Izarraitzekoak oso ondo Getaria-Zarautz Itsas zeharkaldian

Astelehena, 2017 uztaila 24 atalean izarraitzie -k publikatua

Igandean, Izarraitz Igeri Elkarteko ia 30 igerilarik parte hartu zuten 47. Getaria-Zarautz Itsas Zeharkaldian.

Aurrenik, 10:30ean, infantil mailako 52 neska irten ziren Zarautzeko hondartzatik, 800 metroko luzera zuen igerialdia egiteko. Gure taldeko sei igerilarik hartu zuten parte. Uxue Etxeberria izan zen azkarrena eta garaipena lortu zuen igerialdian. Beste denak ere txukun ibili ziren. Batzuentzat lehen esperientzia zen itsasoan, baina hala ere, ondo moldatu ziren olatu arteko lehiaketan.

Hona hemen igerilari bakoitzak lortutako postuak:

– Uxue Etxeberriak (2004) 1. postua.
– June Zubizarretak (2004) 13. postua.
– Elene Sudupek (2006) 16. postua.
– Alazne Sudupek (2004) 26. postua.
– Nerea Urbietak 2005) 36. postua.
– Maialen Aiertzak (2004) erretiratu egin zen.

Ondoren, 11:30etan hasi zen helduen zeharkaldia Getariako portuan. 2.000 igerilariak bost taldetan atera ziren, aurrez eginiko denboraren arabera. Izarraitzeko 20 bat igerilarik hartu zuten parte, eta ia guztiak oso gustura gelditu ziren lortutako denborekin. Aurten, igerialdi azkarra izan zen eta gure igerilari gehienak iazko denborak hobetu zituzten.

Izarraitzeko igerilarien artean, emaitza esanguratsuenak honako hauek izan ziren: Rafa Zubeldiak 20. postua eta 3. master mailan, Pablo Etxeberriak 38. postua eta 18. senior mailan eta Leire Ceciagak 131. postua eta 4. master mailan.

Hurrengo proba, uztailaren 31an izango da Hondarribiko hondartzan, Txingudiko Badiako XIV. Igerialdia izango baita. Helduen probarako, momentuz, Nagore Alberdi, Leire Ceciaga, Julen Esteban eta Rafa Zubeldia daude izena emanda.

Zorionak guztioi eta segi horrelaxe!

Igerialdiak, Itsas Zeharkaldiak atalean publikatua | Erantzunak desaktibatuta daude Izarraitzekoak oso ondo Getaria-Zarautz Itsas zeharkaldian sarreran

Uxue Etxeberria gustura etorri da Bartzelonatik

Igandea, 2017 uztaila 23 atalean izarraitzie -k publikatua

Joan berri den astean, Espainiako Alebinen Txapelketa jokatu da Bartzelonako Bernat Picornell igerilekuan. Izarraitz Igeri Elkarteko Uxue Etxeberriak denboraldian zehar lortu zituen txapelketa horretan parte hartzeko beharrezkoak ziren gutxiengoak.

Bartzelonako txapelketan izugarrizko markak ikusteko aukera izan dugu, parte hartzaileak 12, 13 eta 14 urteko gaztetxoak izan arren. Uxuek parte hartu zuen bi frogetan (100 eta 200 bular), aurreko markak hobetzea lortu zuen. Txapelketa, 50 metroko igerilekuan jokatu zen eta, gure igerilaria luzera horretako igerilekuan aritzen zen lehen aldia zuen.

Izarraitzekoen helburu nagusiak ziren maila horietako txapelketak ezagutzea eta ondo pasatzea. Helburuak lortu dituela uste dugu, hurrengo denboraldian gogorrago eta gogo gehiagorekin entrenatzako asmoarekin etorri baita.

Zorionak taldeko gaztetxo guztioi egin duzuen aurrerapenagatik eta irailean ikusiko dugu elkar!

Ondo pasatu oporrak!

Espainiako txapelketak atalean publikatua | Erantzunak desaktibatuta daude Uxue Etxeberria gustura etorri da Bartzelonatik sarreran

IGANDEAN 47. GETARIA-ZARAUTZ ITSAS ZEHARKALDIA

Osteguna, 2017 uztaila 20 atalean izarraitzie -k publikatua

Datorren igandean, uztailak 23, itsas zeharkaldi denboraldiari jarraipena emango diote Izarraitz igeri elkarteko kideek, 47.  Getaria-Zarautz Itsas Zeharkaldian. Ia hiru mila kirolarik eman dute izena zeharkaldian. Horien artean dira Izarraitzeko infantil mailako 6 igerilari: Uxue Etxeberria, Alazne Sudupe, June Zubizarreta, Maialen Aiertza, Nerea Aranbarri eta Elene Sudupe. Horiek, infantil mailako beste 131 igerilariekin batera, goizeko 10:30ean ekingo diote probari Zarauzko hondartzan. 800 metroko luzera duen igerialdia izango dute.
Ondoren, 11:30etan, hasiko da helduen zeharkaldia Getariako portuan. Inskribatu diren 2.890 igerilariak sei taldetan aterako dira, aurrez eginiko denboraren arabera. Marka onenak dituztenak txano beltzarekin izango dira, eta hamar minutuko aldearekin aterako dira beste bost multzoak.
Euskal Herrian jokatzen den ur irekietako probarik herrikoiena dela esan daiteke Getaria-Zarautz Itsas Zeharkaldia. Azpeitiko kirolari ugari dago izena emanda, (Kirolprobak webguneko zerrendan 52 azpeitiar agertzen dira, eta horietako asko, Izarraitzeko masterrak).
Zorte on, eta egurre!

Igerialdiak, Itsas Zeharkaldiak atalean publikatua | Erantzunak desaktibatuta daude IGANDEAN 47. GETARIA-ZARAUTZ ITSAS ZEHARKALDIA sarreran

Uxue Etxeberria Alebinen Espainiako txapelketara

Astelehena, 2017 uztaila 17 atalean izarraitzie -k publikatua

Udako helburu nagusiak iristear daude gure igerilarientzat. Espainiako Udako Txapelketak, hain zuzen. Hasteko alebinak izango dira lehian, gero infantilak eta, igerilekuko denboraldia bukatzeko, juniorrak eta absolutuak.

Aste honetan, uztailaren 19an hasi eta uztailaren 22ra bitartean, Espainiako Udako Alebinen Txapelketa egingo da Bartzelonan, Bernat Picornell igerilekuan. Bertan, Uxue Etxeberria izango da parte hartzen. Uxuek 100 metro bular eta 200 metro bular probetan lehiatuko da.

Zorte on eta disfrutatu!

Espainiako txapelketak atalean publikatua | Erantzunak desaktibatuta daude Uxue Etxeberria Alebinen Espainiako txapelketara sarreran

Izarraitzeko igerilariak ondo Euskal Herriko txapelketan

Astelehena, 2017 uztaila 17 atalean izarraitzie -k publikatua

Joan den zapatuan eta igandean, Euskal Herriko junior, absolutuen eta igeriketa egokituko Udako Txapelketa jokatu zen Gazteizko Mendizorrotza igerilekuan (50 metrotakoa).

Gasteizko txapelketan Izarraitzeko ordezkariak izan ziren Oihana Goenaga (absolutua), Angela Ocio (juniorra), Jone Goenaga (juniorra), Iñaki Etxeberria (infantila), Maialen Sudupe (infantila), Maitane Goenaga (infantila) eta Jurdan Arakistain (igeriketa egokitua).

Udako azken aurreko zita garrantzitsuena zuten, eta txapelketa txukuna egitea lortu zuten gure igerilariak. Guztira sei brontzezko domina lortu zituzten gure taldekideak;

  • Jone Goenaga: 100 libre (junior mailan).
  • Oihana Goenaga: 50 bizkar (absolutu mailan).
  • Maitane Goeanga: 100 bizkar (absolutu mailan).
  • Nesken 4x50m libre (absolute mailan).
  • Nesken 4x100m libre (absolute mailan).
  • Nesken 4x200m libre (absolute mailan).

Horiez gain;

–          9 marka personal.

–          Klubeko 5 errekor berri:

  • Maialen Sudupe: 50 bizkar, 31’’56 (15 urte).
  • Nesken 4x50m libre: 1’52’’88 (Jone Goenaga, Maitane Goenaga, Maialen Sudupe, Oihana Goenaga).
  • Nesken 4x100m libre: 4’05’’06 (Maitane Goenaga, Jone Goenaga, Maialen Sudupe, Oihana Goenaga).
  • Nesken 4x200m libre: 9’02’’00 (Maialen Sudupe, Maitane Goenaga, Jone Goenaga, Oihana Goenaga).
  • Nesken 4x50m estilo: 2’06’’40 (Maialen Sudupe, Maitane Goenaga, Oihana Goenaga, Jone Goenaga).

Hurrengo sariketa Espainiako Txapelketa izango dute eta gero, merezitako oporrak hartuko dituzte.

Bestalde, Jurdan Arakistainek (EH Udako igeriketa egokituko txapelketan) 50 libre proban lehiatu zen eta beste behin, bere maila erakutsi zuen.

Zorionak guztioi!

Euskal Herriko Txapelketak atalean publikatua | Erantzunak desaktibatuta daude Izarraitzeko igerilariak ondo Euskal Herriko txapelketan sarreran

Atzo egin zen Izarraitz Igeri Elkarteko urteroko zozketa

Larunbata, 2017 uztaila 15 atalean izarraitzie -k publikatua

Atzo, uztailaren 14a, Kanariar Uharteetara bi lagunentzako astebeteko bidaia zozketatu zen.
Zenbaki saritua 16.193 izan zen. Hona hemen zozketako bideoa:

Atzo bertan azaldu zen saritua, master taldeko Joxe Circujano.

Zorionak Joxe eta mila esker zozketan parte hartu duzuen guztiei.

Oharrak atalean publikatua | Erantzunak desaktibatuta daude Atzo egin zen Izarraitz Igeri Elkarteko urteroko zozketa sarreran

Izarraitzeko igerilariek hiru hitzordu dituzte asteburuan

Asteazkena, 2017 uztaila 12 atalean izarraitzie -k publikatua

Aste bukaera honetan, Izarraitz Igeri Elkarteko kideek hiru lehiaketetan hartuko dute parte, Gazteizen, Ondarrun  eta Donostian.

Hasteko, zapatuan eta igandean, junior, absolutu eta igeriketa egokituko igerilariek, Udako Euskal Herriko Txapelketa izango dute. Txapelketa Gasteizen izango da, Mendizorrotzako igerilekuan, 10:30etan hasita. Arratsaldeko jardunaldiak, berriz, 17:00etan hasiko dira. Azpeititik zazpi igerilari joango dira Gasteizera eta honako hauek dira: Oihana Goenaga, Jurdan Arakistain, Angela Ocio, Jone Goenaga, Iñaki Etxeberria, Maialen Sudupe eta Maitane Goenaga.

Zapatu goizean, berriz, XXXII. Ondarroako Itsas Lasterketa (Elena Fernandez Iturrioz memoriala) jokatuko da Ondarruako Arrigorri hondartzan. Helduen igerialdia 10:30 etan hasiko da eta gaztetxoek aldiz, nagusien aurretik izango dute proba.

Igande goizean, eta ur irekiakin jarraituz, II. Urumea Ibai Igerialdia jokatuko da Donostian 9:00tan hasita. Ibilbidea zirkularra izango da eta 2.140 metro izango ditu, bostgarren zubitik aterata (Jose Antonio Aguirre) hirugarren zubiraino (Maria Cristina) eta berriz ere irteera puntura bueltatuz.
Ibilbidean zehar buiak eskubiko aldean utzi beharko ditu igerilariak.

Zorte on guztioi!

Euskal Herriko Txapelketak, Igerialdiak, Itsas Zeharkaldiak atalean publikatua | Erantzunak desaktibatuta daude Izarraitzeko igerilariek hiru hitzordu dituzte asteburuan sarreran

2017-2018 denboraldirako izen-ematea zabalik Izarraitz Igeri Elkartean

Larunbata, 2017 uztaila 8 atalean izarraitzie -k publikatua

Uztailaren 12an, asteazkena, zabalduko da hurrengo denboraldirako izena emateko epea Izarraitz Igari Elkartean, eta eskuragarri egongo dira izen-emate orriak  eta igeriketa taldean sartzeko bete behar diren balditzak igerilekuko sarreran. 2011. urtean edo aurretik jaiotako neska mutilak eman dezakete izena.

Izena emateko azken eguna uztailaren 21, ostirala, izango da.

Animatu etxeko txikiak igeriketara!

Oharrak atalean publikatua | Erantzunak desaktibatuta daude 2017-2018 denboraldirako izen-ematea zabalik Izarraitz Igeri Elkartean sarreran

Infantilek EH-ko txapelketa bikaina Galdakaon

Osteguna, 2017 uztaila 6 atalean izarraitzie -k publikatua

Joan den zapatuan eta igandean, Euskal Herriko Udako Infantilen Txapelketa jokatu zen Galdakaoko Urreta igerilekuan.

Galdakaoko txapelketan, Iñaki Etxeberria, Joanes Astigarraga, Asier Ganzarain, Maialen Sudupe eta Maitane Goenaga izan ziren gure ordezkariak.

Denboraldiko azken aurreko zita garrantzitsuena zuten eta izugarrizko emaitzak lortuta etorri ziren gure igerilariak. Bakarkako probetan, bost urrezko domina, zilarrezko bi eta brontzezko beste bi domina lortu zituzten.

Denboraldiko azkeneko zita Udako Espainiako Txapelketa izango dute Malagan Iñaki Etxeberriak, Maialen Sudupek eta Maitane Goenagak. Joanes Astigarragak eta  Asier Ganzarainek berriz, merezitako oporrak hartuko dituzte.

Zorionak txapelketagatik eta egiten ari zareten lanagatik!

Euskal Herriko Txapelketak atalean publikatua | Erantzunak desaktibatuta daude Infantilek EH-ko txapelketa bikaina Galdakaon sarreran

Izarraitz Igeri Elkarteak entrenatzailea behar du

Asteartea, 2017 uztaila 4 atalean izarraitzie -k publikatua

Izarraitz Igeri Elkarteak, maila ezberdinetarako entrenatzailea behar du eta entrenatzaileen lan poltsa bat sortu nahi du hurrengo denboraldietan hutsuneak betetzeko.

Ezinbestekoa igeriketa mundutik etortzea. Kirol ikasketak izatea, euskera jakitea, igeriketako entrenatzaile tituloa eta taldearen administrazio lanetan laguntzeko gaitasuna izatea baloratuko dira.

Aurre-hautatuei, elkarrizketa batetara deituko zaie.

Interesatuek, izarraitzigerielkartea@gmail.com posta elektronikora bidali behar dute curriculuma edo informatzeko deitu: 688 66 13 40

Oharrak atalean publikatua | Erantzunak desaktibatuta daude Izarraitz Igeri Elkarteak entrenatzailea behar du sarreran