Emaitza bikainak lortu dituzte Izarraitzeko igerilariek Euskal Herriko Txapelketetan

Asteartea, 2018 uztaila 3 atalean izarraitzie -k publikatua

Joan den zapatuan eta igandean, ekainaren 30ean eta uztailaren 1ean, igeriketako Euskal Herriko Udako Txapelketak jokatu ziren infantil eta alebinen mailan. Infantilak Galdakaoko Urreta Kiroldegiko igerilekuan lehiatu ziren; eta alebinek, berriz, Ordiziako Majori igerilekuan.

Infantil mailan aritu ziren Uxue Etxeberria, Intza Odriozola, Alazne Sudupe, June Zubizarreta, Leiane Lopetegi, Maialen Aiertza eta Ilazki Odriozola, Galdakaoko igerilekuan. Alebin mailan, berriz, Iker Aizpuruk, Nora Uriak, Maier Lizarzaburuk, June Berasategik, Judith Odriozolak eta Elene Sudupek hartu zuten parte, Ordiziako Majori igerilekuan.

Ia guztientzat, uda denboraldiko azken zita garrantzitsuena zen joan den asteburukoa eta emaitza onak lortu zituzten Galdakaon nahiz Ordizian.

Bakarkako probetan, 2 urrezko domina (Uxue Etxeberriak 100 bular infantiletan eta Elene Sudupek 200 libre alebinetan),  zilarrezko 1 (Uxue Etxeberriak 200 bular infantiletan) eta brontzezko 4 lortu zituzten ( Alazne Sudupek 400 estilo infantiletan, Elene Sudupek 100 bizkar alebinetan, Elene Sudupek 100 libre alebinetan eta Iker Aizpuruk 1500 libre alebinetan).

Infantilek ondo aritu ziren eta  lorpen aipagarrienak honako hauek izan ziren:

  • 19 marka pertsonal.
  • Espainiko gutxieneko berri bat: Uxue Etxeberria 50 libre.
  • Klubeko 3 errekor berri;

–          Uxue Etxeberria 50 bular (14 urte) 36,19

–          Uxue Etxeberria 100 bular (14 urte eta absolutua) 1:16.36

–          Uxue Etxeberria 200 bular (14 urte eta absolutua) 2:43.41

Hurrengo sariketa Espainiako Txapelketa izango dute Iñaki Etxeberriak (junior), Maialen Sudupek (junior) eta Uxue Etxeberriak (infantil). Oraindik aste batzuk dituzte prestaketekin jarraitzeko, eta azkeneko emaitzak ikusita, itxaropentsu egoteko arrazoiak dauzkagu.

Zorionak eta aupa Izarraitz!

Euskal Herriko Txapelketak atalean publikatua | Erantzunak desaktibatuta daude Emaitza bikainak lortu dituzte Izarraitzeko igerilariek Euskal Herriko Txapelketetan sarreran

Asteburuan, Alebinen eta infantilen Euskal Herriko Txapelketak

Osteguna, 2018 ekaina 28 atalean izarraitzie -k publikatua

Aste bukaera honetan, ekainaren 30ean eta uztailaren 1ean, Izarraitz Igeri Elkarteko igerilariek Neguko Euskal Herriko txapelketetan hartuko dute parte. Infantilek Galdakaon jokatuko dute txapelketa eta alebinek Ordizian.

1.- Udako Euskal Herriko Infantilen Txapelketa (Galdakao)

Zapatuan eta igandean infantil mailako igerilariek Udako Euskal Herriko Txapelketa izango dute. Txapelketa Galdakaoko Urreta igerilekuan izango da, lau jardunaldietan banatuta. Azpeititik zazpi igerilari joango dira Galdakaora eta honako hauek dira:

  • Alazne Sudupe.
  • June Zubizarreta.
  • Leiane Lopetegi.
  • Maialen Aiertza.
  • Uxue Etxeberria.
  • Intza Odriozola.
  • Ilazki Odriozola.

2.- Udako Euskal Herriko Alebinen Txapelketa (Ordizia)

Alebin mailako igerilariek Udako Euskal Herriko Txapelketa jokatuko dute zapatuan eta igandean. Txapelketa Ordiziko Majori Kiroldegiko Igerilekuan izango da, eta lau jardunalditan banatuko da. Azpeititik sei igerilari joango dira Ordizira eta honako hauek dira:

  • Iker Aizpuru.
  • Nora Uria.
  • Maier Lizarzaburu.
  • June Berasategi.
  • Judith Odriozola.
  • Elene Sudupe.

Zorte on eta egurre!

Euskal Herriko Txapelketak atalean publikatua | Erantzunak desaktibatuta daude Asteburuan, Alebinen eta infantilen Euskal Herriko Txapelketak sarreran

EHko Txapelketa bikaina, Gasteizen

Asteazkena, 2018 ekaina 27 atalean izarraitzie -k publikatua

Joan den asteburuan, ekainaren 22tik 24ra bitartean,  Euskal Herriko juniorren, absolutuen eta igeriketa egokituko Udako Txapelketa jokatu zen Gasteizko Mendizorrotza igerilekuan. Txapelketan, Iñaki Etxeberria, Asier Ganzarain, Ander Etxabe, Maialen Sudupe, Uxue Etxeberria eta Jurdan Arakistain (igeriketa egokitua) izan ziren Izarraitzeko ordezkariak.

Udako azken aurreko zita garrantzitsuena izan zen asteburukoa, eta txapelketa bikaina egitea lortu zuten Izarraitzekoek. Gure igerilarien artean gehien nabarmendu zena, Maialen Sudupe izan zen. Urte gogorra pasa ostean, Maialen Sudupek, Sevillan jokatuko den Espainiako txapelketarako bide onean doala erakutsi zuen.

Guztira sei domina lortu zituzten izarraitzekoek ( Maialen Sudupek):

  • Maialen Sudupe: 50 bizkar (urrezkoa junior mailan eta urrezkoa absolutu mailan).
  • Maialen Sudupe: 100 bizkar (urrezkoa junior mailan eta zilarrezkoa absolutu mailan).
  • Maialen Sudupe: 200 bizkar (urrezkoa junior mailan eta urrezkoa absolutu mailan).

Horiez gain, 12 marka pertsonal , 9 finaletan parte hartzeko txartelak eta klubeko errekor berri bat:

  • Maialen Sudupe: 50 bizkar, (16 urte).

Bestalde, Jurdan Arakistainek, Euskal Herriko Udako igeriketa egokituko txapelketan lehiatu zen eta beste behin, bere maila erakutsi zuen.

Hurrengo sariketa Espainiako Txapelketa izango dute Izarraitzeko igerilariek, eta gero, merezitako oporrak hartuko dituzte.

Zorionak guztiei egindako lanagatik!

Euskal Herriko Txapelketak atalean publikatua | Erantzunak desaktibatuta daude EHko Txapelketa bikaina, Gasteizen sarreran

Izarraitzeko igerilariek emaitza onak lortu dituzte Gipuzkoako Alebinen Txapelketan

Asteartea, 2018 ekaina 26 atalean izarraitzie -k publikatua

Joan den asteburuan Gipuzkoako Alebinen Txapelketa jokatu zen AzpeitikoI Udal Igerilekuan, eta bertan izan ziren Izarraitz Igeri Elkarteko zortzi igerilari, 2006 eta 2005 urteen artean jaiotako neskak eta 2004 urtean jaiotako mutilak hain zuzen ere.

Txapelketa horren formatua 3 jardunaldikoa zen. Igerilari bakoitzak denboraldian zehar lorturiko gutxiengoaren esker parte hartu zuten bertan.

Igerilari gehienek estilo ezberdinetako probak aukeratu zituzten. Horrek erakusten du estilo ezberdinetan eroso aurkitzen direla, eta emaitzetan ikus daiteke bide onetik doazela.

Emaitza azpimarragarrienak honako hauek izan ziren:

– Iker Aizpuruk 3. postua 100m estiloetan.

– Elene Sudupek 3. postua 200m libreetan.

– Elene Sudupek 2. postua 100m bizkarren.

– Maier Lizarzaburuk 3. postua 400m estiloetan.

– Maier Lizarzaburuk 3. postua 2000m tximiletan.

– Elene Sudupek 3. postua 200m bizkarren.

– Elene Sudupek 1. postua 400m libreetan.

– 4×200 libreetan 3. postua.

– 4×100 libreetan 3. postua

Zorionak guztiei orain arte egindako lanagatik!

Bestalde, datorren asteburuan, ia atseden hartzeko denborarik gabe, Izarraitzeko igerilariak, alebinen eta infantilen Udako Euskal Herriko Txapelketak jokatuko dituzte Ordizian eta Galdakaon. Udako bigarren hitzordu garrantzitsuena izango dute, eta zorterik onena opa nahi diegu gure taldekideei.

Amaitzeko, gure esker ona adierazi nahi diegu erakunde eta kolaboratzaileei: Azpeitiko Udala, Errotaundi okindegia, Ongi Etorri jatetxea, Osinazpi jatetxea, Baigera II, Kantoi taberna eta  Jim Clark kafetegia .

 

Gipuzkoako Txapelketak atalean publikatua | Erantzunak desaktibatuta daude Izarraitzeko igerilariek emaitza onak lortu dituzte Gipuzkoako Alebinen Txapelketan sarreran

2018-2019 denboraldiko entrenamendu ordutegiak

Astelehena, 2018 ekaina 25 atalean izarraitzie -k publikatua

Hona hemen datorren denboraldiko behin behineko entrenamenduen ordutegiak eta egunak. Taula hau igerilekuko sarreran jarriko dugu.

Zerrendan zuen seme-alabaren izena ez bada azaltzen edo aldaketak egin nahi badituzue, Izarraitzeko bulegora joan edo deitu 607498500 telefonora asteartea eta ostegunetan 13:00etatik 16:00tara.

 

Oharrak atalean publikatua | Erantzunak desaktibatuta daude 2018-2019 denboraldiko entrenamendu ordutegiak sarreran

Gipuzkoako Udako Alebinen txapelketa jokatuko da asteburuan, Azpeitian

Asteazkena, 2018 ekaina 20 atalean izarraitzie -k publikatua

Asteburu honetan, ekainaren 23ean eta 24ean, taldeko alebinek Gipuzkoako Udako Adinen Txapelketa izango dute jokoan, Azpeitiko udal igerilekuan. Goizeko jardunaldiak 10:00etan hasiko dira eta zapatu arratsaldekoa, berriz, 16:30ean.

Izarraitzetik honako igerilari hauek  hartuko dute parte:

  • Iker Aizpuru
  • June Berasategi
  • Nerea Urbieta
  • Maier Lizarzaburu
  • Judith Odriozola
  • Nora Uria
  • Elene Sudupe
  • Amane Goenaga

Beroketak egiteko, 08:30ean irekiko da igerilekua goizean eta arratsaldean, 15:00etan. Txapelketa udako lehen lehiaketa garrantzitsua dute eta, lan ona egingo dutela ziur gaude.

Txapelketa Izarraitz Igeri Elkarteak antolatu du, eta gure esker ona adierazi nahi diogu Azpeitiko Udalari, beraien laguntzarik gabe ezinezkoa izango genuelako horrelako lehiaketak antolatzea. Bestalde, txapelketa dela-eta, barkamena eskatu nahi diegu igerilekuaren erabiltzaileei, aste bukaera honetan sortuko dugun eragozpenagatik.

Zorte on guztioi!

Gipuzkoako Txapelketak atalean publikatua | Erantzunak desaktibatuta daude Gipuzkoako Udako Alebinen txapelketa jokatuko da asteburuan, Azpeitian sarreran

Udako EHko Junior, absolutu eta igeriketa egokituko txapelketa Gasteizen

Asteazkena, 2018 ekaina 20 atalean izarraitzie -k publikatua

Ostiralean, zapatuan eta igandean, junior, absolutu eta igeriketa egokituko igerilariek, Udako Euskal Herriko Txapelketa izango dute. Txapelketa Gasteizen izango da, Mendizorrotzako igerilekuan, 9:30etan hasita. Arratsaldeko jardunaldiak, berriz, 17:00etan hasiko dira.

Azpeititik zortzi igerilari joango dira Gasteizera eta honako hauek dira: Ander Etxabe, Iñaki Etxeberria, Asier Ganzarain, Maialen Sudupe, Uxue Etxeberria, Ander Idoeta, Jurdan Arakistain eta Lander Uria.

Zorte on guztioi!

Euskal Herriko Txapelketak atalean publikatua | Erantzunak desaktibatuta daude Udako EHko Junior, absolutu eta igeriketa egokituko txapelketa Gasteizen sarreran

Izarraitzekoek emaitza onak lortu dituzte Igeriketako Udako Gipuzkoako Txapelketan

Asteartea, 2018 ekaina 19 atalean izarraitzie -k publikatua

Joan den asteburuan, ekainaren 16an eta 17an, infantil, junior eta absolutu mailako Igeriketako Udako Gipuzkoako Txapelketa jokatu zen Bergarako igerilekuan. Ander Etxabek, Iñaki Etxeberriak, Asier Ganzarainek, Maialen Sudupek, Maitane Goenagak, Asier Zulaikak, Ilazki Odriozolak, Uxue Etxeberriak, Intza Odriozolak, June Zubizarretak, Maialen Aiertzak, Leiane Lopetegik eta Alazne Sudupek  hartu zuten parte.

Izarraitzekoek txapelketa  ona egin zuten. Entrenamendu gogorrak egiten aritu dira, eta aurreikusitako helburuak bete zituzten igerilariek Bergarako txapelketan.

Izarraitzekoen lorpen aipagarrienak honako hauek izan ziren:

  • 22 marka pertsonal.
  • Espainiko gutxieneko berri bat : Uxue Etxeberria 200 libre.
  • Klubeko errekor berri bat: Maialen Sudupe, 50 bizkar 30,33 (16 urte).
  • 7 urrezko domina, zilarrezko 3 eta brontzezko 5 domina.

Zorionak egiten ari zareten lanagatik eta segi horrela!

Gipuzkoako Txapelketak atalean publikatua | Erantzunak desaktibatuta daude Izarraitzekoek emaitza onak lortu dituzte Igeriketako Udako Gipuzkoako Txapelketan sarreran

Gipuzkoako Udako Igeriketa txapelketa jokatuko da asteburuan, Bergaran

Ostirala, 2018 ekaina 15 atalean izarraitzie -k publikatua

Asteburu honetan, ekainaren 16an eta 17an, taldeko infantilek, juniorrek eta absolutuek Gipuzkoako Udako Txapelketa izango dute jokoan, Bergarako Agorrosin kiroldegiko igerilekuan. Goizeko jardunaldiak 10:15etan hasiko dira eta arratsaldekoak, berriz, 17:00tan.

Zorte on guztioi!

Espainiako igeriketa egokitutako absolutuen taldezkako  txapelketa

Bestalde, asteburu honetan, Lloret de Mar-en  jokatuko da Espainiako igeriketa egokitutako taldezkako txapelketa.

Zoritxarrez, lesio bat dela medio Iker Aizpuru ezin izango du parte hartu txapelketan. Hala ere, bertan izango da Konporta taldeko taldedekideei animatzen.

Aupa Iker eta azkar osatu!

Espainiako txapelketak, Gipuzkoako Txapelketak, Igeriketa egokitua atalean publikatua | Erantzunak desaktibatuta daude Gipuzkoako Udako Igeriketa txapelketa jokatuko da asteburuan, Bergaran sarreran

Asteburuko sariketetan bikain

Asteazkena, 2018 ekaina 13 atalean izarraitzie -k publikatua

Izarraitz Igeri Elkarteko igerilari helduek bi sariketa desberdinetan hartu zuten parte joan den asteburuan. Udako Txapelketa garrantzitsuak bertan direla-eta, hilabeteetan eginiko lana azaleratzen ari dira pixkanaka.

Ostiral arratsaldean Eibarko XXX. San Juan Sarian hartu zuten parte. Lau proba jokatu ondoren, juniorretan finalean sartzea lortu zuten Iñaki Etxeberriak, Asier Ganzarainek eta Maialen Sudupek eta infatiletan, Asier Zulaikak, Intza Odriozolak eta Uxue Etxeberriak . Finaletan berriz, Maialen Sudupek (juniorretan) eta Uxue Etxeberriak (infatiletan)  bigarren postua lortu zuten.

Zapatu arratsaldean, aldiz, Irungo San Martzial Sarian izan ziren gure taldekieak. Goizean entrenamendua izan arren, ia  guztiek lan bikaina egin zuten arratsalden Irunen.

Asteburuan lortutako emaitza onek indarra ematen die gure igerilariei denboraldiko azken txanpari aurre egiteko.

Animo neska-mutilak!

   

Sariak atalean publikatua | Erantzunak desaktibatuta daude Asteburuko sariketetan bikain sarreran