Izarraitzeko benjaminak eta alebinak oso ondo aritu dira Bergarako eta Eibarko jardunaldietan

Asteartea, 2018 apirila 24 atalean izarraitzie -k publikatua

Joan den zapatu arratsaldean, apirilaren 21ean, izarraitz Igeri Elkarteko alebinek Bergarako Agorrosin igerilekuan zuten ligako jardunaldiaren hitzordua. Klubeko benjaminak, aldiz, Eibarreko Ipurua igerilekuan.

Zapatuko bi jardunaldiek, Izarraitzeko igerilarien trebetasunak ikusteko aukera eman zuten. Nahiz eta igerilarien artean urduritasuna nagusitu azken ordura arte, Azpeitiko igerilariak estilo guztietako probetan nabarmendu egiten dira, eta bide onetik doazela erakusten dute, behin eta berriz.

Denboraldiko proba gehienak burutu dituzte, baina oraindik ere hitzordu garrantzitsuak gelditzen zaizkie Izarraitzeko igerilariei, ligako jardunaldiak eta txapelketa ezberdinak kasu.

Ziur gelditzen zaizkien hitzorduetan duten dena aterako dutela Izarraitzeko igerilariek.

Zorionak guztiei!

Benjamin eta alebin maila, KZL jardunaldiak atalean publikatua | Erantzunak desaktibatuta daude Izarraitzeko benjaminak eta alebinak oso ondo aritu dira Bergarako eta Eibarko jardunaldietan sarreran

TALDEKO ERREKORRAK EGUNERATUTA

Astelehena, 2018 apirila 23 atalean izarraitzie -k publikatua

Eguneratu ditugu klubeko errekorrak. Ikus ditzakezue errekor berriak TALDEKO ERREKORRAK klikatuta.

Oharrak atalean publikatua | Erantzunak desaktibatuta daude TALDEKO ERREKORRAK EGUNERATUTA sarreran

Euskal Herriko Taldeen Kopa asteburuan

Asteazkena, 2018 apirila 18 atalean izarraitzie -k publikatua

Gipuzkoako Taldeen Kopa 2017

Asteburu honetan, apirilaren 21 eta 22an, Izarraitz Igeri Elkarteko neska infantil, junior eta absolutuek Euskal Herriko Taldeen Kopan parte hartuko dute. Txapelketa hau Euskal Herrian taldeka jokatzen den garrantzitsuena da eta horrek erakusten du zer nolako maila dugun Azpeitian.

Txapelketa Irungo Azken Portuko Igerilekuan jokatuko  da eta bertan, Gipuzkoa, Bizkaia, Araba eta Nafarroako zortzi talde indartsuenak izango dira nor baino nor.

Gure partaideak honako hauek izango dira; Oihana Goenaga, Eva Astigarraga, Jone Goenaga, Angela Ocio, Maialen Sudupe, Maitane Goenaga, Intza Odriozola, Uxue Etxeberria, Maialen Aiertza, Leiane Lopetegi eta June Zubizarreta.

Animo eta egurre ekipo!

Euskal Herriko Taldeen Kopa 2016

Euskal Herriko Txapelketak atalean publikatua | Erantzunak desaktibatuta daude Euskal Herriko Taldeen Kopa asteburuan sarreran

KZL-ko laugarren jardunaldia eta alebinen ligako seigarren jardunaldia, asteburuan

Asteazkena, 2018 apirila 18 atalean izarraitzie -k publikatua

Zapatu honetan, apirilaren 21ean, Eibarko Ipurua igerilekuan egingo dute igeri Izarraitz Igeri Elkarteko txikienek. Txapelketa 16:00etan hasiko da, eta bertara autobusez desplazatuko dira Azpeitiko igerilariak. Eibarrera joan ahal izateko autobusa 14:15ean izango da.

Honako probak egingo dituzte Izarraitzeko igerilariek: 2009. urtean jaiotakoek 25 metro tximeleta, 2008. urtean jaiotakoek 50 metro tximeleta. Erreleboetan, berriz, 2008. urtean jaiotakoak eta 2007. urtean jaiotakoak 6×25 metro bular mistoan lehiatuko dira.

2007. urtean jaiotako mutilek 200m libre eta 100m estiloak egingo dituzte. 2007. urtean jaiotako neskek eta 2006. urtean jaiotako mutilek 400m libre eta 100m estiloak. Erreleboetan, berriz, 4×50 estiloa proba izango dute.

Alebinen kasuan, honako probak egingo dituzte Bergarako Agorrosin igerilekuan, 16:00etik aurrera: 800m libre eta 200m estiloak nesken kasuan eta 1500m libre eta 200m estiloak mutilen kasuan.

Horretarako, Bergarara kotxez joango dira, eta 14:20ean abiatuko dira Azpeitiko igerileku aurretik.

Zorte on, eta disfrutatu!

Alebinen liga, KZL jardunaldiak atalean publikatua | Erantzunak desaktibatuta daude KZL-ko laugarren jardunaldia eta alebinen ligako seigarren jardunaldia, asteburuan sarreran

Izarraitzeko igerilariek emaitza onak lortu dituzte asteburuan

Astelehena, 2018 apirila 16 atalean izarraitzie -k publikatua

Aste bukaera honetan, Izarraitz Igeri Elkarteko kideek bi lehiaketetan hartu dute parte, Tarbesen eta Oñatin.

Gure igerilariak, denboraldiko garai honetan helburu eta sasoi desberdinarekin dabiltza eta hala ere, asteburuko bi lehiaketetan emaitza onak lortu dituzte eta hona hemen esanguratsuenak:

  • Tarbeseko Sarian Uxue Etxeberriak, (50eko igerilekua); 4 marka pertsonal, Espainiako Txapelketan parte hartzeko minima berri bat (200 estilo) eta klubeko 2 errekor berri ezarri ditu (50 bular 36:69rekin 14 urtekoa eta absolutua, 100 bularren 1:18:32rekin 14 urtekoa eta absolutua).
  • Oñatiko Udaberriko liga jardunaldian; guztira 6 marka pertsonal eta klubeko 2 errekor berri ezarri ditu Iñaki Etxeberriak (100 estilo 1:02:44rekin 17 urtekoa eta 100 librean 53:65rekin 17 urtekoa eta absolutua)

Zorionak guztiei!

Bestalde, ezin utzi aipatu gabe, gure taldeko neskak, datorren asteburuan eta Irungo Azken Portuko igerilekuan Euskal Herriko taldeen Kopan parte hartuko dutela eta hemendik gure babesa eta animoa bidali nahi diegu.

Aupa neskak eta egurre!

Helduen ligak, Sariak atalean publikatua | Erantzunak desaktibatuta daude Izarraitzeko igerilariek emaitza onak lortu dituzte asteburuan sarreran

Emaitza onak Malagako Txapelketan

Osteguna, 2018 apirila 12 atalean izarraitzie -k publikatua

Zapatuan hasi eta asteazkena bitartean, Izarraitz Igeri Elkarteko Oihana Goenaga, Iñaki Etxeberria eta Maitane Goenaga igerilariak eta Omar Urbieta entrenatzailea Malagan izan dira, Espainiako Absolutuen eta Juniorren Udaberriko Open Txapelketan. Azken asteetan hitzordu horretarako aritu dira prestatzen eta,  emaitzak ikusirik, entrenatzailea eta igerilariak nahiko gustura gelditu dira.

Malagan jokatu den txapelketan, Oihana Goenagak, ez du bere maila erakusterik izan lesio baten ondorioz. Iñaki Etxeberriak eta Maitane Goenagak aldiz, txapelketa on bat burutu dute eta hona hemen lorpen esanguratsuenak:

Maitane Goenagak:

  • 100 metro bizkarren 1:05:66 denborarekin, marka pertsonala eta klubeko errekor berria 16 urtekoetan.
  • 200 metro librean 2:08:87 denborarekin, marka pertsonala.
  • 400 metro librean 4:37:33 denborarekin, klubeko errekor berria 16 urtekoetan.

Iñaki Etxeberriak:

  • 100 metro librean 55:46 denborarekin, klubeko errekor berria 17 urtekoetan.

Zorionak hiruroi egindako lanagatik!

Espainiako txapelketak atalean publikatua | Erantzunak desaktibatuta daude Emaitza onak Malagako Txapelketan sarreran

Izarraitzeko igerilariek bi hitzordu dituzte asteburuan

Asteartea, 2018 apirila 10 atalean izarraitzie -k publikatua

Aste bukaera honetan, Izarraitz Igeri Elkarteko kideek bi lehiaketetan hartuko dute parte, Tarbesen eta Oñatin.

Hasteko, Izarraitz Igeri Elkarteko Uxue Etxeberria (2004) igerilaria aukeratu du Gipuzkoako Igeriketa Federazioak, apirilaren 14 eta 15ean, Tarbesen (Frantzia) “Les 28ème Nautiques de TARBES” sarian parte hartzeko.  Uxuek, 200 metro libre, 200 metro estilo eta 100 metro bular probatan hartuko du parte.

Bestalde, zapatu arratsaldean, Udaberriko Liga Probintzialeko lehen jardunaldia izango da, 15:30etan hasita, Oñatiko Zubikua Kiroldegiko igerilekuan. Proba horretarako izena eman duten taldekideak honako hauek dira; Iñaki Etxeberria, Asier Zulaika, Maialen Sudupe, Alazne Sudupe, Ilazki Odriozola, Leiane Lopetegi, June Zubizarreta, Maialen Aiertza eta Intza Odriozola

Zorte on guztioi!

Helduen ligak, Sariak atalean publikatua | Erantzunak desaktibatuta daude Izarraitzeko igerilariek bi hitzordu dituzte asteburuan sarreran

Oihana Goenaga, Iñaki Etxeberria eta Maitane Goenaga Espainiako Open Txapelketara

Asteartea, 2018 apirila 3 atalean izarraitzie -k publikatua

Zapatuan, apirilaren 7an, hasi eta asteazkena bitartean, Espainiako Absolutuen eta Juniorren Udaberriko Open Txapelketa jokatuko da Malagan. Bertan izango dira Oihana Goenaga, Iñaki Etxeberria  eta Maitane Goenaga Izarraitz Igeri Elkartea ordezkatutzen.

Nazioarteko 611 igerilarik hartuko dute parte, eta gure taldekideek aukera izango dute ospe handiko igerilariekin lehiatzeko.

Malagako txapelketan proba hauetan hartuko dute parte:

  • Oihana Goenagak (1999): 100 metro libre proban.
  • Iñaki Etxeberriak (2001): 50 metro libre eta 100 metro libre probetan.
  • Maitane Goenagak (2002): 50 metro libre, 100 metro libre, 200 metro libre, 400 metro libre eta 100 metro bizkar probetan.

Zorte on!

Espainiako txapelketak atalean publikatua | Erantzunak desaktibatuta daude Oihana Goenaga, Iñaki Etxeberria eta Maitane Goenaga Espainiako Open Txapelketara sarreran

Uxue Etxeberria eta Iker Aizpuru gustura egindako txapelketengatik

Igandea, 2018 apirila 1 atalean izarraitzie -k publikatua

 

Joan den aste bukaeran, Izarraitzeko Uxue Etxeberria igerilaria Pontevedran izan zen, Espainiako infantil mailako Neguko Txapelketan parte hartzen. Azken asteetan hitzordu honetarako aritu da prestatzen eta, emaitzak ikusirik, entrenatzailea eta igerilaria gustura etorri dira etxera. Garbi dago, Espainiako txapelketetan izugarrizko maila egoten dela eta oso zaila dela aurreko postuetan ibiltzea. Hala ere, Pontevedrako txapelketara joatea, denboraldian zehar gogor eta gogoz lana egitearen saria izan du Uxuek.

Uxue Etxeberriak bi probatan lehiatzeko gutxienekoak zituen, 100 metro bular eta 200 metro bular eta hona hemen emaitzak:

  • 200 bularren 2:52:01 denbora egin bazuen ere, ez zion balio deskalifikatua izan bai zen.
  • 100 bular proban 1:19:44 denboran egitea lortu zuen. Emaitza honekin, marka pertsonala eta klubeko errekorrak ezarri zituen 14 urtekotan 50 metrotako igerilekuan, 50 bular, pasean 37:06rekin eta 100 bular 1:19:44rekin.

Iker Aizpuru berriz, Igeriketa Egokituko Espainiako Absolutuen Txapelketan izan zen parte hartzen Euskadiko selekzioarekin.

Absolutuen mailako Igeriketa Egokituko Elkargo Autonomikoen arteko Espainiako Txapelketa Castelloneko La Salera igerilekuan jokatu zen. Igerilari azpeitiarra absolutu mailan aritu zen eta emaitza onak lortuta etorri da Azpeitira. Hona hemen emaitza aipagarrienak:

  • Lehiatutako proba guztietan marka pertsonalak.
  • 4 brontzezko domina. 3 bakarkako probetan S10 mailan; 50 bular, 100 bular eta 200 estilo proban. 4×100 libre erreleboetan ere brontzezko domina eskuratu zuen Euskadiko taldearekin.

Zorionak bioi egin duzuen ahaleginagatik!

Espainiako txapelketak, Igeriketa egokitua atalean publikatua | Erantzunak desaktibatuta daude Uxue Etxeberria eta Iker Aizpuru gustura egindako txapelketengatik sarreran

Uxue Etxeberria lehiatuko da Espainiako Neguko Infantil Txapelketan

Asteartea, 2018 martxoa 20 atalean izarraitzie -k publikatua

Igandean, martxoaren 25ean hasi eta asteazkena bitartean, infantil mailako igerilariek neguko zitarik garrantzitsuena dute, Neguko Espainiako Txapelketan, Pontevedran (Galizia).

Izarraitz Igeri Elkartetik, Uxue Etxeberria eta Omar Urbieta entrenatzailea igandean, animoz beteta, bidaiatuko dute Galizia aldera.

Pontevedran jokatuko den txapelketan, Uxuek, 100 bular eta 200 bular probatan hartuko du parte eta ziur, duen guztia emango duela ahal den denborarik eta posturik onenak lortzeko.

Zorte on eta egurre!

Espainiako txapelketak atalean publikatua | Erantzunak desaktibatuta daude Uxue Etxeberria lehiatuko da Espainiako Neguko Infantil Txapelketan sarreran