larrañagak, 194, postua eta 13. beteranoetan.
• Xabier Aranburuk, 207. postua eta 33. postua master 2 mailan.
• Edu Sudupek, 314. postua eta 99. master mailan.

Zorionak guztioi

• ABSOLUTUEN SAILKAPENAK
• INFANTILEN SAILKAPENAK
• ARGAZKIAK

Datorren Andramari egunean, Paseo Berriko zeharkaldia izangu dute Donostian eta zorte onena opa nahi diegu gure igerilariei.

Datorren zapatuan, abuztuak 6, Gipuzkoako Distantzia Luzeko XVI. Ligarekin jarraituko dute Izarraitz Igeri Elkarteko igerilariek, Txingudiko Badiako XIII. Igerialdian.

Infantil mailako igerilariekin eta arratsaldeko 18:00tan ekingo diote probari, Hondarribiko hondartzako Tintinetik. 700 metroko luzera duen igerialdia izango dute. Izarraitzetik izena eman dute; Maialen Sudupe eta Alazne Sudupe Azkoitiarrak eta Maialen Aiertza, Ilazki Odriozola eta Uxue Etxeberria Azpeitiarrak.

Ondoren,  19:00etan, hasiko da helduen proba Hondarribiko Butron Pasealekutik eta, 2.600 metro dituen zeharkaldia egin beharko dute hondartzaraino. Izarraitzetik honako igerilari hauek parte hartuko dute: Rafa Zubeldiak, Leire Ceciagak, Edu Sudupek, Nagore Alberdik, Xabier Aranburuk, Julen Estebanek, Iñaki Etxeberriak, Koldo Larrañagak eta Iker Paredesek.

Zorte on, eta egurre!

Igandean, Izarraitz Igeri Elkarteko ia 30 igerilarik parte hartu zuten 46. Getaria-Zarautz Itsas Zeharkaldian.

Aurrenik, 10:30ean, infantil mailako 116 igerilari irten ziren Zarautzeko hondartzatik, 800 metroko luzera zuen igerialdia egiteko. Gure taldeko zazpi igerilarik, sei neskak eta mutil batek, hartu zuten parte. Denak txukun ibili ziren. Batzuentzat lehen esperientzia zen itsasoan, baina hala ere, ondo moldatu ziren olatu arteko lehiaketan.

Hona hemen igerilari bakoitzak lortutako postuak:

Neskak:

– Uxue Etxeberriak (2004) 11. postua.

– Ilazki Odriozolak (2004) 32. postua.

– June Zubizarretak (2004) 51. postua.

– Leiane Lopetegik (2004) 56. postua.

– Alaia Juaristik (2004) 57. postua.

– Maialen Aiertzak (2004) 58. postua.

Mutilak

– Iker Aizpuruk (2004) 31. postua.

• INFANTILEN EMAITZAK

Ondoren, 12:00etan hasi zen helduen zeharkaldia Getariako portuan. 1.900 igerilariak bost taldetan atera ziren, aurrez eginiko denboraren arabera. Izarraitzeko 20 bat igerilarik hartu zuten parte, eta ia guztiak oso gustura gelditu ziren lortutako denborekin. Aurten, igerialdi azkarra izan zen eta gure igerilari gehienak iazko denborak hobetu zituzten.

Izarraitzeko igerilarien artean, emaitza esanguratsuenak honako hauek izan ziren: Rafa Zubeldiak 25. postua eta 6. master mailan eta Leire Ceciagak 162. postua eta 5. master mailan.

• HELDUEN EMAITZAK

Hurrengo proba, abuztuaren 6ean izango da Hondarribiko hondartzan, Txingudiko Badiako XIII. Igerialdia izango baita. Helduen probarako, momentuz, Xabier Aranburu, Leire Ceciaga, Julen Esteban, Iñaki Etxeberria, Koldo Larrañaga, Iker Paredes eta Rafa Zubeldia daude izena emanda.

Zorionak guztioi eta segi horrelaxe!

Datorren igandean, uztailak 31, itsas zeharkaldi denboraldiari jarraipena emango diote Izarraitz igeri elkarteko kideek, 46.  Getaria-Zarautz Itsas Zeharkaldian.

Bi mila kirolarik eman dute izena zeharkaldian. Horien artean dira Izarraitzeko infantil mailako 9 igerilari: Iker Aizpuru, Uxue Etxeberria, Ilazki Odriozola, Alazne Sudupe, Leiane Lopetegi, June Zubizarreta, Maialen Aiertza, Alaia Juaristi eta June Berasategi. Horiek, infantil mailako beste 135 igerilariekin batera, goizeko 10:30ean ekingo diote probari Zarauzko hondartzan. 800 metroko luzera duen igerialdia izango dute.

Ondoren, 12:00etan, hasiko da helduen zeharkaldia Getariako portuan. Inskribatu diren 1.926 igerilariak bost taldetan aterako dira, aurrez eginiko denboraren arabera. Marka onenak dituztenak txano beltzarekin izango dira, eta bost minutuko aldearekin aterako dira beste lau multzoak.
Azpeitiko kirolari ugari dago izena emanda, (Kirolprobak webguneko zerrendan 22 azpeitiar agertzen dira) eta esan daiteke uretako Behobia-Donostia dela Getaria-Zarautz itsas zeharkaldia.

Zorte on, eta egurre!