Izarraitz Igeri Elkartea

Igandean, abuztuak 27, Irlako XX. Igeriketa Zeharkaldia ospatuko da Donostian “Atlético San Sebastián” Elkarteak antolatuta. Izarraitz Igeri Elkarteko igerilariak bertan izango dira beste azpeitiar batzuekin batera.

Azpeititik 23 kirolarik eman dute izena eta honako hauek dira:

Helduak;

JULEN AGIRREZABALAGA, NAGORE ALBERDI, JUAN CARLOS ARELLANO, ALEJO AZKUE, JUAN INAZIO AZKUE, LEIRE CECIAGA, IÑAKI ETXEBERRIA, JOSEBA EXPOSITO, ENEKO IBARGUREN, OIHAN LIZASO, ASIER OIARTZABAL, ALAITZ OLAZABAL, IDOIA PALENZUELA, IKER PAREDES, AINHOA SALEGI, AINHOA URANGA, IGOR URANGA, IBAN URBIETA eta RAFAEL ZUBELDIA.

Infantilak;

JUNE BERASATEGI, UXUE ETXEBERRIA, DOLTZA OIARTZABAL eta JUNE ZUBIZARRETA.

Kontxako Atletiko San Sebastian  Elkarteko egoitzaren paretik, goizeko 10:30etan irtengo dira infantilak. 600 metrotako igerialdia egin beharko dute infantil neska-mutilak. Gero, 11:00etan, eta toki beretik, irteera emango zaio helduen igerialdiari. Hauek, 3.000 metro egin beharko dute Santa Klarako irla zeharkatuz.

Zorte on guztioi !

Pasa den zapatuan, Zumaian jokatu zen Itzurun-Arranpla itsas zeharkaldia eta bertan izan ziren gure taldeko master mailakoko hainbat kide. Itzurun hondartzan hasi eta Arbustaingo arranplaraino igeri egin behar zuten partaideak 3.000 metroko ibilbidea eginez. Zorionez, aurten, itsasoak baimena eman zuen eta Taosa Igeri Taldeak prestatutako itsas zeharkaldi ederra egiteko aukera izan zuten ia 300 igerilarirek. Proba gogorra izan zen haizeak jotzen zuelako eta itsasoa ere zakartu egin zelako. Guztira, 272 igerilarik lortu zuten arranplaraino iristea.

Antolakuntza bikaina, ibilbide ederra eta itsas zeharkaldi zaleentzako ikusteko aukera asko duen igerialdi honek, ea datozen urteetan Gipuzkoako Distantzia Luzeko Ligan sartzen duten.

Hona hemen Azpeititik joan ziren igerilarien emaitzak:

• ITZURUN-ARRANPLA 2017 EMAITZAK

         Rafa Zubeldia eta Julen Agirrezabalaga

Zorionak guztioi!

Datorren zapatuan, abuztuaren 19an, Izarraitz Igeri Elkarteko igerilari helduek, II. Itzurun-Arranpla Itsas Zeharkaldian parte hartuko dute Zumaian.

Eguerdiko 12:30tan emango zaio irteera probari Itzurun hondartzatik eta helmuga berriz, Arbustaingo arranplan izango da. Ea zapatuan itsasoaren laguntza izaten dugun aurrez prestatutako ibilbidea egin ahal izateko.

Zumaiako itsas zeharkaldiak, itsaso zabalean zein ibaian zehar doan ibilbidea uztartzen ditu. Guztira 3.000 metroko zeharkaldia izango da non 2. 000 metro Itsaso zabalean egingo diren eta azken 1. 000 metroak Urolako itsasadarrean.

Itsas zeharkaldia marea goruntz dohala jokatuko da, ibai barruan segurtasuna areagotuz.

Igerilariek zeharkaldian aurkitzen dituzten boiak, igerilariaren eskubitara utzi beharko dituzte haitzetatik urrun mantentzeko.

Momentuz, gaur amaitzen da izen-ematea, Azpeititik hamazazpi  igerilarik izena eman dute.

Zorte on eta disfrutatu!

• ZIRKULARRA

Iaz Zumaiako proban parte hartu zuten Izarraitzeko igerilariak

Asteartean, abuztuaren 15ean,  Izarraitz Igeri Elkarteko igerilari talde bat, 49. Paseo Berriko Igerialdian parte hartu zuten Donostian.

Aurrenik, 11:00etan, infantil mailako 67 igerilari irten ziren Nautikoko eskailera paretik, 650 metroko luzera zuen igerialdia egiteko. Gure taldetik, hiru igerilarik hartu zuten parte. Guztiek igerialdi txukuna burutu zuten eta hona hemen bakoitzaren postuak;

Uxue Etxeberriak 5. postua, Elene Sudupek 30. postua eta Alazne Sudupek 34. postua.

Helduek, Zurriolako hondartzan hasi eta Kontxako hondartzaraino igeri egin zuten. Asteartean,  itsasoak ohiko ibilbidea egiten utzi zuen denon gozamenerako.

Guztira ia 500 parte hartzaile izan ziren, hauetatik, Izarraitz Igeri Elkarteko bederatzi igerilari. Hona hemen gure absolutuen postuak;

Rafa Zubeldiak 24. postuan hondartzaratu zen eta 4. master 2 mailan, Pablo Etxeberria 39. eta 20. senior mailan, Maialen Sudupe 40.  eta 4. senior mailan, Iñaki Etxeberria 53. eta 8. master 2 mailan, Nagore Alberdi 202. eta 8. master 1 mailan, Alaitz Olazabal 218. eta 10. master 1 mailan, Xabier Aranburu 235. eta 56. master 2 mailan, Ainhoa Uranga 280. eta 8.master 2 mailan, Edu Sudupe 430. eta 117. master 1 mailan.

Zorionak eta segi horrelaxe !

• ARGAZKIAK

Lehen sailkatuen bideoa:

Asteartean, abuztuaren 15ean, Paseo Berriko 49. Igerialdia ospatuko da Donostian. Izarraitz Igeri Elkarteko hamabi igerilari daude izena emanda, bederatzi, helduen igerialdian parte hartzeko eta hiru, infantilen proban irtetzeko.

Hona hemen gure taldeko igerilariak:

Helduak;

Nagore Alberdi, Xabier Aranburu, Leire Ceciaga, Pablo Etxeberria, Iñaki Etxeberria, Alaitz Olazabal, Edu Sudupe, Maialen Sudupe eta Rafa Zubeldia.

Infantilak;

Uxue Etxeberria, Alazne Sudupe eta Elene Sudupe.

Nautikotik, goizeko 11etan, irtengo dira infantilak Kontxako hondartzaraino, 650 metrotako igerialdia egiteko. Gero, 12etan, irteera emango zaio, Zurriolako hondartzatik, helduen igerialdiari. Hauek, 2.959 metro egin beharko dute Kontxako hondartzaraino.

Zorte on guztiei !

Joan den astelehenean, San Inazio egunean, Hondarribiko hondartzan Txingudiko Badiako XIV. Igerialdia jokatu zen. Izarraitzekoek lan ona egin zuten eta ondorioz, hiru podium lortuta etxeratu ziren.

Aurrenik, 11:00tan, infantil mailako 37 igerilari irten ziren Hondarribiko hondartzatik, 700 metroko luzera zuen igerialdia egiteko. Gure taldetik, hiru igerilarik hartu zuten parte. Gaztetxoen igerialdian, Uxue Etxeberriak hirugarren postua eskuratu zuen.

Hona hemen igerilari bakoitzak lortutako postuak:

• Uxue Etxeberriak (2004) 3.postua 9:21 denborarekin.
• Elene Sudupek (2006) 9. postua 10:50 denborarekin.
• Alazne Sudupek (2004) 13. postua 11:20 denborarekin.

Ondoren, 11:30etan hasi zen helduen zeharkaldia Hondarribiko Butron Pasealekutik. Izarraitz Igeri Elkartetik zazpi igerilarik parte hartu zuten, Rafa Zubeldiak, Iñaki Etxeberriak, Leire Ceciagak, Julen Esteban, Nagore Alberdi eta Edu Sudupek.

Irteeratik helmugara, 292 parte hartzaileak, 2.600 metrotako distantzia zuten egin beharreko lana eta, oso txukun aritu ziren gure taldeko igerilariak.

Hona hemen Izarraitzeko helduek lortutako postuak:

• Rafa Zubeldiak, 11. postua eta hirugarrena master 2 mailan.
• Maialen Sudupek, 35. postua eta bostgarrena senior mailan.
• Leire Ceciagak, 47. postua eta hirugarrena master 1 mailan.
• Julen Estebanek, 52. postua eta 18. master 1 mailan.
• Iñaki Etxeberriak, 65. postua eta 9. master 2 mailan.
• Nagore Alberdik, 147. postua eta 10. master 1 mailan.
• Edu Sudupek, 270. postua eta 82. master 1 mailan.

Zorionak guztioi

Datorren astelehenean, uztailak 31, Saninazio eguna, Gipuzkoako Distantzia Luzeko XVII. Ligarekin jarraituko dute Izarraitz Igeri Elkarteko igerilariek, Txingudiko Badiako XIV. Igerialdian.
Infantil mailako igerilariekin eta goizeko 11:00tan ekingo diote probari, Hondarribiko hondartzako Tintinetik. 700 metroko luzera duen igerialdia izango dute. Izarraitzetik izena eman dute; Alazne Sudupe eta Elene Sudupe Azkoitiarrak eta Uxue Etxeberria Azpeitiarrak.

Ondoren,  11:30etan, hasiko da helduen proba Hondarribiko Butron Pasealekutik eta, 2.600 metro dituen zeharkaldia egin beharko dute hondartzaraino. Izarraitzetik honako igerilari hauek parte hartuko dute: Leire Ceciagak, Rafa Zubeldiak, Edu Sudupek, Nagore Alberdik, Ainhoa Urangak, Julen Estebanek, Iñaki Etxeberriak eta Maialen Sudupek.

Zorte on, eta egurre!